الخدمة الوطنية دفعة سبتمبر 2013 .. ارجو المشاركة

[ha91]

أنا تاني إن شاء الله راني رايح في سبتمبر

[arbifoot]

انا تخرجت في 2012 ما جاتنيش لوردابال درت 5 مرات هديك تاع البرمجة او ماجتنيش في مارس لي فات كيفاه ندير يعني عندي امل يبعثولي في سبتمبر ان شاء الله كيفاه راح نديير مع العلم ان عمري 27 سنة

[محمد-ب-]

أنا أحسن لي دفعة سبتمبر يعني كي جوز عام ونص إبتداءا من 2013 تندر في فيفري و تلحق بلي كونكور نتاع صيف 2015 و كي جوز في مارس ما تلحقش لازملك تستنا لصيف 2016 كون متهني و ليكيدي عليك

[djalal44]

السلام عليكم يا المجاهدين
سقسي مجرب أو ماتسقسيش طبيب
أنا نقولكم دفعة تاع سبتمبر هي المليحة صح فيها البرد بصح تدوها غير رقاد والحشيش تلقاواه طري ماتنحوش بزاف بصح توع مارس يلقاو الحشيش يابس وكبير والشوك داير حالة هذا بالنسبة لي جاتهوم أوردبال في ولايات الشمال
أما بالنسبة للجنوب مكاش الحشيش كاين كرفي تسقو الشجر وكذلك عندنا شهر رمضان واحد لدفعة سبتمبر ويكون معلق يعني بدون مشاكل ماشي كيما سطاج
ولكن دفعة مارس فيها رمضان في سطاج وسخانا شوية صعيب ورمضان الأخر تكونو معلقين القراد تاعكم ينقس الضغط
والنصيحة تاعي يحبيت نختم بيها
ماتعمروش راسكوم بزاف روح فوتها مدام راك صغير وتفكر لي يدخل بكري يخرج بكري وصلاتك ماتنساهاش

[ahmedsig]

المشاركة الأصلية كتبت بواسطة samou el fedjm

كل دفعة فيها ايجابيات وسلبيات
فبالإضافة لما قالوه عن دفعو مارس يوجد أيضا العمل الكبير فيها لان فيها التخرج وبالتالي العمل اكبر من دفعة سبتمبر وزد أيضا الحشيش في الربيع يقوى وما يخلاصش وبالتالي 4 شهور حشيش

أما سبتمبر فهي راحة لكن فيها البرد الشديد والمعاناة منه وأيضا فترة التخرج وغيرها

ولي بعثوه إلى بجاية أستطيع أن اجيبه على تساؤلاته

السلام عليكم أخي أنا رسلولي لوردابال الأولى لبجاية (المدرسة التطبيقية اللهندسة) درت سورسي و ينتهي في 31/10/2013 و عندي ملف كفالة و ملف طبي مانيش عامل لافيزيت و قالولي حتى تروح للثكنة دفعوا واش عندي حظ ف الاعفاء و كيفاش الأمور في هده الثكنة و بارك الله فيك

[samou el fedjm]

المشاركة الأصلية كتبت بواسطة ahmedsig

السلام عليكم أخي أنا رسلولي لوردابال الأولى لبجاية (المدرسة التطبيقية اللهندسة) درت سورسي و ينتهي في 31/10/2013 و عندي ملف كفالة و ملف طبي مانيش عامل لافيزيت و قالولي حتى تروح للثكنة دفعوا واش عندي حظ ف الاعفاء و كيفاش الأمور في هده الثكنة و بارك الله فيك

وعليكم السلام ورحمة الله

بالنسبة للمدرسة فهي الاحسن والعسكر لي فيها خصوصا أصحاب الخدمة ليسوا عسكر بل يعيطولهم بابيش العسكر فمقارنة بالمدارس الاخرى رانا نظلوا قاعدين خصوصا في 45 يوم الاولى ولن تندم على الذهاب إليها

اما الملف الطبي فإن لم يكن قويا فلا داعي لإحضاره لان الطبيب تاع المدرسة سيئ جدا وما يستعرف بوالو وكم من مريض فات وكلش معريفة وصوارد تخرج

اما ملف الكفالة فلن تاخذ الإعفاء به إلا بعد حوالي 10 أشهر على الأقل ما لم تكن لك معريفة هذا ما لدي

وإن خصك شيئ آخر فأخبرني

[ahmedsig]

