من يخرجني مأزقي(الخطبة)

[sarah1424]

سلام
صراحة ملقيت منقول
نعرف وحدة عائلتها نتاع خمر واخوتها حباس وهي طفلة عاقة متربية تزوج بيها واحد ولكن قطعها عن عائلتها متروح لحتى واحد وميجيها ش وكي تمرض امها وتزورها تروح معاها ام الرجل لمدة نصف ساعة
صراحة انت تسرعت كي خبت قبل متسقسي مليح
من حقك تختار نسابك وهي ماذنبها ؟؟ لا ادري
خمم مليح واستخر ربي

[أمة الله مروة]

السلام عليكم
اقول لك
صحيح يلزم معرفة حال أسرة الزوجين وحالها
لكن نقول لك: هناك أسر صالحة...لكن بناتهم للاسف على غير طريق الصواب
وبالمقابل، هناك أسر المعروف عنها الفساد لكن بناتهم ما شاء الله..او تجد ع الاقل فتاة منهم جيدة
بالتالي يا اخي الكريم
انت يهمك الفتاة...ابحث عن ماضيها واستفسر جيدا...

[بنت تاجنانت]

فعلا انظر لاخلاق الفتاة فان كانت جيدة فاكمل المشوار اما ان لم تكن كذلك حاول اصلاحها مرة ومرتين وتلاتة فان انت يئست من هاذا ففسخ الخطبة
احسن حل كي لا تظلم لا نفسك ولا الفتاة ويكون ضميرك مرتاااح

[نواار]

انت الان لم تدخل بها وفي هده الحيرة والريب

فكيف ادا دخلت بها وشبت نار الغيرة في قلبك

انصحك دع ما يريبك الى ما لا يريبك

[nada2009]

السلام عليكم
اخي الكريم لقد قرات موضوعك واحسست بالامك واردت ان اكتب لك هده الكلمات لعلها تخفف عنك ربي يفرج عليك وانصحك بصلاة الاستخارة والدعاء

[hakeem]

أبغض الحلال عند الله الطلاق و الطلاق في حالة إقامة العقد الشرعي و الزواج و إنتقال مسؤولية البنت من والدها إليك و في هذه الحالة ربي أحل الإنفصال لوجود سبب مقنع؟؟؟؟؟ أما في حالتك فيا أستاذ انت ليس بالمسؤول على البنت و مسؤوليتها في رقبة والدها و ليس انت و انت مسؤول على نفسك فقط و راك كبير و تعرف واش يخرج عليك فغن غنسحبت لسبب انت تعتقد انه قد يضر بعلاقتك أو بمستقبل أبنائك فلك ذلك

و إذا راك حاب أدير الخير في البنت و تخلصها من أهلها اللي على حساب ما أنت تقول (ماشي ملاح) فاعتقد أنك راح تدي أجر الزواج و تدي أجر المخلوقة و في هذه الحالة تأخذ البنت و عليك وضع حد لاهلها و يجب ان تكون صارما ( أديها و اهرب) و أدعيلهم بالهداية

و أنا شخصيا أميل للرأي الثاني ...أتكل على ربي إذا عجباتك المرا فياما شفنا عائلات تاع مشاكل لكن أصلح الله أبنائهم و ياما شفنا عائلات صالحة لكن ذريتهم تاع مشاكل

أما بالنسبة للحديث الذي انت تستدل به فأرجوا منك مراجعته ؟؟؟ فاعتقد انه حديث غير صحيح

قد تجد في النهر ما لا تجده في البحر

[achwak crazy girl]

ربي يفرج عليك

[hakeem]

راني سقسيت على الحديث و حوست عليه مليح فلا وجود له و الباقي انت خمم فيه و أتخذ قرارك

[liondoran]

السلام عليكم و رحمة الله و بركاته

[عطر الجوري]

ناس بكري قالك شوف الام واخطب البنت والرسول صلى الله عليه وسلم قالك خولو لاولادكم والاولاد بطبيعة الحال يجو لازين لمالين يماهم بطبيعة الحال هي راهي تهدد فيك برك مادير والو ماتخاف ماوالو استخير ربي وشوف

[achwak.1993]

المشاركة الأصلية كتبت بواسطة helen22

ربي يسخرلك في غيرها بحول الله
اقطع جميع طرق الاتصال بك و قولها ربي ماكتبش
المهم راك في البر و ربي سبحانه ختبرك هذا ماكان
ربي معاك و يعطيك بنت الحلال
امين

علاش هاد الطفلة بنت حرام هداك الله اختي ماذنب الفتاة اذا اهلها مش ملاح لو كنتي انت في مكانها؟

انا نشوفها ظلم كون تخليها مادام هاد الطفلة متربية توكل على الله وانقذها من هاد العايلة

[maram16]

خويا مشي كل حاجة تسمعها عليها و على عائلتها صحيحة ممكن يكون عارف انك خاطبها و و حب يفسدلها كلشي الغيرة و الحسد راه كثر بين الجيران خاصة اذا كانت الابناء قاريين و لاباس بيهم

[الجزائرية 2010]

ياخويا صح عندك الحق
بصح ماتنساش ولاد الحرام بزاف كاين عايلات
يحبو يحرمو عليهم
بصفة الغيرة او الحسد او ماشابه ذلك
نتا البنت تعرفها؟اخلاقها مليحة؟
خاوتها نورمالمون تحكي معاهم ومن هدرتهم وتصرفاتهم تبانلك اخلاقهم

وماتنساش مادامت البنت اخلاقها حسنة ماراكش رايح تدي خاوتها رايح تديها هي
والفايدة فيها هي
لانو هي رايحة تربيلك اولادك وترعالك دارك
صح متفهمة موقفك
بصح ننصحك
قبل تأكد
لانو ولاد الحرام بزاف
وصرات بزاف لاقرب الناس لي.

[نسمة تفاؤل]

انصحك اولا بالاستخارة فالله وحده من يستطيع اخراجك من هذا المأزق وعليك ان تسأل عن اخلاق الفتاة بالذات لان اصابع اليد مختلفة يااخي فهي كما قلت في عائلة ليس فيها من يصلح الا من رحم ربي بالاك هي خلاف اسأأل عنها هي بالذات واكيد لما تصلي الاستخارة ربي رايح يوجهك للخير حيث كان ربي يوفقك

[meriem hanin]

البنت اذا كانت حقا على خلق و دين و انت متاكد من هاذ الشيء واش ذنبها في اخطاء خاوتها الذكور
الله يهديكم تدو المحرم مع المجرم
ربي يسرلك الي فيها الخير و استخر مرااارا و تكرارا قبل القدوم على اي خطوة