سؤال......... للمرأة و س للرجل...!!!! - الصفحة 2

عبد الرؤوف24 · 2013-06-25, 17:39

السلام عليكم
أعجبتنى ردود كم
بارك الله فيكم جميعا

~~مـجيد~~ · 2013-06-25, 17:41

السؤال للرجل ماهو موقفك ان رفضت زوجتك امك او أخواتك الغير متزوجات الاقامة معها
=======
أقتلها و اريح الدنيا من شرها

عبد الرؤوف24 · 2013-06-25, 17:41

اقتباس:

المشاركة الأصلية كتبت بواسطة مريم الصابرة

السلام عليكم
اخي مهتدي ناوي زواج سور وراك تشوف رأي نسا
صدقني وبلا مثالية زائدة هي الافضل الحرية وكل واح ديعيش حياتو هكذا كيما يقولك نبقاو حباب هوما بعاد وانا بعيدة
لكن انا عشت وحدي وكنتم خطوبة من قبل وخطيبي ربي يرحمو عندو الدار لكن ما قبلتش وفضل نعيش مع اهلو لانو نحب العائلة وما نحبش نعيش وحدي خاصة يخدم نهار كامل يعني ما نلقاش مع من نهدر ولازم نتناقرو هذي فيها فيها لكن انا عادي حتى وصح قبيحة لكن نعرف كيفاه نحبب الناس فيا يعني نتعايش نورمال اما اخوة زوجي الرجال كبعا كل واحد في حدو راهم يعتبرو خاوتي والبنات عادي مهما كانو قباح مريم عندها الدوا ويجي نهار يتزوجو ولو ما تزوجوش حرات في دار باباهم
يعني انا بلا مثالية نقبل عادي جدا شكرا

مامارانى باغى نزوج ماولو رانى غير نستعد بش كشما نقدرلكم يا ابناء حوة
ربى يكثر امثالك اخت مريم

عبد الرؤوف24 · 2013-06-25, 17:45

اقتباس:

المشاركة الأصلية كتبت بواسطة حميد.ص

السؤال للرجل ماهو موقفك ان رفضت زوجتك امك او أخواتك الغير متزوجات الاقامة معها
الجواب: يجب ان تحضر سكنا خاصا لمثل هذه الفرضية قبل الزواج اذا أمكنك ذلك.....اذا لم تتمكن فيجب عليك ان تختار المرأة التي تقبل العيش مع أهلك.

اهلا اخى نعطيك مثل وانت افهم
***قالك واحدى يبكى بمرض العقم والاخر يقولو قداه عندك الاولاد***
شكرا تاسعدتنى مشاركتك

عبد الرؤوف24 · 2013-06-25, 17:48

اقتباس:

المشاركة الأصلية كتبت بواسطة وفية زاد

انا ما عنديش مشكل نعيش معاهم
لكن بعد ما نعيش معاهم يمكن يتبدل الحال
خاطر على حساب واش صاير في مجتمعنا
كاين بزاف عرايس ما يتفاهموش مع اهل الزوج
و انا المهم عندي الهنا و راحة البال
اذا كانت المشاكل بيناتنا اكيد هذا الشي راح يأثر سلبا على الزوج و على حياتنا مع بعض
راح يلقى نفسه دايما وسط معركة بطلاها انا و عايلته

شكرا اختى ونحن نسأل وندرس الامور تفاديا وتحسبا لنشوء المعارك ابطالها الحماة والزوجة

عبد الرؤوف24 · 2013-06-25, 17:50

اقتباس:

المشاركة الأصلية كتبت بواسطة (الانسان الوفي)

السلام عليكم ....ان كنت خاطب فقط أفسخ الخطوبة ...وان كنت متزوج اناقشها فان رضيت فبها وان لم ترضى أطلقها ......فالأمر يعود لي وحدي وليس لها أن تتشرط في هذا الأمر ....والحقيقة التفاهم يأتي من الأول وليس بعد الزواج نصطدم بالأمر .

شكرا بارك نعم الراى

عبد الرؤوف24 · 2013-06-25, 17:52

اقتباس:

المشاركة الأصلية كتبت بواسطة صفــاء

السؤال للمرأة هل تقبلين بحماتك وأخوات زوجك بمقاسمة بيتك وحياتك والعيش معكى

بــــــالنسبة لى وبما أننى تربيت في عائلة كبيرة جد جدة أعمام عمات زوجات العم حتى زوجـــــات الأخوة

أحبـــذ أن أعيش مع العائلة الكبيـــــــرة فلا تحلو الحيــــــاة الا بالمشــــاركة

أما بالنسبــــــة لكيفية التعامل مع الحماة وأخوات الزوج أن أرى أن الكــــــــرة في ملعب الزوجة