المشاركة الأصلية كتبت بواسطة samou el fedjm

وعليكم السلام ورحمة الله

بالنسبة للمدرسة فهي الاحسن والعسكر لي فيها خصوصا أصحاب الخدمة ليسوا عسكر بل يعيطولهم بابيش العسكر فمقارنة بالمدارس الاخرى رانا نظلوا قاعدين خصوصا في 45 يوم الاولى ولن تندم على الذهاب إليها

اما الملف الطبي فإن لم يكن قويا فلا داعي لإحضاره لان الطبيب تاع المدرسة سيئ جدا وما يستعرف بوالو وكم من مريض فات وكلش معريفة وصوارد تخرج

اما ملف الكفالة فلن تاخذ الإعفاء به إلا بعد حوالي 10 أشهر على الأقل ما لم تكن لك معريفة هذا ما لدي

وإن خصك شيئ آخر فأخبرني

أنا عندي مرض مزمن متلازمة بهجت maladie de behçet و عندي مدة 10 سنوات اتبع عند اختصاصي و دخلت للمستشفى مدة 12 يوم بسبب هدا المرض و عندي ملف طبي من 2003 فيها حظ للاعفاء و بارك الله فيك

[TAREKCH34]

السلام عليكم ورحمة الله وبركاته شكرا على المشاركات أثلجتم صدورنا

يقولك الواحد كي يشوف هم الناس ينسى همو أنا ثاني متخرج في 2012، بعثولي دفعة مارس للقليعة ورحت متأخر بأسبوع

ردوني من باب الكازيرنة كانت معمرة قالولي في سبتمبر يعاود يجيك الاستدعاء

المهم إن شاء الله برك أيجيني الاستدعاء راني خايف برك ما يجيش راني نستنى فيه بفارغ الصبر

هرمنا 6 أشهر لا خدمة لا سورسي لا والو

نصيحة خاوتي توكلوا على الله ونروحوا انحوا مشكل تاع الخدمة الوطنية

إلى كل من عندو معلومات يتفضل بيها ولي راه صرالو كيما حالتي يحكينا

في انتظار الاستدعاء ربي يفرج على الجميع أكثروا من الدعاء رانا في شهر رمضان

إن شاء الله ربي يفرج علينا ويسرلنا أمورنا

[hamzaka07]

ان شاء الله ربي يقدم لي فيها الخير ..

راهي أغلبية الشبيــبة كيما حالتك وكامل حابين نتفكو منها .
المهم الواحد ما يبقاش معلق بيها لازم يقضيها في أقرب وقت .. لأنه درك كلش شيء مرتبط بيها

[federer the maestro]

انا جاتني مرتين لبوسعادة و ما روحتش ليعرفها يقولنا مليحة ولا لا و لي عاندوا bac +5 قداه stage وفيها كورفي و صح رمضانكم

[mimou88]

انا راني نفوت فيهم دفعة مارس .اسمع نقوللك خاجة لاكان عندك دوسي غير ديه
او زيد دفعة سبتمبر راهي صعيبة بيسك طيج معا ديبي داني
2013

[hamzalgeria]

سلام
أنا بإذن الله سبتمبر نروح، كرهت الوضعية تاع تستنى العفو، الوقت راه يفوت من الأفضل الواحد يكملهم و خلاص

[pitchoudjo]

ايييييييه يا خاؤتي انا تاني جاتني الاستدعاء في مارس 2013 و درة انية و روحت للبليدة عقبنا شهر و حنا في الكازيرنة ميزيرية كبيرة تمينية كون حكموني بسك خرجونا سورسي و في سبتمبر نشالة يجي استدعاء وحد اخر و انا كي نتفكر وش عقبة تم نقول يجيني القايد صالح و مانرجعش مي كي نتشوف روحي نكبر و بلا ورقة تا عسكر ما تقدر دير والو نقول نروح و نرح ربي جيبها فصواب و لي حاب يسقسي على حاجة اني هنا سلام

[djozef_19]

n,chalahe hhhhhhhhhhhhhhh tatmizzrou

[pitchoudjo]

المشاركة الأصلية كتبت بواسطة djozef_19

n,chalahe hhhhhhhhhhhhhhh tatmizzrou

RABI YHDI MN 5LA9 wli darha rabii mar7ba baha w da3wa bla dnob fi ras molaha doob c bn