|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
نصـــائحكم من فضلكم لأصحاب الباكالوريا 2014
 |
|
|
أدوات الموضوع | انواع عرض الموضوع |
2013-06-09, 11:05
|
رقم المشاركة : 17 | |||
|
انا انصحك بالمراجعة المكثفة في البيت و انتهاز الفرص في المدرسة اذا كنت تجد ذهابك للمدرسة زيادة وتضييع لوقتك في اللهو واللعب فانتهز فرصة مراجعة المواد العلمية و مواد الحفظ احرص على النههوض باكرا لكي تحفظ الحمدلله و الحمدلله اتبعت هاذي الطريقة والحمدلله انا متفائلة وان شاء الله ربي لن يضيع تعبي ..... و ساعد نفسك بالدروس الخصوصية اذا كنت حقا في حاجتها ولا تنسى مطالعة الكتاب المدرسي و التركيز على مفاهيم الدرس لان الكتاب المدرسي اهم شيء بالاضافة الى الكتب الاخرى التي تحوي مواضيع + حلووول ....... المراجعة في البيت هي مفتاح النجاح ..... ودعواتك لي بالنجاح في امتحان البكالوريا وراني مقلقة بزااف وينتا تبان النتيجة |
|||
|
|
2013-06-09, 11:28
|
رقم المشاركة : 18 | |||
|
السلام عليكم و رجعت بنصائح بالنسبة للفيزياء هي كيما الرياضيات تبداو الدراسة من بداية العام مش كيما هدوك اللي يقولو يبقى 3 او 4 اشهر على الباك نبداو نحضرو صدقوني رايحين تندمو اشد الندم و تلقاو رواحكم روطار طول و تصيبكم كا~بة ربي يستر نشالله مكاننش منها رايحين تتناولو حوالي 6 محاور اللي هي تطور نتائج المتفاعلات في جملة كيميائية و التحولات النووية اللي هو اسهل محور على الاطلاق و الظواهر الكهربائية هي ثاني شوي سهلة و مراقبة تطور جملة كيميائية نحو التوازن و مراقبة تطور جملة ميكانيكية بالنسبة ليا هدا المحور يعتمد على الحفظ يعني حفظ القوانين و تشكيل معادلات الى غير ذلك و اخيرا الاعمدة و الاسترة و اللي مجاتناش في الباك حنا الرياضي لا أعمدة و لا أسترة الحمد لله بالنسبة للكيمياء سهلة جدا مع كتاب العميد في الكيمياء لا اعرف ان كان متواجدا في المدن الاخرى لكنه هو من اعداد استاذي ربي يخليه لينا مالقيتش صعوبة ابدا في الكيمياء مع هدا الكتاب بربي نشالله تتحصلوا على النقطة الكاملة في تمارين الكيمياء انا منيش رايحة نقلكم تكتفوا بهذا الكتاب لكن حاولوا تحلوا تمارين الكتاب المدرسي مع حلول قزوري اني نحطها من بعد . اما الفيزياء رايحين تتناولوا النشاط الاشعاعي اسهل وحدة و ظلم نفسه اللي ميجيبش فيه النقط اما المكثفة و الوشيعة فيها شوي اجتهاد لازم تعرفوا انواع المعادلات المحتملة تجي كيجي داك الوقت نقلكم تبقى الميكانيك فيها الاقمار الاصطناعية ساهلة مرة يعني قاطو يمدولكم فيه بالسيف تجيب فيه النقط اما السقوط بانواعه فيه شوي اجتهاد بالنسبة للاسترة و الاعمدة داخلة في الكيمياء و كما قلت العميد صديقي الدائم في الكيمياء كذلك لازم تديرو كراس صغير فيه الملخصات و انواع تشكيل المعادلات رايحين تحتاجوه في المراجعة الفعلية للبكالوريا و اعتمدوا على حل اكبر عدد من التمارين فيزياء او رياضيات ومش تحلوا برك و خلاص لازم تشفاو على هديك الطرائق لانو كل تمرين و طريقة حتى و تحلو 2 تمارين كل يوم و تكون صح فهمت و مقتنع خير من اللي تحل 10 و نت ماك فاهم والو كما كنت ندير انا و صاحبتي كنا متفقين على جدول موحد هي كانت تحل اكثر مني صح لكن مع مرور الوقت رايحة تنسى و تضطر تعاود حل التمرين من جديد باش تفهم و شكراً
