تحبون غسل المواعين أم لا .. نريدكم هنآ بالقرب .. نفيدكم و نستفيد منكم تلك هي غايتنا .. تفضّلوا .. أهلااا بالجميــــــــع - الصفحة 2

معاً إلى الله · 2013-10-12, 18:22

بعض النصااااائح على السريييييييييييع ..

1- لا تسكبى الدهون فى الحوض فبمجرد ان تبرد سينسد الحوض كما تأكدى من تنطيف الأوانى
جيداً من كل بقايا الطعام لنفس السبب
2 – إذا انسد الحوض بالفعل فلا تكومى به الأطباق و الملاعق فهذا يعرضها للتلوث
3 – أما إذا وضعت أدوات المطبخ فى الحوض المسدود فكونى حذرة جداً و أنت تلتقتينها من
قاع الحوض فمن الممكن أن تصطدم يدك بسكين قابع فى الماء
4 – كونى دائما حريصة على أرتداء مريلة المطبخ اثناء غسل الأطباق و لو كانوا كمية صغيرة
لأن الماء دوما ما يبلل الملابس فى منطقة البطن و هذا يعرضك لبرد المعدة
5 – إذا اردت نقع أناء بالماء لأن الطعام ملتصق به ضعيه فى الحوض و أغسلى عليه الأطباق
ليمتلىء بالماء و الصابون و بذلك تكونى أستفدتى من الماء بدلاً من استخدام ماء جديد .

معاً إلى الله · 2013-10-12, 18:37

توقّفي عن الصرآآآآآآآآآآآآآآآآآآآآآخ ..

من اليووووم لا تخآفي من شبح الموعيــــــــــن ..

نشفي دموعك و تعالي و تعلمي التنظيم ..

ستتغيّر حيــــــــــآآآتك إلى الأفضل ..

تابعوا معي هذااا المثــآآآآآل ..

مثلااا مثلااا اليوم رايحة تطبخي مقارون بلاصوص ..
راح تحتاجي مثلااا لخلاااط ..
القدر لي تغلي فيه المقارون و المصفاة ..
و قدر خاص للمرق ..
و الملاعق لي تحركي بها ..
وووو ...

ممكن تكون حالة المطبخ هكذاااا ..

واش راح تديري في هاذ الحالة ...

يُستحسن أنو كي تكون الماكلة فوق النار ..
لا تخرجي من المطبخ و قومي بتنظيف ما تجمّع على البوطاجي ..
لا تتكاسلي رجاااءااا ..
و احتسبي الأجر في ذلك ..
و تذكّري دومااا أنّ النظافة من الإيــــــــمآآآن و الوسخ من الشيطان ..

هكذا بينما الماكلة تجهز أنتِ تكوني كملتي التنظيف ..
و ترجعي مطبخكِ هكذآآآ ..

و تروحي تتغداااي مع عائلتك و أنتِ مرتاحة البال ..
و لا يبقى لك إلآ القليل فقط من الصحون لي كليتو فيهم ..

ســــــــآآآهلة مـــــــــآآآهلة ..

بالتوفيق للجميع ..

كغومة · 2013-10-12, 18:53

السلام عليكم

موضووووع رائع

انا نحب نغسل الماعين
لكن خطراش نعجز ونتكاسل

مثل اليوم
لم اغسلهم حتتى غسلتهم اختي

لكن استفدت من الموضو ع
نحن في المتابعة...

