عليكِ بناصِح أمين ورفيقة حسنة ناصحة تكونان دائما إلى جنب هي الوحيدة من ستساعدك في حياتك الداخلية
لازم ـأنتي تغلبي نفسيتك وتبدلي معارفك إدا راهم كيما انتي
بعيداً عن العاطفة لازم تبدلي حياتك للأفضل والله صعيب عدم الصلاة صعيب بزاااف ياختي
خلاص شوفي روحك شحال في عمرك وحسّي بحياتك شحال ضاع منها وانتي بلا صلاة علابالك القلب ينفطِر بمجرد التفكير في وضعك
والله والله شيء عادي جدا جداً أنها توصل وقت الصلاة تبدلي لباسك للباس الطّاهرة النقية تروحي تتوضاي وتوقفي تصلي 10 دقايق برك لا أكثر .... سبحان الله شوفي رب عطانا 24 ساعة وطلب منا نصف ساعة فقط كيف كييييف يعني منعطولوش ديك النصف ساعة يا أخت وهو عطانا 24 ساعة ''((لأنه لو نصلي كل الصلوات مع بعض نجد أنفسنا في نصف ساعة تكفينا لكل الصلوات ))
كيفاش نصف ساعة منستاهلوهاش للعبادة ؟.؟
مثااال برك ... يعطيك واحد مليون من عندو قال تفضّل هاد المليون تستاهلو من عندي وغدوة من داك يتلاقاك ايقولك من فضلك نحتاج 1000دج برك من داك المبلغ ... بيناتنا تمدلو ولا لالا ؟؟
أكيد تمدلو وتزيدلو وتقولو بارك الله فيك ......
هدا هو الله أعطانا 24 ساعة وطلب منا نصف ساعة وانبخلووووه ؟؟؟ ((هي في الحقيقة رانا انبخلوا أنفوسنا )) مي الفاهم يفهم
مي منقدرش انطوّل في النّصح والتوضيح والتحفيز لدلك ولكن نطلب منّك أنّك تاخدي قرار ووالله سيكون أجمل وأروع وأصوب قرار أنكي أختي تفكري جدّيا أنكي وعدتي رب تولّي للصواب وأنك نادمة على الماضي ووالله يا أخت منّفعك لا أنا ولا أحد ولا حبيب ولا والد غدوة قدّام رب ... يعني بصراحة تعمقي في كلامي غدوة أنكون وحدي واحد مايبكي عليا لااااااااازم من اليوم مادام رب طوّلي في عمري وهو حب الله لي أني مامتّش في الحرام لااااازم عليك ياختي تجددي ايمانك وتمسكي طريقك ووالله لي راه برك يضحك معاك دون نصحك ولا شيء ننصحك تبدلي الصفحة حاولي تفكري في مصيرك برك وكثري من التلاوة راح تفتحلك الشّهية للعبادة ....
طوّلت بالزاف في الكتابة نتمنى عن قريب تفرحينا بحياتك الجديدة وانفرحوا معاك لأننا مسلمين لااازم نبكوا على أمثالك وانفرحوا على أمثالك لأنكي نادمة بالشيء لي راكِ فيه مراكيش بعيدة تولّي أفضل أختاه غير بداي برك رب هو ايعاااونك
وبارك الله فيك
( تقرير عن مشاركة سيئة )، و الموجودة أسفل كل مشاركة .
2013-08-21, 01:16
العرض العادي
