اللي عندها مشكل مع المعقودة تدخل
السلام عليكم حبيبا تي اتمنى ان تكن بخير
يمكن ان اكثركن قد تفاجان للموضوع خصوصا و أن المعقودة طبق جد سهل و لكن ما دفعني لوضعه في المنتدى هو أن أكثر من التقي بهن و حتى اعرفهن يشتكين من المعقودة و يقلن أنها تتفتت في الزيت بالرغم نم إني لم أواجه قط هده المشكلة
*******نبدأ على بركة الله**********
المقادير
بطاطا--بيضة- ملح- قصبر مقطع رقيق- كمون- فلفل اسود- la chapelure
الطريقة
في البداية اريد ان اخبركن عن شىء.انا دايما نحضر المعقودة كي نكون دايرة الحريرة و لا الشوربة و نطيب البطاطا في المرقة نتاعهم و هدا صدقوني يعطي المعقودة دوق رائع احسن من انك طيبيها في الماء
-بعد ما طابت البطاطا في المرقة نتاع الشوربة صفيتها
-مرستها بالملعقة و هي سخونة لتسهيل العملية والحصول علئ خليط متجانس و بعد ما بردت اضفت البيصة+الملح و ما تكتريش لانها طايبة في المرقة وزيدي الكمون-الفلفل الحار والقصبر
قد تلاحظن انني لم اضف الزعفران لاني طيبتها في المرقة و هدا اعطاها اللون الاصفر و يمكن انك تزيدي ادا حبيتي بصح انا زوجي ما يبغيهاش صفراء بزاف يبغي اللون الدهبي و انا افضل الدهبي المهم هدا مجرد لون المهم الطعم
-بعدها نجي الى مرحلة التشكيل .بعد ما تشكليها رمديها في الخبز اليابس و اقليها
هناك من ينصحن بادخاله الى الثلاجة لكي لا تتفتت بصراحة انا ادا كنت مستعجلة نقليها تم تم و لكان ما زال الوقت نخليها على جيها
انا ندخلها الثلاجة غي كي نوجدها مرات في رمضان صباح ونروح للعمل باش نربح الوقت وحتى اني نطيب نتاع يومين لتسهيل الامر و نخليها في الثلاجة
تقدري تلاحظي اني حتى الزيت ما كثرتش في المقلة والله صدقنني ستحصلن على معقودة مقرمشة من الفوق و هدا شكلها النهائي
وهده مع الشوربة
و هدا شكلها من الداخل
نصيحة :لتعميم الفائدة
بالنسبة للبيض في بعض الحالات لست مضطرة لوضع كل البيضة خصوصا ادا كانت كمية البطاطا قليلة او انك استعملت بطاطا تطلق الماء كيما البطاطا البيضاء في بعض الأحيان و ادا كنت زدتي البيضة كامل و شفتي ان الخليط جاري و صعاب عليك الحال للحصول على شكل دائري جميل ما تخافيش كاين الحل
ما عليك غي تزيدي شوية la chapelure و سيسهل عليك تشكيلها
ملاحظة :اعذرنني لم اهتم بالديكور لان ابنتي الله يخليها لي كانت غي تخبلي المهم كنت احاول ايصال الفكرة
اعتذر على الإطالة و نتمنى الفكرة تكون وصلت
ادعين لي بان يفرج الله عني يرزقني ما أتمنى و يحفظ لي عائلتي
اعدكن بالمزيد انشاء الله
( تقرير عن مشاركة سيئة )، و الموجودة أسفل كل مشاركة .
2013-01-28, 10:43
العرض العادي
