الحق بسكن انفرادي للزوجة في الإسلام

[الرڨيڨ]

المشاركة الأصلية كتبت بواسطة حسين1988

نعم لكل زوجة الحق في مسكن خاص, ولكن من لا يتمنى ذلك من الازواج, من يريد من الرجال ان يعيش رفقة زوجته في بيت والديه ؟؟؟؟ .. لكن الزوج الله يعلم بظروفه, خاصة العامل البسيط ربما لا يستطيع حتى الايجار نظرا لظروف المادية.. أو ربما لأسباب أخرى..

يا اخي كاين الكثير الذي لا هم له سوى ان يتزوج فقط

[تالا تسنيم]

[الشهبندر]

السلام عليكم و رحمة الله
كلنا نعلم انه من حق الزوجة الانفراد ببيت لها وحدها تمارس فيه حق الامومة و حق الزوجية ومالها من واجبات و حقوق و كذلك الزوج....كي نقراو ردود الاخوات ربي يحفظهم نحسوهم ناقمين على الرجال و كأنو الرجل متوفر لديه المال لكنه يمكر و يقلك نسكن في دارنا ......نحكو على الاغلبية اما الشاذ فيحفظ ولا يقاس عليه..اغلبية الرجال الان و حسب الظروف المعيشية في البلاد يصعب عليه توفير مسكن خصوصا الشباب في مقتبل العمر......بالله عليكم كيف لشاب ف 28 من عمره ان يوفر بيت سعره على الاقل اقول على الاقل 300 مليون ؟ نحسبوها بشوي لوكان يكون سيد الرجال و خدام ب 5 ملاين شهريا تعرف شحال يلزمو بش يدير دار ؟ يلزمو 5 سنين صافية من غير مايمس الشهرية
الامور ليست سهلة كما يتوقع البعض
عن نفسي ورأييي الخاص انا احبذ السكن منفرد و انا اعمل لذلك و الله ولي التوفيق

[ام كمال]

الله يجازيك كل خير
االسكن الخاص لزوجة هو حقها الشرعى
بصح بعض لعباد ربي يهديهم عليهم هما حلال وعلى بنات الناس حرام ويفضلو الطلاق على الاستقرار ربي يهدينا ويهديهم
انا رانى فى 14 سنة ومزال مهوش من حقى الاستقرار
ادعولى ربي يفرجها عليا

[ام كمال]

المشاركة الأصلية كتبت بواسطة جمونةالمحبوبة

أمنيتي و لو ليوم واحد

ربي يفرجها عليك وعليا وعلى كل محرومة صابرة

[منار عدلي]

الحمد لله على نعمة الاسلام

[امجد الامين]

كل واحد حسب الضروف تاعو أنا ساكن مع والدي وزوجته مع العلم ان والدتي متوفية ولم يسمح لي والدي بالخروج

[لمسة ابداع]

انا وحدة من ناس نحب داري وحدي نلبس واش نحب نطبخ واش نحب نتقابضو ونولو وقت مانحبو واحد ما يسمع بمشاكلنا وكي نطلب الدار يديوها فيك قبيحة مالقري ما طلبتش البوسيبل
انا شفت ناس بزاف سكنو في العيلة وخدموهم 10 و20سنة و نهار اللي خرجو ما هوشم ملاح
احنا الجزايرين ربي يهدينا يحبو ديار لبناتهم بصح لعرايسهم لا لا
هوما من النهار لول عنبلهم بلي مايتفاهموش /لعروس ولعجوز و سلفة/
بصح يخلوهم يديرو الدار مكانش
ربي انشاء الله يهدينا و يعطينا العقل

[meddour.sisi92]

يعطيك الصحة

[منار عدلي]

شكرا موضوع جميل

[alwene2186]

يعني يبقاو كامل عزاب إتقوا الله إن الشباب راهم حايرين في مصاريف العرس حتى تزيدوهم الدار يسروا ولا تعسروا وربي يسهل أمور الجميع ويوفقنا آمين

[OM ANES]

اتخيلوا دار فيها العجوز والشيخ واولادهم متزوجين واولاد اولادهم معاهم صغار تعرفوا الصغار واش يديروا هذا يضرب وهذا يدخل لغرفة عموا يقلبها لي لفوق يردها لتحت والعكس وكي تضربي ولا تعيطي تحشمي اولادك حوايجهم لازم ماتخرجش من الغرفة والا الحرب بين الاولاد عليها واحد يكسر كلش والاخر يديها ويهرب ووووووو.......................واش تطيبي يشموا ريحتوا واش يهدروا تسمعي وكي تروحي لدار باباك وتطولي 4 ايام تقولك عجوزك كنت حابة تتزوجي وكي تزوجتي توحشتي دار باباك وبناتها لازم يجيوها ويقعدوا وتحنيلهم وانت نيفوا عليهم .............................كي تقولي لزوجك اكريلي يقولك غالي رغم انو راحة البال اغلى من كلش
المشكل ماهوش في العجوز او الشيخ او السلفات المشكل في النساء والاولاد هم الكارثة وربي يفرج عل الجميع
كل شيء عندو وقتو والدار عندها وقتها اصبروا واتجنبو المشاكل وما تصاحبي حتى وحدة اقضي شغلك ملييييييييييح وشدي فمك مهما كان ما تتدخلي في اي شيء ويجيك النهار وتسلكي

[أَحمــد]

الرجل أحرص من المرأة في امتلاك السكن, ومن حق الزوجة في ذلك.

بصح راكم تعرفوا الحالة الاجتماعية للشباب العامل فما بالك بالبطال..

لكن إذا صبرت المرأة مع الراجل على السكن مع أهله وتحملا المشاكل الأسرية والتدخل في شؤونهم الخاصة

فما تلبث أن ينفرج الأمر وتخرج وزوجها إلى سكنهم الجديد مرفوعة الرأس مُحترمة من أهلها زوجها وملكة في عينه

لذا ما عليهم إلا الصبر ثم الصبر حتان يفرج ربي

والبنات اللي يصبروا على هذي الحالة يستاهلوا كل خير

[شوشو 11]

كلكم اتفقتم على هدا الحق
ولكن
والدا الزوج ما مصيرهما؟؟؟؟ .....البنت في بيت زوجها والولد سكن بزوجته منفردا بحسب قولكم
ارى ان تبنى في كل مدينة دار عجزة حتى يستريح العرسان من هم الوالدين
اتهت صلاحيتهما فالى الجحيم
او ان يتداولا من كنة الى اخرى
ساطرح سؤالا اخر
كيف استطاعت امهاتنا تحمل العائلة من اجل زوجها وربت اجيالا بل رجالا
ليس جيلا هجينا جيل طايوان
وتدكري ايتها الكنة انك ستصبحين حماتا يوما ما ....وكما تدين تدان
وتدكر ايها الررررررجل ان والديك هما جنتك او نارك
لابد من الحل الوسط لاظالم ولا مظلوم
اااااسفة على رايي المخالف للبعض
دمتم في سعادة احبتي

[أريج هبة الرحمن]

سلاااااام عليكم كل واحد ومقدورو المهم يكون تفاهم والهناء اساس كل شيء والواحد يتنازل شوي باش يهنى