مشاركتي في مسابقة شاف كوزينتنا * الطبق الرئيسي*

[faizarbh]

السلام عليكم اخواتي الكرام
هادي مشاركتي في مسابقة شاف كوزينتنا
ان شاء الله نتوفق و يعجبكم الطبق
للاسف صورت بالهاتف لانو لاباراي شويية تغبني في نقل الصور

المقادير:
نحتاج طماطم لصنع صلصة
بطاطة مقطعة شرائح شوية خشينة
لحم مرحي متبل و نزيدلو بصل رابي
نحتاج بيض مغلي و بيض طازج هنا الكمية حسب الاشخاص
نحتاج عظام دجاج مغسولة


نوجد صلصة الطماطم و اللحم المفروم نقسموا على اثنين الجزء الاول نديرو على النار بما انو متبل نزيدلو غير الزيت و الجزء الثاني نضيفلو حبة بيض + شابلور
بعدما يطيب اللحم المفروم نديرو في روبو و نرحيه شوية لانو كي نكون نطيب فيه يدير تكتلات

1-لصنع افخاذ اللحم نحتاج عظام دجاج و جزء من اللحم المفروم اللي طيبناه و رحيناه نضيفلو شابلور و شوية بيض و نخلهم مليح مع بعض ثم نأخذ عظم دجاج و نبدا نشكل اللحم مث فخذ دجاج بهاد الشكل و الجزء الاخر نخلوه للبطاطا

و نكمل باقي الافخاذ على حساب افراد الاسرة
ثم نديرهم في الثلاجة يشدوا رواحهم مليح
2-في هاد الاثناء نوجد البطاطا
البطاطا نقطعها بهاد الشكل و نحلها من القدام


و نعمرها بالحم المفروم الطايب اللي رحيناه
بهاد الشكل **جزء درنالو البيض + الشابلور للافخاذ و جزء ما درنالوش البيض لنحشي بيه البطاطا**


البطاطا نكونو درلناها الملح من قبل
ثم نديرلها الشابلير غير من الامام مكان الفتحة اللي فيها اللحم ثم نديرها ف البيض ثم ف الشابلير و نقليهم اكرر نديرلهم غير من الامام




3-سلة اللحم
الان نرجع للجزء الاول تاع اللحم اللي خليناه اخضر متبل ما طيبناهش
نصنع بيه سلة اللحم
يكون عندنا بيض مغلي نقسموه على 2 و هادا على حساب افراد الاسرة و نصنع بيه سلة بهاد الشكل
سلة درتلها البيض و سلة درتلها الفرماج
و نحتاج يد للسلة و هي عبارة عن غصن قصبر او معدنوس و هاد الاخير نديروه بعدما نطيب السلات
تابعوا الصور تفهموا

ثم ندخلهم الفرن يتحمروا
في هاد الاثناء نجبد الافخاذ و نقليهم


و نقلي البطاطا باللحم
و ايلا زايدلك اللحم المفروم خلطيه مع صوص الطماطم
الطماطم درتها ف الصحن و حطيت عليها البطاطا المحشية
و بعدما يتحمروا السلات نوجد الطبق تاعي
و هادا هو الشكل النهائي












سلااااااام ان شاء الله يعجبكم الموضوع و تصوتولي