لقد قررت ****** مام انا سأنسحب - الصفحة 2

jigi · 2013-05-16, 20:42

لا أعتقد أن الإنسحاب هو الحل أنا تاني مازال مكملتش الإختبارات لكني أريد المشاركة و في رأيي أريد أن ألتحق بكم في أقرب وقت لأني رأيت أن حملتكم منظمة أكثر و كل واحد يتحكم في روحوا أنا معنديش هديك العقلية نتاع واحد في مثل سني يقودني لالا بل أشجع هذه الفكرة لأننا سنتفاهم بالمنطق و نعرف بعضنا بعض و نناقش الصعوبات مع بعض لأننا و كما ذكرت سابقا راشدون شوية مسولية من فضلكم و خطونا من عقلية الأطفال

ZINA DZ · 2013-05-16, 20:44

اقتباس:

المشاركة الأصلية كتبت بواسطة نزهة الربيع

ندوشة حيبتي لا تردي عليهم وديري كيما قال ربي بعد بسم الله الرحمان الرحيم : اذا خاطبهم الجهلاء قالو سلام صدق الله العظيم
ميسحقوش انك تتخشي منهم
وادا كان قرارك نهائي اتمنى انو نظميني معاك
مشكورة
ان شاء الله تبدلي رايك حبيبتي

بعد السلام اختي احترسي راهي اية القران ما يتحرفش

و اذا خاطبهم الجاهلون قالوا سلاما

نور الهدا · 2013-05-16, 20:44

اقتباس:

المشاركة الأصلية كتبت بواسطة سلفاد

علاه اخت ندى والله غير كنت متحمسة ومتفائلة وهذا التفائل كان بفضلك انت والاخت سجينة الصداقة وكذلك الاخت باديس
نتمنى انك ترجعي عن قرارك لانه غير صائب ابدا ونتمنى انك تتراجعي لانني لا اريد ان احبط بعد ان كنت متفائلة والقرار لك افعلي الشيئ الذي يريحكي

اختي انا قراري هذا مش معناه مرانيش راح نحضر للبكالوريا و انا مانيش راح نحضر مع اي وحد في المنتدى
قلت انا انشات اقسام اون لاين متطورة وليس مثل سبورات التي انتشرت الان
لذلك اذا أردتي التحاق بنا قوليلي خطراش راني نكتب اسماء باش مبعد نبعثلهم رسائل خاصة فيهم رابط الاقسام
بالتوفيق

صابرين أنا · 2013-05-16, 20:46

واع واع واع واع
وعلاش هكدا ياندوشة والله غير بكيت
والله انتي عطيتيني ارادة باش نكمل في الحملة وبفضلك وليت متحمسة ياسر للباك مع اني كنت خايفة منو
الناس ليديرو كما هكا باينين غايرين منك لانك كسبتي اكبر اخوان واخوات والناس كلا يحبوكي في المنتدى

هاذي ليك اقريها مليح واتمنى تتراجعي على رايك
ان مجادله الاحمق والجاهل...لاتفضى الا للعدم...ولا طائل منها....سال مره الامام الشافعى رحمه الله يوما....عن سكوته...وعدم مجادلته...لبعض مخاصميه....ومجادليه فقال:

قالوا أسكت وقد خوصمت؟؟؟ قلـــت لهم ***** إن الجواب لباب الشر مفــــــــتاحُ
والصمت عن جاهل أو أحمق شـــرف ***** وفيه أيضاً لصون العـــرض إصلاحُ
أما ترى الأسد تخشى وهي صــامتةً ***** والكلب يخسى لعمري وهو نبــــــــاحُ

ولم اجد ابلغ من هذا الوصف...ولا اروع..للجدال العقيم...فاغلب الناس يخلطوا بين اختلاف الراى...والعناد...فلايرجع عن رائه...حتى لو ايقن انه على خطأ...فاذا كان مخاصمك ومجادلك من هذا الصنف....فغظ الطرف عنه...ولا تجادله....فلن تكسب من جدالك معه غير الشتم...والعناد.

