انصحوني - الصفحة 2

bouchra kamelia · 2013-08-17, 19:40

تذكري الله عزوجل و استغفريه او رجعي الي ربك راضية مراضية وقرئي القران و ادعي لله يستجيبوا اليك ان شاء لله

Anoir khellouf · 2013-08-17, 19:58

سبحان الله

يجب ان تعلم جميع العائلة و خاصة الام

امر خطير جدا

الله يهديك

امة الله جويدة · 2013-08-17, 20:25

اقتباس:

المشاركة الأصلية كتبت بواسطة مشكلتي

انا فتاة في سن المراهقة اعاني من احساس بالوحدة القلق واعرف ان هذه فترة و ستمر لكن مشكلتي الحقيقية انني عندما اقلق اقوم بتقطيع شرايين يدي و تكرر معي هذا الفعل و بكثرة هذه السنة فقد كنت افعله من قبل و لكن خفيفة اما لان اصبحت اكثر منها واصبح يتوجب علي الذهاب للمستشفى وقد كررت هذه العمليه اكثر من ١٠ مرات في 3 اشهر السابقة و اصبحت يدي مشوهة من شدة الضربات والخياطة حقيقة و ما يقطع قلبي ان لا احد من العائلة علم بامري و لا حتى امي ارجوكم انصحوني للتخلص من هذه العادة

السلام عليكم اختي لازم امك تعلم وهي تلقالك حل وتديك لطبيب نفساني وليا امك ماعلابالهاش كيفاش تحوسي افراد العائلة يكون علابالهم لااااازم امك تعلم بامركيييي
الزمي الاستغفار يخفف عليك ويلازم تتحكمي في روحك ماتخليش الشيطان يوسوسلك يليق تتخلصي من هذالعادة

amine9mm · 2013-08-17, 20:41

نعطيك حل
الصلاة المفروضة+النافلة +المداومة على الاذكار +املئي فراغك بقراءة القران
اضمن لك ستتخلصين من هذه العادة

جمعي البشاري · 2013-08-17, 21:18

كيف لأمك لاتعلم مشكلة كهذه

الم ترى يدك

الم تسالك عن الخياطة

والأدوية التي تشربيها وراء الخياطة لعدم تعفن الجرح

قصة مفبركة .....لا اراها الا في الافلام الخيالية والرعب

عجبت لأمرك

احلام طموحة · 2013-08-17, 21:44

لا حول و لا قوة الا بالله

ToXiC_Dz · 2013-08-17, 22:05

اختي اذا كان صح واش راكي تقولي كبابل راه عندك "اضطراب الشخضية الحدية"
مانيش مختص نفسي مي الاعراض تاع القلق، الحزن ، الوحدة ، اللجوء الى الايذاء العمدي للنفس
هي علامات بارزة لهذه الشخصية
https://www.ebnmisr.com/forum/t79165.html
يلزملك تزوري اخضائية نفسية وحدك و لا مع يماك و يلزم تهدري مع يماك لي هي اقرب شخض ليك
و ماكان حتى واحد قادر يعاونك و ف نفس الوقت يحفظ سرك كيما يماك
الاخصائية ان شاء الله تشخص مرضك الحقيقي و تعطيك ادوية تحسن المزاج و الدواء راح يعاونك بزاف
و من غير الدواء انتي بينك و بين روحك لازم تحسي بقيمتك وما تلعبيش بعمرك
لان الامر قادر يتطور من مجرد تشريط اليدين الى افكار انتحار بعيد الشر
كاين بنات ف الغرب يوصل بيهم الامر تستمتع بتقطيع يدها و تستمتع بمنظر الدماء تسيل
و شوية شوية حتان تعلق روحها
مالا اختي تخليش الشيطان يلعب بيك
ايذاء النفس و تقطيع الايدي هي طقوس يمارسها عبدة الشيطان
يعني انتي حاليا في حالة ضعف و راكي شبه مستسلمة للوساوس
استغفري مولاك، ادعي ربي يشفيك ، صلي اذا ما كنتيش تصلي اقراي قران
ما قدرتيش تقراي اسمعي برك و حبسي الغناء و لا نقصي قد ما تقدري
شوية شوية راح تبداي تحسي روحك بديتي ترتاحي و القلقة تروح
ما تخليش روحك دايما ف العزلة و تقربي من عائلتك
انتي مازلتي صغيرة و الوحدة ف العمر تاعك قادر تضيعك
ان شاء الله ربي يشافيك و ربي يرفع عليك هاذ البلاء

wafa16 · 2013-08-17, 23:12

كيفاش اهلك ما لاحظوش هاد العمليات
سبحان الله هل وصل بهم الاهمال لهده الدرجة
اما انتي اختي هل عجبوك يديك لما شوهتيهم ماراكيش حشمانة بيهم
اختي هاد شيئ مرفوض و تبهديلة خاصة لك كفتاة
استغفري مولاك و ادا عندك ازمة نفسية زوري طبيب نفسي
و ما تاديش نفسك لانو النفس و ايظا الجسد امانة من عند المولى و لازم نحافظو عليها
ادا ما تحلتش مشكلتك شوفي طريقة اخرى تفرغي بيها زعافك لكن بلا ما تجرحي يديك

nibrasse 76 · 2013-08-18, 01:11

لن اصدق هذا الا في حالة واحدة === وهي تعاطي الحبوب المهلوسة ؟؟؟

you92cef · 2013-08-18, 11:38

هدا يسمى انتحار وليس عادة
لو كنت طبيب
لتركتك على حالتك
لانك اخترت الموت
عدرا على الدر القاسي !