أيادي الأمل · 2013-10-12, 18:57

هههه موضوعك جمييل و تعليقاتك و ردودك أجمل

ماعنديش مشكل مع الماعن الحمد لله

مشكوورة

محمد جديدي التبسي · 2013-10-12, 20:17

السؤال المطروح علاه النساء يكرهوا يغسلو لماعن ؟

ريحآنة الوفآء · 2013-10-12, 21:17

السلآلآم عليكم و رحمة الله و بركــآآته

دآآئما متألقة بموآآضيعك الجميـــــلة و المسلّية

ظرك رآآني هربت من العلوم غدآآ فرض وعععع و النعاااس حآآكمني

المهم
,,
المواعيـــن تهنيت منهم شويا هذا العام خآآصة أني مقبلة على شهآآدة البكآلوريًــآآ قليل وين نغسلْ هههــ

بصّح والله سآآعآت نقول نكسرهم خآصة تاآآع العشــآء

و مهما نهرب منهم لآحقيني لاحقيني لذآآ نوسّع بآلي معاهم ديما

و من طبعي لكآن أنا الي طبخت نظّف المطبخ قبل مانحط المائدة
الحآجة الي تتوسّخ نغسلها ثمثم
و لآلآ سآآآآعآآآآت كي نكون مزروبة يعني سآعات نروّح من الليسي مانلقاش الغداء تتحتم عليا نزرب و مانلقاش الوقت للتنظيف قبل مانحط المائدة نخليهم حتى يجملو و نغسلهم بعد الغدآآء

من اللّخر
آنــآ اقترآحي أنو نشرو كلّش بلآستيك نستخدموهم و نطيشو أحسن حل هههـ

ريحآنة الوفآء · 2013-10-12, 21:21

لي عودة

لأتطلّع على ردودك
لأنهآآ اكييييد رآآح تفيدني

*أم كوثر* · 2013-10-12, 22:13

السلام عليكم ورحمة الله
جزاك الله كل خير اختي
كل مواضيعك هادفة
اسأل الله لك التوفيق

الصراحة انا قريت العنوان ودرت هك ودكنقلك علاه
الصباح نوض بكري ونبدى شغلي عادي كاي ربة بيت
نفتح النوافد ونرز ونكنس وننظم ونسيق
تم ندخل الكوزينة ومن هنا تبدأ معاناتي اليومية
من ندخل الكوزينة نستعمل الاواني لتحضير الاكل
لي تطيح نطيح معاها هههههههههه بمعنى اخر لي نستعملها نغسلها في الحين
مريضة بحاجة اسمها نظام في المطبخ
الكراسي تع الطابلة لازم يكونوا معدولين بالميلي ههههههههفمابالك الماعن؟؟
مالقيتلهمش الحل بعد
جربت نلمهم حتى نكمل طبخ ونوكل الاولاد ونغسلهم
ماخرجتش عليا البوتاجي اصبح فوضى ولي نحوس عليها مانلقاهاش
الان راني مع فكرة لي نكمل بيها نغسلها ونرجعها لكني امضي معظم وقتي في الكوزينة مقابلة البوتاجي
نغسل ونشف الماعن ونخبي
دورة ونعاود نجبدهم
ساعات نبقى نخزر فيهم ونتفكر وش درت بيهم
المحير ففي الامر حتى ويبقالك اكل صابح وماتطيبيش الغداء الماعن يكونوا بالهبل
وكأنوا المراة داعيينها بيهم
متابعة للاستفادة

بيلسان11 · 2013-10-12, 22:35

السلام عليكم دائما متألق ةأختي معا الى الله
أما اما ديما روطار راني كنت مع المواعين تاع العشاء لأنني عاملة و ما نقدر نخليهم يبقاو للغد ,أهم حاجة أنني ما نخليش الحاجات اللي نحضر بها الأكل حتى نكمل و ناكلوا لازم الأكل راه يطيب و أنا نغسل في المواعين حتى كي ناكل نلقى غير الصحون و الحاجات تاع الأكل .و لي عودة ان شاء الله للموضوع

pro24 · 2013-10-12, 23:11

السلام عليكم اخيتي ربي يحفظك
وانا اقرا في الموصوع ماشاء الله
وبعد ذلك ذهبت الى الردود فانبهرت بها كيف لا وانا اعرف بنات الجزائر اعز المعرفة
لو لم اقرا انه منتدى كل الجزائرين لقلت انا هنا غالط في العنوان فانا هنا مع بنات الغرب
بنات بلادي الله يخليكم الله يحفظكم ليس هكذا عرفتكم
والمشكل كلهن اجمعن على حب غسيل الاواني ولكن المعادلك الصحيحة في الميدان
المراة لا تحب غسل المواني والتسياق اكثر مشكل تعاني منه ويؤرقها طول العمر
المهم هذا ردي اخيتي الغالية
اما بنات بلادي ارجو ان اكون قد انصفتكن
اكرر شكري لك اخيتي

