طاجين الحلو بيتني نبكي..يا لبنات شورو عليا..

[asala2]

الطاجين غير ب اللحم كلاو ولا ما كلاوش لشتى شوية يطلق البنة و البصل نظن فيه والسمن سقسيها كيفاش يطيبوه هم بصح احسنلك سقسي اخت راجلك هي اكيد رح تنقص وتزيد كيما يقولو السلفة حسيفة

[mamlakatafkar]

السلام عليكم و صح فطوركم
\أختي الكريمة نعطيك كلمة و دريها حلقة في ودنك واحد مازاد متعلم هادي حاجه و الحاجة الأخرى هي لازم تحوسي على راجلك ما يحب و ما يكره و انتي حاولي تتعلمي طبخهم من اجلوا لأنو في الاول و الاخير هوما اهلو و ياكل ماكلتهم اذا اكيد راح تكون تعجبو و بعد ما تتزوجوا انساء الله طيبيلو طيابك و في نفس الوقت تعلمي طيابهم حتى توالفي و تعرفي ما يحب و ما يكره

[fati oran]

شوفى اختى مل تبكى ما ولو اليوم طاجين الحلو فى قاعات الحفلات راه يتقدم على شكل ديساغ و الله ما تخلعك هما يطيبو اللحم حلو بزاف و قادرة طيابك يكون بنين عليهم ما جاتش فالحم جات فالدين

[* الحلم سكر *]

المشاركة الأصلية كتبت بواسطة yara djoumana

ننصحك نصيحة واش رايك تسالي زوجك كيفاش يحب ياكلو و طيبيلو بويسك النساء و امالين الراجل راو مايعجبهمش لعجب
الا من رحم ربك وطيبي اطيابك كل واحد عندو طريقتو ..........................

هدا الكلام الصحيح شوفي راجلك واش يحب و صح مليحة تقومي بالعجوز و ترضيها مي ديري في بالك كل واحد عندو طريقتو و مليحة يكون عند بصمة في الاكل او اي شيئ خلاف بالاك هوما يديو من عندك ما تبكي ما والو
ربي يسهلك اختي

[عمري ضايع]

بارك الله فيكن
عندكم الصح مكانش اللي زاد متعلم ومن المفروض نتعلم كل الطرق بصح هي منصحتنيش وانما تستهزت بيا و هذا الشي غاضني
بالنسبة لخطيبي كلاه من يدي شحال من مرة و مقالي والو
ربي يحازيكم