Bac 2013 ... اسهل مما كنت اظن ولكن لما الخوف الان

[الوسيلة]

المشاركة الأصلية كتبت بواسطة Flora Gucci

كلامك صائب اخيتي سمية ،
اما للأخت صاحبة الموضوع ، ليس لديك اي حق في الحكم على مدى صعوبة او سهولة المواضيع لانّكِ اصلا لا تعلمين شيئا عن مقرر السنة الثالثة ، هل تفهمين "الاعداد المركبة" ، الاسترة ؟ تركيب البروتين ، الاتصال العصبي و البروتينات ؟ أكيد لا
الادب و الشريعة كانتا عاديتين ، فنحن لسنا ملزمين "كعلميين" بمعرفة اسلوب الكاتب و مدرسته و مذهبه .. لانّنا لسنا معنيين بالتقويم النقدي
الرياضيات ، الموضوع جيد لكنه ابدا لم يكن في مستوى التلميذ المتوسط ، لانه غني بالافكار + طويل فشخصيا الوقت لم يكن كافٍ بالنسبة لي
اللغات ، كل تلميذ و مستواه ، لكنّها حسب وجهة نظري كانت جيدة ، في مستوى التلميذ المتوسط
العلوم ، لم تكن سهلة اطلاقا خصوصا الموضوع الاول ، اما الثاني فهو جيد لكن التمرين الاخير يعتمد على معلومات السنة الثانية ثانوي ، و هذا لم يكن متوقع اطلاقا
الفيزياء ، مفاجأة الموسم ، الاسترة في كلا الموضوعين !!!!! على غير العادة ، الحمد لله حمدا كثيرا طيبا انني درستها عشية الامتحان ،
الفلسفة ، لا داعي للتحدّث فيها ، الحمد لله انني استطعت توظيف بعض المكتسبات السابقة ، و كيما يقولو سلكت راسي و ما خليتش الورقة بيضا ، للاسف ولا اي مقالة متوقعة

خلاصة القول ، اتحدّث و بصفتي قد اجتزت بكالوريا 2011 ، 2012 و هذا السّنة 2013 ، و انا أعي جيدا ما أقول ، بكالوريا 2013 كانت بكالوريا المفاجئات ، جاءت على غير المتوقع و المعتاد + صعوبة نوعا ما في مواضيع العلوم و الرياضيات ، التلميذ المتوسط مسكين ما يسلكش راسو

و صلّ اللهم و سلّم على سيدنا و حبيبنا المصطفى

توفيقك يا مـــــولاي ~

مَـآشَـآء الله ...مَـآشـآء الله ....مَـآشَـآء الله ...بآك 2011 و 2012 و 2013 ؟؟؟
ربي يبَـآركـ ويزيدْ ...والله غيّرتيني ...وآقيلآ نديرْهـآ آأنـآ فـآن

اوووه ريحْتيني وسيلة ...والله كُنت خَـآيْفة نسقسيك على الأسْترة ...الحمْد لله يـآربّي للي قريتيهـآ ....فكّرت نُدخل نعْطيكـ رقْم الهـآتف يلآ كَــآشْمـآ احْتجْتي ...ونسيتْ روحي مع الفَلْسفة ...

عن العُلُوم ...قسْمو علينـآ السُوجي 2 هو اللول ....والله شوييييييية ونطيح....مَـآ حْصيتش مليح النمط التكْويني ...ربي سْتر معَ الموْضوع اللول ...رغْم أنّه لمْ يُعجبْني البتّة ...

بالتّوفيق أُخيّه..
سَلآم

[مسيردى]

السلام عليكم
و انا اتابع مواضيع بكالوريا 2013 لم أجد فيها اي صعوبة تذكر غير تغيير طريقة طرح الاسئة مثلا الرياضيات اين توجد الصعوبة نفس الاسئلة المطروحة كل سنة
العلوم اتفق معكم الموضوع نوعا ما صعب لكن يبقى في المتناول فمواضيع العلوم كلها مستنبطة من تجارب الكتاب المدرسي بالاضافة لكونها موجودة في مرجع احمد امين خليفة
الفيزياء موضوع سهل للغاية و من الممكن تديو فيه حتى 20/20
باغيين تديو الباك بلا شقاء و بلا تعب

[ضابط كبير]

ههههههههههه 2 ثانوي عام جاي نشوفوك وش ديري فيهيا و ادا قعدتي تشكي ولالا و هدا موضوع شاهد عليك

[ضابط كبير]

و بزيادة نتي تعرفي خير من استاد ؟؟؟؟؟؟؟ اساتدة لي قراوني قالولي هدا العام بكلوريا ليست في مستوى نتي تجي تقارني روحك باستاد درس 25 سنة ؟؟؟؟؟؟؟؟؟؟؟؟؟؟؟؟؟ سبحان لله شر بلية ما يضحك

[خالدة02]

و الله يا انتي سبحان الله ما عرفتش علاه تبغو تفرضو روحكم و تبينو نفوسكم انتي عاد ما تعرفي والو على التارمينال يرحم باباك غي قوليلي كي قريتي المواضيع تاع باك 2013 و كيما راكي تقولي زعما ساهلين انتي وين نعدك بالأعداد المركبة و لا الأسترة صحا معليش و ال ph و اللا نقولك ادرسيلي دالة أسية و لا لوغاريتمية خير و لا حليلي تمرين نتاع النشاط الإشعاعي
يا خي حالة يا خي ما دام ما زال ما عندكش شهادة مدرسية تبين أنك تلميذة 3 ثانوي لا يحق لك الكلام في موضوع الشهادة أبدا
اسمحيلي انتي وصلتينا نورمالمو رانا غير كي فوتنا و النفسية ديالنا ما تسمحناش باه نسمعو كلام أمثالك