ع.جمال · 2013-10-12, 23:21

وعليكم السلام ورحمة الله وبركاته.
موضوع نسائي يشارك فيه رجل غريبة شوية هههه لكن أنا لاأحب غسل المواعن بل آكل وأتركها مبعثرة بعدما كانت موضوعة بطريقة منظمة ومرتبة وكان الله في عون بناتي لأن كل الأمهات تترك لهن غسل الأواني وتقوم أيضا بتربيتهن منذ الصغر على غسل المواعن فكان الله في عونهن مع العلم أن هذا العمل مفيد جدا لبعض المرضى خاصة العصبيون وبارك الله فيك على الموضوع الجميل ...............

ام نسمة · 2013-10-12, 23:35

ههههههههههههههه المواعين وما ادراك ماغسيل المواعين
شبح شبح مرات نقول والله مانغسل كرهت والله كرهت الصباح الغذا العشية والليل بزااااااااااااااااااااااااااااااااااااااااااااااف تقول نرميهم احسن
ولا مانكل مانوسخ مواعين مانغسل
راح نبكي
كنت منظمة وفلت كل شي من يدي
وافضل رمضان على سائر الاشهر يكون مزاجي عالي
ونغسل اول بأول لااترك شيئ او اجله
لكن مؤخرا رجعت قريب نبكي من غسيلهم مرات يتغسلو في الوقت ومرات نلمهم ونخليهم كي نعجز على غسيلهم
ههههههههههههههههههههههههههههههه وزوجي كي يقول وعلاش ماغسلتيش واش هو الحل يا ترى للنفاذ من التنقريش ؟
سؤال وجيه لكن جوابه سهل سيدتي احكمي قرعة الازيس خبيها وقوليلو الازيس خلاصلي لكن قوليهالو روطار ههههههههههههههه
كي تحسي الحوانت غلقو كامل
هههههههههههه وهكذا تكوني نفذتي من غسيلهم ومن تنقريشو هو
راني نضحك بصح راح نبكي

يونس معبدي · 2013-10-12, 23:43

راح نشارك اخواتنا الموضوع
الخاص بهم (..)
لا ينكر احد ان هاته المهام تعتبر شويا صعبة كونها تدخل ضمن الروتين اليومي
والروتين الدائم لا احد يحبه...
في الحقيقة يحسن العون وخلاص
لكن ما يلفت الانتباه تشاجر الكثير اليوم من الاخوات في البيوت
اليوم دورك ..الاخرى لا دورك انتِ
النوبة كيما يقولوا
لكن ما قد يجهله الكثير اليوم هو البنات التي تدرس
تخيل ترجع للدراسة في المساء وتجدها في المطبخ تغسل بشكل عادي
الا يؤثر ذلك على دراستها فهو يمنعها التحضير وزيد مع التعب
اعتقد ان البنت التي تدرس من الاحسن تكون معفية من هاته المسائل
خاصة في وقت الدراسة

ان شاء الله نكونوا عطينا فكرة على الموضوع
من ناحية تفكير الرجل

رَكان · 2013-10-12, 23:45

ولكنني لاأغسل لماعيـــــــــــــــــــــــــــــــــــــــــــــ ـــــــن وإن حدث

وأجبِرتُ على ذلك يوما ........فسيكون طقم الأواني عندي كله jetable.

محمد مصطفى الحبيب · 2013-10-12, 23:46

للأسف الشديد فأنا لا اجيد القيام بأشغال المطبخ باستثناء طهي البيض ..!! لم أغسل صحناً في حياتي ...