أي واحدة تقــــــدر تكسب حماتها وأخوات زوجها بالمعاملة الحســــــــنة

وأظن ان العيش مع العائلة الكبيــــــرة يقلل من المسؤولية لزوج ولزوجة

ويعطى لهم فرصة اكتســـــــاب المهارات والخبـــــــرة للحياة

بارك الله فيك أخى

بارك الله مع انو العائلات التى مازالت تعيش مع بعضها تقريبا مفقودة كما تفضلتى الكرة فى ملعب الزوجة من اجل
راحة بال زوجها عليها بتضحية

عبد الرؤوف24 · 2013-06-25, 17:57

اقتباس:

المشاركة الأصلية كتبت بواسطة هدى الجيجلية

السؤال للمرأة هل تقبلين بحماتك وأخوات زوجك بمقاسمة بيتك وحياتك والعيش معكى

إن لم يكن هناك بيت
خاص لزوج
أكيد اقبل العيش مع اهله
الامر عادي
لازم الزوجة تعرف كيف تكسب
اهل زوجها
حتى لا تصير مشاكل
هي في غنى عنها

شكرا اختى بارك الله فيك
لانو كما تقبل الزوجة الزوج عليها ان تقبل اهل الزوج كما يقال لاتوجد تفاحة بدون غصن

عبد الرؤوف24 · 2013-06-25, 18:00

اقتباس:

المشاركة الأصلية كتبت بواسطة أم لجيـن

السلام عليكم
بما انه علاقتي بيهم علاقة اكثر من طيبة نعيش معاهم وانْعيّشهم معايا في مرتبة اهلي وجزء مني
فترة بقائي معهم في العد التنازلي سانتقل للعيش في ولاية اخرى وهذا الشيئ مش قادرة حتى نخمم فيه
وبالنسبة لاخي الوحيد لديه سكن مستقل لكن زوجته من اول النهار وهي في دارنا الى الليل وهكذا
تعاون في امي وحدها (وجود اخت صغيرة) هذا شئ هي قرراته لوحدها مكانش الي ضاغط عليها والحمد لله عايشين في نعمة
وكل واحد وعقليته من هذه الناحية خاصة

وعليكم السلام
اهلا اختى استمتع كثير بقرأة ردك الله يبارك اسرة قمة

عبد الرؤوف24 · 2013-06-25, 18:04

اقتباس:

المشاركة الأصلية كتبت بواسطة مـجيد

السؤال للرجل ماهو موقفك ان رفضت زوجتك امك او أخواتك الغير متزوجات الاقامة معها
=======
أقتلها و اريح الدنيا من شرها

اهلا برائع مجيد

القتل لماذ الاخ مجيد رانا نبحثوا على الحلول السلمية
بصح تذكرت ردك البارحة قلت ***لازملى وحدة توتوابسيو....**
يعنى لا مجال للتنازل عندك

الجزائرية 1995 · 2013-06-26, 12:57

في رأي يتفاهموا قبل الزواج على كلش الفايدة فيهم هما الاثنين

alilho · 2013-06-26, 14:17

من حق المرأة أن تسكن لوحدها

ومن حق الرجل على المراة ان تراعي المراة حالة زوجها

ان كان لا يستطيع ان يوفر لها سكنا مستقلا فعليها هنا بالصبر بالسكن مع عالئلته حتى يفرج الله

بالنسبة لي انا مقبل على الزواج رغم انني لا استطيع توفير سكن الا انني عزمت على ان اتوكل على الله واوفر سكن خاص لزوجتي

هكذا ما تكسرليش راسي بالمشاكل تاع الام والاخوات والاهل

zahra zina · 2013-06-26, 14:18

نعيش معاهم شرط يكونوا
عاقلين

عبد الرؤوف24 · 2013-06-26, 15:11

اقتباس:

المشاركة الأصلية كتبت بواسطة الجزائرية 1995

في رأي يتفاهموا قبل الزواج على كلش الفايدة فيهم هما الاثنين

التفاهم من الطرفين من الاول زكيما يقو لو
لى ضربتو يدو ماتوجعو

عبد الرؤوف24 · 2013-06-26, 15:15

اقتباس:

المشاركة الأصلية كتبت بواسطة alilho

من حق المرأة أن تسكن لوحدها

ومن حق الرجل على المراة ان تراعي المراة حالة زوجها

ان كان لا يستطيع ان يوفر لها سكنا مستقلا فعليها هنا بالصبر بالسكن مع عالئلته حتى يفرج الله

بالنسبة لي انا مقبل على الزواج رغم انني لا استطيع توفير سكن الا انني عزمت على ان اتوكل على الله واوفر سكن خاص لزوجتي

هكذا ما تكسرليش راسي بالمشاكل تاع الام والاخوات والاهل

فعلا ان استطعت ان توفر سكن احسن وان لم تستطع ماهو الحل
مثلا هناك اشخاص فى ايطار البحث عن سكن لكن يخسرون الملاين فى الكراء لمادا لا يسكنون مؤقتا مع اهليهم الى غاية توفر السكن الا يمكن للزوجة الصبر بضع سنوات