سر البوراك

[anaris]

السر في قرمشة البوراك هو الزبت السخون لازم الحبة ماطولش داخل الزيت كلش طايب الورقة تاع الديول فقط هي لتتحمر ارجو ان اكون افتك

[jomana jiham]

صح فطوركم انا نديره في الفرن باسكو ما يحبوهش مقلي في الزيت.

[amiramirna]

صحة رمضانك
انا تان احيانا يصرالي هكذا
العام هاذا جربت قبل رمضان كامل الديول واللي فازو فالاختبار هما ديول صليحة تاع بن عكنون
اذا تسكني فالعاصمة و ضواحيها تجديه و الا الله غالب هاذا واش نجحلي

[مسعودي خولة]

كي نعودي رايحة ديرية اقسمي ورقة البوراك على زوج ورفيه واقليه قبل الفطور نصف ساع هاداك هو يقعد ربع ساعة ولا 10 دقايق فوق الطابلة وكي تقليه متحطيهش فوق بعضاه ديري papier وحطيه قدام بعضاه ان شاء الله نكون افدتك جربيه وقوليلي

[فاطمة الزهراء7]

انا نقولك وعن تجربة كي تقليه حطيه في الطبسي تاع التقديم و غطيه كتانة نقية ادا حبيتيه سخون خليه على برا و ادا حبيتيه بارددخليه في الثلاجة و هكدا يبقا مقرمش و لاباس عليه
نسيت كي تغطيه ماشي بزاف حطي الكتانة تاعك غير من الفوق

[pharmajsk]

انا في الحقيق البوراك منقبليهش منحبوش مقلي لكن نحطو في صينية وندهنو بشوية زبدة ذائبة من الفوق ونحمرو في الفور والله يجي رووووووووووووووعة

[lofi]

نشفي الخشو من الماء زين
نقليوه اخر حاجة و نديرو ف الكسكاس يقطر
صح فطورك

[أم عبير]

عزيزاتي المشكل في نوعية الديول كاين انواع تتقطع و تغبن في التشكيل و ايضا متجيش مقرمشة و كاين انواع مليحة تقعد مقرمشة صح فطوركم

[naima40]

merciiiiiiiiiiiiiiiiii

[الحطاب سهام]

اقليه فوق نار قويا شويا يعني زيدي على المقلا وكي تنحيهم من المقلا ماتحطيهمش فوق بعضاهم في الكسكاس بل وقفيهم وحدا حدا وحدا باه يقطرو لانك كي تحطيهم فوق بعضاهم يعرقوا على بعضاهم

[أم احمد3]

المشكل ربما في الديول لانه دائما مقرمش حتى لو بقي ليومين
او كما قالو لك ربما في الحشو شوفي بدلي طريقة الحشو

اما عن طريقة القلي ليس في الزيت ولا في النار انا اعمله كما يحلو لي وياتي مقرمش اي لا اتبع اي طريقة ثابتة

[amiramirna]

انا تان نقلي باي طريقة يصلح
و المشكل كيما قالو البنات فالديول تختلف
كاين اللي يقرمشو
و كاين اللي يقرمشوك

[تاج النور@]

المشكلة في الحشو كي كون فيه الماء يصير لها كذا

[حب الله لا يعادله حب]

jarbih f lfour wrodili lkhbar

[hadiahind]

السلام عليكم ببساطة اختي المشكل عندك في نوعية اوراق الديول واللي راكي تخدمي بيها مخدومة بالفرينة وننصحك استعملي كيلتين فرينة وكيلة سميد وبهادي الطريقة تجيك ثاني مقرمشة ورقيقة بويسك العام اللي فات كنا نخدموهم بالسميد برك بصح تجي مقرمشة ياسر ويابسة نسبيا ان شاء الله تكوني فهمتيني واي استفسار راني هنا صح طوركم