الكبة المقلية من مطبخي - الصفحة 2

ام نسمة · 2013-01-31, 20:58

مرحبا مجددا بالنسبة للبرغل اللي شريتو هدا هو اظن خلصتو 30 الف

هو يشبه لحد كبير الكسكس انا وحدة من الناس لوكان شريت بالميزان والله غير نحسبو كسكس وهادي الصاشي واش مكتوب عليها من الخلف

يعني المنتوج مستورد من لبنان كما هو واضح من خلال مصدر التعبئة انا شريتو من وهرن م المدينة الجديدة لاني اصلا اشتري التوابل من هاك هايلين من عند عمي موسى اكيد الوهرانيات يكونو يعرفوه ولا بلاك يكونو هوما تاني يشرو من عنده

اما بالنسبة للماكينة انا خلصتها ب مليون قل الف يعني 9999دج وفيها عدة ملحقات خمس اقماع لتقطيع خضر السلطة يعني تفرم ناعم خشن دوائر رفيعة واخرى سميكة وتقطع ايضا مكعبات مثلا كي تحبي تعملي ماسيدوان تقطعي فيها البطاطا والجزر باش تكون نفس الحجم وتجي متناسقة وفيها فرامة اللحمة والدوارة وصانعة السجق اي المرقاز وصانعة الكبة والكتيب الخاص بها فيه وصفات اكل وهده هي صورتها

عن نفسي انا عجبتني وعن قريب راح اشتري عجانة كينيود لقيتها ب3ملايين و400الف لكن العجانة وحدها فقط دون ملحقات واليوم شريت منتج من قناة سيتروس تيفي سموه بروفي قطاعة الخضار اليدوية خلصت كلشي مليون و600 شاملة لرسوم الشحن واتصلو بي وقالولي هاده السمانة يبعثوهالي ان شاء الله وهدا رابطها اللي تحب تشوفها واي سؤال انا في الخدمة

https://www.citrusstv.com/shop/defaul...roducts=393820