تتكلمون عن الإدماج....ونحن المتخرجين الجدد منسيين

[رامي 11]

انا متخرج سنة 2012 اين هو حقنا في العمل تنادون بالادماج و نحن لا احد يتكلم علينا اذا تم ادماجكم فهذا معناه انه لن يتم فتح عقود ما قبل التشغيل في الوظيف العمومي .تم فتحها في وقتكم لمن هب و دب و نحن ناتي من ورائكم بعام واحد لا يوجد اي شيء اذا نحن ايضا ننادي بحقنا في عقود قبل التشغيل تريدون الادماج . حوحو يحب روحو . اذا هذه المظاهرات هي لصاحكم و لمصلحتكم الشخصية . ونحن العاطلين و البطالين نريحو في الحيوط حيطيست . انا اقول للبطالين لا تخرجو معهم لانكم لست مستفيدين بل تغلقون في وجوهكم العمل وانتم مجرد كبش فداء لمطلبهم الرئيسي الذي هو الادماج و اذا تم ادماجهم اقسم بالله انه يعود ما يعرفكش و بتكبر عليك .انا لست مغفل و نواياكم ظاهرة . اي تريدون تطبيق مقولة . تبكي امك و ما تبكيش امي . كي تمنعو و تدمجو صاي حققتم مبتغاكم و بعد ذلك كل واح يعوم بحرو . اذا ما تامنوهمش و ما ديروش مظاهرات معاهم

[kazilo]

بلادنا بلاد القوة لابد ان نأخد حقنا بالقوة تعلمت هده الحكمة من الثورة مع فرنسا ما اخد بالقوة لا يسترجع الا بالقوة
وزيد هذا العام 2012 لا يوجد من تخرج من ابناء الحكام والمسؤولين واحبابهم حتى يفتحو ابواب التشغيل

[dahman11]

يا اخي هناك اولوية هناك من لهم12 عام بطالة اصبر شويا راه مازال امامك المستقبل

[حلمي الجنان]

انا تاني من 2011 وانا طالعة حابطة لانام تع ميكي و الله غير الواحد كره حياتو كلشي معريفة كلشي بالوجوه الحمد الله الدنيا فانية

[lalib40]

اشم رائحة حرب مارايكم

[noussa nasnoussa]

12 عام وهو يجمع في نقاط الخبرة ، لما تشوف سيفي تاعو تقول ماشاء الله ، وكي يتقدم لمسابقات التوضيف على أساس الشهادة يسحق المتخرجين الجدد حتى وان كانت معلوماته جد محدودة ومعدل السنة الأخيرة ربما حتى لم يصل 10(سانتاز ولا راطراباج )
حنا ما قلناش يرسمونا يحوسو على الخبرة وأبوب القطاع العمومي مغلقة ، من أين الخبرة ؟ اذا كانت الاستخلاف وبالمعريفة ؟؟؟

[bou]

انا متخرج سنة 2012 من ولاية تيارت و عندي اصدقاء من ولاية سعيدة قامو بالاحتجاج والضغط على مدير وكالة سعيدة دخلهم كامل

[sidali1988]

وش رايكم نديرو ثورة ولا حابينها تدو الخدمة باطل ..... امالا تدو الشعر

[sidali1988]

راني مستعد للثورة وانتم؟

[dana maram]

يااااااو ماتهدروش على الثورة حنا رانا حابيابين نطورو ماشي نولو لعام جدا توحشتو تتخباو في الدار على 4 و تستناو الذباح يجي يزدم ولا كيفاش ياخي حالة ياخي و هذي المرا كثر من المره االي فاتت غير ريحو عاقلين

[sidali1988]

المشاركة الأصلية كتبت بواسطة dana maram

يااااااو ماتهدروش على الثورة حنا رانا حابيابين نطورو ماشي نولو لعام جدا توحشتو تتخباو في الدار على 4 و تستناو الذباح يجي يزدم ولا كيفاش ياخي حالة ياخي و هذي المرا كثر من المره االي فاتت غير ريحو عاقلين

هههههههههههه امالا اقعد في الدار احجب وخلي سوسو وفاتي تخدم .......شعب راضي بالذل

[issamfbm]

الناس راهي ما لحقتش حتى على هاذ العقود و نتوما تتكلموا على الادماج غير فيقوا اذا بغيتوا العمل لازم تطالبوا ينحيو هاذ العقود تاع السكوت و غلق الافواه و يدخلوكم تخدموا في مناصب دائمة راهم عندهم مناصب شاغرة كي يحبوا يدخلوا لي يحبوا هوما في مناصب دائمة كلش ساهل و كي يطالب الشاب العادي بالعمل يظهروا المناصب مكانش

[issamfbm]

المشاركة الأصلية كتبت بواسطة dana maram

يااااااو ماتهدروش على الثورة حنا رانا حابيابين نطورو ماشي نولو لعام جدا توحشتو تتخباو في الدار على 4 و تستناو الذباح يجي يزدم ولا كيفاش ياخي حالة ياخي و هذي المرا كثر من المره االي فاتت غير ريحو عاقلين

خويا الثورة لي تهدر عليها ثورة سياسية لكن حنا رانا حابين ثورة اقتصادية و اجتماعية علاه يا خويا ما راكش عايش مع الشباب الجزائري راهم كامل فاتوا سن 30 في وقت لي هو عامل و متزوج و عنده سكن راه بلا خدمة و لا مستقبل كيما قلتي نتا كنا نتخباو بكري على 4 اما الان الشاب الجزائري عاد في يتخبا فالدار لا خاطر ماعندوش مصروف حتى باش يتقهوى و لا يعيش في كرامة

[mimi-dz]

عليكم بالصبر انا قعدت 7 سنين باش عيطولي تاع لانام ودكا راني عندي 10 سنين ملي تخرجت ومازلت نشارك في مسابقات التوظيف وعمري يئست

[*تسنيم*]

***************** اتفق العرب على ان لا يتفقوا ******************

الرزق راهو بيد ربي ياجماعة

فقط توكل على الله واصبر وسبب الاسباب