والله انا قاعدة نرتب في الحملة وحاطتك انتي رفي بالي باش تعاونني

كلمة اخيرة وكان انسحبتي منسامحكش والله حبيتك كيما اختي

صابرين أنا · 2013-05-16, 20:49

سلفاد · 2013-05-16, 20:51

اقتباس:

المشاركة الأصلية كتبت بواسطة نور الهدا

اختي انا قراري هذا مش معناه مرانيش راح نحضر للبكالوريا و انا مانيش راح نحضر مع اي وحد في المنتدى
قلت انا انشات اقسام اون لاين متطورة وليس مثل سبورات التي انتشرت الان
لذلك اذا أردتي التحاق بنا قوليلي خطراش راني نكتب اسماء باش مبعد نبعثلهم رسائل خاصة فيهم رابط الاقسام
بالتوفيق

شكرا ليك وعذرا على فهمي الخاطئ وهذا شرف لي ان انظم معكم واتمنى انك تضمي zina dz لكي تستفيد معنا ونستفيد منها وانا فتاة غير دخلت بعضوية اخي عاش تفهموني بالغالط

ZINA DZ · 2013-05-16, 20:52

أنا أود الانظمام ان شاء الله

صابرين أنا · 2013-05-16, 20:57

ندوشة هل ممكن موضوع كل ماتحتاجه في بكالوريا نضيفو في الصفحة تاع العلوم التجريبية

نور الهدا · 2013-05-16, 21:00

نعم اكيد تقدري تضيفيه مكانش مشكل

نزهة الربيع · 2013-05-16, 21:02

ندوشة معليش نراجع معاك

نور الهدا · 2013-05-16, 21:05

اقتباس:

المشاركة الأصلية كتبت بواسطة سلفاد

شكرا ليك وعذرا على فهمي الخاطئ وهذا شرف لي ان انظم معكم واتمنى انك تضمي zina dz لكي تستفيد معنا ونستفيد منها وانا فتاة غير دخلت بعضوية اخي عاش تفهموني بالغالط

نعم اختي لكن يوجد مشكل بسيط
لا استطيع بعث رسالة خاصة من جنسه ذكر هذا قانون المنتدى حاولت الان بعث لكي رسالة لكن لم استطع

القرآن حياتي · 2013-05-16, 21:05

ســـــــــــــــــــــــلام
ندوش شوفي يلي قال عليك انك انانية اسليه
ما معنى هدي الكلمة ؟؟؟ صدقيني سيجيب انك تفكري غير في روحك وتاخدي الاستفادة وتكتميهاا
وانت مادا فعلت قدمتي الاستفادة والعلم للكثيرين من الاعضاء ولم تقومي بالاخد
اه مادا تلاحضين ؟؟
ستلاحضي ان الانانية بعيدة عنك كل البعد
شوفي انت اعطيتنا رائحة الباك وحلاوتهااا وهلا رح تاخديهااا

والله تزعلي وتزعلي الكثير
اه انا قبل ما احب العوم احب المشرفة دياااالهاا
باختصار انت لست بحاجة لكلامي هداا انا لا اواسيك
انا اقول لك الحقيقة
ارجوك اقول اختي او صديقتي
لا تتوقف الحياة على كلمة
في بعض الاحيان نحتاج الى ان نكون لانرى لنكمل لا نسمع لنستمر لانفهم لكي لا نجرح
حبيبتي فكري ارجوك لا تخلي هدي الحملة تدهب هبااء والا سابكي

هههه تفلسفت ياسر وعندي ياسر اواني للغسل
تحــــــــــــــــــــــياتي

نور الهدا · 2013-05-16, 21:06

اقتباس:

المشاركة الأصلية كتبت بواسطة نزهة الربيع

ندوشة معليش نراجع معاك

اكيد معليش دوكا نكتب اسمك باش مبعد نبعثلك رابط

roro roro · 2013-05-16, 21:06

كاين بيت يقول
ان أنت أكرمت الكريم ملكته وان أنت أكرمت اللئيم تمرد

نتا باغية دير الخير
ربي يجازيك ويعاونك
وعلاش رحتي تشوفي غير في اللي هدرو عليك هاكا ونسيتي اللي راهم يشجعوا فيك
ان شاء الله نكملو اختباراتنا ونلتحقوا بيكم ان شاء الله

المهم ما تنسينيش من الروابط
بالتوفيق للجميع

القرآن حياتي · 2013-05-16, 21:08

ســــــــــــــــــــلام نزهة كيفك ؟؟؟
وينك ماعدش باينة