|
|||
|
|
|
2013-06-09, 11:48
|
رقم المشاركة : 19 | |||
|
السلام عيكم
بالنسبة لمواد الحفظ نبداو بالاجتماعيات كاين دروس و كاين مصطلحات . شخصيات . تواريخ و خرائط شانها شأن الفيزياء و الرياضيات متخليهاش من الاخير لانو كاين مصطلحات و غيرها مش راح يكفيك الوقت المهم تعودت نوض بكري على 4 و لا 4 و نص و ساعات كنشوف روحي راني مستبقة و لا تعبانة شوي نوض على 5 و لا 5 ونص نصلي ركعتين و نبدا نحفظ حوالي 3 مصطلحات و 2 شخصيات . و العشية كنرجع رايحة نعاود نكررهم و نكررهم مدة اسبوع حتى ماننساهمش خاصة الشخصيات رايحة تتخلطلك . يعني كنوض على 4 و لا 4 ونص رايحة نكرر اللي حفظتهم و نزيد نحفظ و يوميا هكذا . الخرائط كانت رفيقي الدائم خريطة طلبة البكالوريا راهي متواجدة في المكتبات فيها الي خاصة بالجغرافيا و الي خاصة بالتاريخ يعني غير كتعود قاعد تستريح تضرب عليها طلة على الاقل تهز موقع دو لة او زوج الى نهاية العام تكون هزيت مجموعة كبيرة من مواقع الدول وركز على الدول اللي تتداول بيناتنا في الكراس في الكتاب الى غير ذلك و بخصائصها ثاني اسكو مصدرة اسكو منتجة للبترول الى غير ذلك كتبداو في الدروس رايح تفهم . الدروس دير عطلة نهاية الاسبوع تحفظ فيها الدرس اللي تناولتو هداك الاسبوع هو و درس الشريعة ايضا و ماتخليش الدروس تتراكم صدقني راح تندم اشد الندم و انا مجربتها و التواريخ راك تلقاها في الدروس او اضرب طلة على القائمة بالاك كاين تاريخ جديد و شكراً و لي عودة اخرى |
|||
|
|
|
2013-06-09, 22:07
|
رقم المشاركة : 20 | ||||
|
اقتباس:
بارك الله فيك أختــي على النصائح
و إن شاء الله يكون معدلك أكثر من الذي تطمحين إليه شكــرا ثانية |
||||
|
|
|
2013-06-09, 22:14
|
رقم المشاركة : 22 | ||||
|
اقتباس:
بارك الله فيك على النصائح في ما يخص الاجتماعيات
جدولك لحفظ المصطلحات و الشخصيات و الخرائط جميــل أريد أن أسألك إن كنت واجهت مشكلة في الامتحان... يعني شخصية أو مصطلح... و شكــرا مرة ثانية بانتظار عودتك |
||||
|
|
|
2013-06-09, 22:42
|
رقم المشاركة : 24 | |||
|
choufou ya khayti nahiw el 3attaba man rosskoum ....ahafdou ou 9raw b1 ou lbaki 3la rabi soubhanou |
|||
|
|
|
2013-06-10, 17:22
|
رقم المشاركة : 25 | |||
|
أريد أن أسألك إن كنت واجهت مشكلة في الامتحان... يعني شخصية أو مصطلح... السلام عليكم أولا بخصوص سؤالك نعم واجهت مشكلة. في الاختبارات الفصلية لا كان كل مصطلح يجينا كنت عارفاتو و نضمن 10 في الاجتماعيات مي جاتنا في الباك و اللي ماكنتش حاسباتو في الحسبان توقعت سؤال استنتاجي بدل مصطلحات جديدة مي خيرت الموضوع الاخر و الحمد لله خدمت فيه ونشالله نتحصل على نتيجة مليحة كاين اللي قالولي باللي هدوك المصطلحات تشرحيهم بمفهومك الخاص واش فهمتي من النص مي خدمت و خلاص اي سؤال انا في الخدمة شكرا و موفقون ان شاء الله
|
|||
|
|
|
