إقامة اولاد فايت 3 - الصفحة 2

siba47 · 2013-09-17, 14:58

نعم عندي باك أحرار يا أختي شكرا لكي مسبقا على المساعدة

lake Hadjira · 2013-09-17, 20:31

باكك الاول شا سجلت بيه وبلوكيتي و لا ابوندونيتي

نتــــــــــاشا · 2013-09-17, 20:41

عليكم السلام لكلام اللي قالتو الاخت من قبل كله صحيح والله اقامة اولاد فايت وبن عكنون هي اقامات الفسق والرذيلة احذروا بزاف راهم لبنات تما حاشاكم خامجات ويديو للهاوية اعرفو كيفاش تمشو برك وليست فقط الاقامات اللي تخلو من هذه الظاهرة حتى الجامعات صارت كلها مجون في مجون خاصة جامعة بوزريعة للعلوم الاجتماعية وكذا بن كنون وماخفي كان اعظم ربي يهدي واللي حب يقرا على جامعة بوزريعة يروح لموضوعي اللي كتبتو من قبل بخصوص هذه الجامعة الكارثية اللي خرجت منها بلمعارف ودرت تحويل لبومرداس والحمد لله جامعة قمة في الاخلاق ونحمد ربي بابا عندو معريفة خرجني من الضياع

siba47 · 2013-09-20, 01:42

الباك القديم 2012 سجلت بيه انجليزية في المدرسة العليا بوزريعة وبلوكيتو عندي مقرر عطلة اكاديمية والباك هادا سجلت بيه المانية في جامعة بوزريعة لكن حاليا راني رحتلهم قالولي لازم تروحي لباب الزوار وانا مازالني حاصلة كيفاش ووين لأنو مانعرفش وين تكون نتمنى تساعديني تقوليلي كيفاش وواش يطلبو مني باش نقدر نستفيد من الاقامة علما أنو الباك القديم ماسجلتش اقامة صراتلي ظروف ماخلاتنيش نسافر ونسجلها يعني هادي أول مرة نسجل اقامة وشكرا ربي يجازيك

lake Hadjira · 2013-09-20, 13:01

انت حابا تقري المانية ولا انجليزية

lake Hadjira · 2013-10-02, 15:12

اليلام عليكم يا درا شادرتي حليت المشكل تاعك

iman95 · 2014-07-25, 15:24

حبييت نسقسيكم اقامة جامعة بوزريعة تخصص انجليزية وين جاية ؟ ؟

chaimaà 16 · 2014-07-25, 15:36

انا مدولي اقامة ولاد فايت 2 علوم دقيقة استاذة تعليم ثانوي بالقبة
و انا نروح نهار 10 سبتمبر انا و زميلاتي باه نديروا الغرفة مع بعض

*masaa* · 2014-07-25, 15:48

كاش واحدة تع_رف على الاقامة تاع بابا الزوار ولا لا

assia92 · 2014-07-25, 18:16

أرجوكم كيف استطيع تغيير الافامة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

assia92 · 2014-07-25, 18:39

اقتباس:

المشاركة الأصلية كتبت بواسطة فاتح أيوب

شوفي يا اختي انا تخرجت من الجامعة بدبلوم ومن الاقامة الجامعية اولاد فايت 3 بدبلوم
انصحك يا اختي تغيري اقامتك انصحك يا اختي بتغييييير اقامتك والله والله والله الطفلة لي راضيين عليها والديها ولي عاقلة صح صح ولي مايهمهاش الخرجات تخرج مليحة من ولاد فايت
اولاد فايت وكي تروحي ثم تلقايها بنات فايت يعيطولها
اول شي الفسق يعني ادا كنت متحجبة وعاقلة رح ياكلوك ثم لانهم يقضو الصوالح غير لل ........... راكي عارفة
النفاق في كلش والمعرفة في كلش
الكوس ادا طحتي في بوزريعة رح تعاااااااااااني من التطباع تع الكوس كل عام وحدة يفوت عليها كوس
المشاااااااكل و المظاهارات دايما
البنات ردي بالك من جناح f ادا قدر وطحتي فيه وجناح g هاد الجناحان فيهم غير البنات لي يشربو و يتكيفو و ادا طحتي معاهم رح يشربوك المرار غير هوما لي يحكمو وادا كان عندك قرايا رح تضطري تخرجي تقراي برى الديجي على العام والغنى الخامج على العام
واش نحكي واش نخلي
بصح نصيحيتي ليك يا اختي حدك حد روحك ردي بالك من عون الامن اسم فقط
والله خطيرين بزااااااااااااااف
ردي بالك ملي يخدمو في الريسطو راهم يدو للهاوية ادا تدي بنصيحتي ريزيستونس و طيب في شمبرتك وادا جيتي من القريايا ماتكثريش خرجات
ادا حبيتي نحكيلك بالتفصيل على الاقامة ولاد فايت راسليني على الخاص
والله والله انا كي خرجت منها مليحة سجدت لربي سبحانو
وراهي جايا في الخلا ماكان حانوت ماكان وين تشري حتى تروح لوسط البلاد المهم ادا حبيتي تعرفي عليها راسليني على الخاص

هذا رأي إحدى الطالبات المتخرجات من الاقامة الجامعية اولاد فايت3

أختي كيف استطيع تغيير الاقامة؟؟؟
انا ايضا اولاد فايت