هل اتزوج

[pro24]

هذا ليس بسؤال اختاه غير توكلي على الله وتزوجي كل واحد وقسموا
الحل تزوجي وتسقسي حتى واحد ذرك
تـــــــــــــــــــزوجـــــــــــــــــــــــــــ ــــــــــــي
حياة زوجية مباركة اخيتي

[عبدالرحيم75]

توكلي على الله وتزوجي إذا جاء مكتوبك ،وربي يجيب الخير لأختك الكبرى وكامل بنات المسلمين ،القسم على ربي وكل واحد واش عطاه ربي وقدرلو في هذا الدنيا ،المهم الله الموفق والمستعان

[عزه]

المشاركة الأصلية كتبت بواسطة moon man

روحي تزوجي ؛ هاذي مسألة ما تستحقش استفسار ؛ ياو روحي تزوجي .

[Sadjia-ikram]

الدنيا مكاتييييب أختي إذا راكي مقتنعة أتزوجي و أختك ربي يجيبلها بإذن الله و لعلى أنت تكوني السبب في زواجها

[bachirkihal]

اختك الكبرى ادا مكتوبلها الزواج رايحة تزوج أما انتي المهم لي تقدملك يكون كما وصانا الرسول الكريم

[moha75]

اسمحيلي نقولك ما عندها حتى علاقة أختك ،
وأنت مش ذنبك أن أختك لم تتزوج،
ولست أول فتاة تتزوج قبل أختها،
في رأي اللي يجيها مكتوبها تتزوج،
لأن رفضك للزواج مش راح يجيبها عريس،
وبهكذا تقوتي عليك فرص ،
تزوجي وادعيلها ربي يرزقها الزوج الصالح.
فرحي والديك وعلى الأقل تبقى واحدة،
مش إثنين .
ربي يوفقكم إن شاء الله لما فيه الخير.

[الواثقْ بالله]

تزوجــــــــــي

[oussama-30]

الدنيا مكتوب ياأختي بلاك أنتي مكتوبك قبل منها قال الرسول صلى الله عليه وسلم إذا أتاكم من ترضون خلقة ودينه فزوجوه أختي قادرة تكون هاذي هي فرصتك وربي يهنيك إن شاء الله

[nabi1 m]

ما هذه بمشكله أنت فقط تهولين الأمر...فإن جاءك الموت قبل أختك الكبرى هل تؤثرينها عليك فيه.
اتق الله ولكل نصيب في دنياه ...إن جاءك من ترضينه فتوكلي على الله

[زهرة الاحلام]

يا خيتو الزواج اسم و نصيب ربي مكتبلك باش تعرسي قبل اختك تتوقفي نصيبك عنجال اختك حرام توكلي على الله و متضيعيش الفرصة بالاخص اذا كان راجل مليح بزاف و ربي يهنيك

[حياة الإسلام]

رني كيفك غير عرسي قريب نشاله تزوجت أختي الصغيرة وهدا وقت عرسي نشاله و أختي لأكبر منا مزات إدا تحبيها أدعيلها

[حـبـيـبو عـبـدو السوفي]

الله يهديك هاذا السؤال لا يدعو للمناقشة فهاذه مشيئة الله

عندي اخوات صغار تزوجو وعندهم اولا في وحدة كبيرة هلا تزوجت

[ملاك القدس]

الزواج قسمة ونصيب

ربي هو لي مقدرلك وكاتبلك باش تتزوجي

فلدا انصحك بالزواج

اما بالنسبة لا ختك

ليست دائما الفتاة الكبراى في المنزل تتزوج لاول

وانما شوفي لربي شاه راهو كاتب لعبدو

سبحان الله

[anfale 86]

السلام عليكم قال الحبيب المصطفى صلى الله عليه وسلم: (إذا جائكم من ترضون دينه وخلقه فزوجـوه)و أقول لك أختي إذا كان العريس بهذه المواصفات فلما لاتتزوجينه و ربما يكون هذا الزواج فأل خير على أختك فتتزوج من ورائك (كيما نقولو حنا تجريــها من موراك)و دعيلها بالزوج الصالح و انت عروس فعسى أن تكرهو شيئا ويجعل الله فيه خيرا كثيرا و أنصحك أختي قبل كل شيء بالاستــخارة فما خــاب من استــخار.

[algerian_wallpaper]

تزوجي ... وكيما نقولو بالدارجة او العامية الجزائرية ... ماشي راسك وراسها في صاشي ....
توكلي على الله وتزوجي يا أختاه وبالتوفيق لكي