2013-06-10, 18:33
|
رقم المشاركة : 26 | ||||
|
اقتباس:
شكــــرا جزيلا لك أختـــي على المعلومات
حسنا لدي سؤال آخـــر: ما هي تحضيراتك في ما يخص اللغات و هل واجهت مشكلة في الإمتحان؟ |
||||
|
|
|
2013-06-10, 19:44
|
رقم المشاركة : 27 | |||
|
شكرا للأخت salam dolli على مبادرتها الطيبة و آمل أن تحققي نتائج ممتازة في الباكالوريا و ينور الله لك طريقك |
|||
|
|
|
2013-06-10, 20:20
|
رقم المشاركة : 28 | ||||
|
اقتباس:
السلام عليكم تحضيراتي لمواد اللغات كانت من السنة الثانية كنت داخلة في حصص دعم فيما يخص الفرنسية و الانجليزية تعلمنا اهم المبادئء و القواعد و استفدت بزاااااااااااااف صراحة اللي في المدرسة ما تناولتهاش و ندعي بالخير و كل التوفيق لاستاذي لكن ليست مشكلة في الفرنسية اهم شيء لازم تبع استاذك خطوة بخطوة كلمة بكلمة و اللي مفهمتهاش اسأل عليها بدون حشمة بدون خجل انا كنت متبعة استاذتي في كلش كلش كلش و كنت نسجل على كراس المحاولات اهم المصطلحات اللي مفهمتهاش كنرجع للدار نشوف معناها باش نزيد نفهم اكثر اعتمدو على حل اكبر مواضيع ممكنة متقولوش نخلو لنهاية العام رانا نحلو لانو اول فرض لينا درناه موضوع بكالوريا ادب فلسفة صراحة اديت 8 في هداك الفرض لكن مع قوة ارادتي و عزيمتي حسنت مستواي و الحمد لله لكن انبه لشيء استاذتي اللي شدتني هاذ العام استاذة مليحة بزاااااااااف و متمكنة من اللغة ومن التدريس لكن انتم ايضا عليكم بذل الجهد اللغات تركز على bagage بزاااااااااااااااف والحمد لله الفرنسية على حسب التصحيح موفقة فيها نشالله
|
||||
|
|
|
2013-06-10, 20:30
|
رقم المشاركة : 29 | |||
|
السلام عليكم اللغة الانجليزية لغة سهلة و ممتعة و شيقة ماعليكم الا انكم تبعوا مع استاذكم و تفهموا الدرس مليح مليح كترجعو للدار حاولو تترجمو اهم المصطلحات اللي مفهمتوهاش اني رايحة نحطها من بعد و اعتمدو ايضا على حل اكبر مواضيع و الانجليزية تعتمد على grammare حاولو تفهموهم مليح و متخلو حتى ثغرة تروح عليكم انبه لشيء شرح اكبر عدد من الكلمات تساعدك باش تكتب فقرات الانجليزية لازم في كل محور تشرحو اكبر عدد و تحفظو اهم التعاريف بالانجليزية و اي استفسار اخر انا في الخدمة ملحوظة سوف اضع الملفات الخاصة بيا في التحضير لشهادة البكالوريا
|
|||
|
|
|
2013-06-10, 20:36
|
رقم المشاركة : 30 | ||||
|
اقتباس:
السلام عليكم اولا بالنسبة للاهمال مكانش مشكل المهم تكون فاهم اهم الدروس خاصة في المواد العلمية و ان كان رح تضطر في هدي العطلة تخرج كراريس العامين الماضيين و خاصة السنة الثانية و تجمل الملخصات و المفاهيم الاساسية لانك رايح تحتاجهم بدون شك و انا اني رايحة نساعدك و نحطهملك و نوريلك اهم الدروس . بالنسبة للغات رايحين تتناولو دروس جدد و منشكش مرتبطة مع دروس السنين الماضية . (المواد الاخرى كامل معندهاش علاقة مع دروس السنوات الماضية و اي سؤال انا في الخدمة )
|
||||
|
|
|
| الكلمات الدلالية (Tags) |
| 2014, لأصحاب, الباكالوريا, فضلكم, نصـــائحكم |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