[فوزي الفايز]

ههههه بالهدوء شباب

نحن كنا في باكالوريا و ليس حرب الفيتنام

[مسيردى]

واش باغيين يسهولكم تطلعوا للجامعة تكامل او اشتقاق ماتعرفش تدييروه ؟؟؟

[Anouàre Bechir]

طلاب البكالوريا الان في وضح جد حساس فهم مرهقين و محبطين بعد جد عام كامل و ليس من حقك قول هذا بما أنك لست طالبة باكالوريا و لم تطلعي على
المقرر لذا فغرورك هذا لا داعي له
بالتوفيق للجميع إن شاء الله

[ضابط كبير]

المشاركة الأصلية كتبت بواسطة مسيردى

واش باغيين يسهولكم تطلعوا للجامعة تكامل او اشتقاق ماتعرفش تدييروه ؟؟؟

خطيك من تفلسيف واحد مادخلش كلاسة يعرف يشتق ويكامل و يجيب باك ب 18 و واحد عام كومبلي يجبد على قلبو و يطلعلو 12 ولا 13

[مسيردى]

المشاركة الأصلية كتبت بواسطة ضابط كبير

خطيك من تفلسيف واحد مادخلش كلاسة يعرف يشتق ويكامل و يجيب باك ب 18 و واحد عام كومبلي يجبد على قلبو و يطلعلو 12 ولا 13

صاحبي ردك غامض لدرجة غير متوقعة
انا راهم معايا ناس داو الباك ب 15 مايعرفوش يكاملوا و مايعرفوش يشتقواا
تجي انت حاسبها لعبة
شطارتك خليها عندك لو كان ريفيزيت تاع صح ماراكش تشكي

[hinoxe]

وليدو كي تكبر شوية دوك تعرف

[Flora Gucci]

المشاركة الأصلية كتبت بواسطة الوسيلة

مَـآشَـآء الله ...مَـآشـآء الله ....مَـآشَـآء الله ...بآك 2011 و 2012 و 2013 ؟؟؟
ربي يبَـآركـ ويزيدْ ...والله غيّرتيني ...وآقيلآ نديرْهـآ آأنـآ فـآن

اوووه ريحْتيني وسيلة ...والله كُنت خَـآيْفة نسقسيك على الأسْترة ...الحمْد لله يـآربّي للي قريتيهـآ ....فكّرت نُدخل نعْطيكـ رقْم الهـآتف يلآ كَــآشْمـآ احْتجْتي ...ونسيتْ روحي مع الفَلْسفة ...

عن العُلُوم ...قسْمو علينـآ السُوجي 2 هو اللول ....والله شوييييييية ونطيح....مَـآ حْصيتش مليح النمط التكْويني ...ربي سْتر معَ الموْضوع اللول ...رغْم أنّه لمْ يُعجبْني البتّة ...

بالتّوفيق أُخيّه..
سَلآم

و فيك بارك الله اختي ، ان شاء الله تجيبي الامتياز و متسحقيش تعاوديه ،
انا في 2011 ماقريتش مليح جبت 15.00 درت بيولوجي و عاودت 2012 قريتلو شويا مي التوتر و مركز اجراء الامتحان كان بعيد شويا اثرو عليا جبت 15.40 و درت صيدلة و العام هذا ان شاء المولى نسجل طب ، علاجااال لاميدسين الي عاودت
الاسترة و الله صعيب با تشرحيهالي عن طريق الانترنت ، واعر الشي ، بصح الحمد لله حلفت فيها ورا ما فوتنا الاجتماعيات ، صاحبتي كانت قراتها مليح في ليكور ايا فهمتلي تسمية المركبات و الباقي كامل جاني ساهل حتّى كي ولينا نحلو في االتمارين وليت انا الي نشرحلهم ، ههه ، الحمد لله حمدا كثيرا طيبا ، و شكرا اخيتي جزاك الله خيرا على العطاء
عن الموضوع الاول هو ما اخترته ، هربت من تمرين الزمر الدموية و الفاجعة الكبرى "الوراثة" !! لكن الموضوع الاول كان اصعب خصوصا التمرين الاول ، تخلطولي الكوابل في راسي ملقيتش كيفاه نخرج منّو ،،
ربي ما فيه غير الخير ،

ان شاء الله نتلاقاو في قسم العلوم الطبية ، الموسم المقبل بإذن المولــى

وفّقـكِ الله الى بلــــــوغ الامتــياز

[الزهرَاء~]

وأخيرًا وجدت من اختَــار الموضوع الأوّل في العلُــوم مثلِــي وهربنَــا من الثاني لنفس السبب

[Hind_dz]

سؤال فقط.... و ما أدراك أنت؟

[الحمامة المتفائلة]

هدا وقت لحقناه تلميد 2تانوي يحكم على بكلوريا بانو ساهل ههههههههههههه
شفتو اكتشفنا انشطاين جديد يعرف الاسترة والدوال الاسية واللوغرتمية ويعرف تاني
الوراثة والانزيمات والمشابك وبلا ما يقراهم اييييه موسوعة تبارك الله
نقولكم حاجو التهاو في قرايتكم بزاف عليكم وما تدخلوش في حوايج لاعلاقة لكم فيها
ان شاء الله اعطيو رايكم في بكلوريا نتاعكم مش في بكلوريا مازال حتى مالحقتوهاش
ربي يهديكم ويوفقكم ان شاء الله