ارواحو تشوفو معدلي للفصل الاول

[ايمان1994]

خاوتي انا كي درت هذا الموضع مانيش فرحانا بروحي كيما قال البعض والله بكيت بزاف كي ماحضرتش روحي وزعفت بزاف انا درت الموضوع باش تنحيو عليا شويا ماشي تهبطولي المورال كيما بعض الاعضاء يلي قالولي راكي فرحانا بوحك وراه عاجباتك9

[amine pack]

7.53 anaعلوم تجريبية

[yousfe]

أنا ما قرتيش راني جبت 12.09 علمي نقرا غير في القسم و لا في الدروس الخصوصية

[لن أركع إلا لله]

السلام عليكم ورحمة الله وبركاته.
أختي حاولي تكثيف مجهودآآتك وستصلييين ان شاء الله =)
لم يفت الأوان بعد!!,,,هذه العطلة فرصة لك لاستدراك مافاتــك^^
وان شاء الله ستكونين من الناجحين في نهاية السنة$
حظـآ موفق~
♥

[zineb.alg]

المشاركة الأصلية كتبت بواسطة ايمان1994

خاوتي انا كي درت هذا الموضع مانيش فرحانا بروحي كيما قال البعض والله بكيت بزاف كي ماحضرتش روحي وزعفت بزاف انا درت الموضوع باش تنحيو عليا شويا ماشي تهبطولي المورال كيما بعض الاعضاء يلي قالولي راكي فرحانا بوحك وراه عاجباتك9

مديريش عليهم ختي وزيد هادي تريماست

المهم لباااك تكون محضرة روحك وربي ينجحك

[Hamza touazi05521763]

نورمال ختي متزيريش على روحك بزاف وميهمش الفصول بادن الله نجيبو الباك

[ilham medcine]

ما تقلقيش روحك زيري برك روحك وتلحقي ان شاء الله

[~ فَرْشِـي التُّـرَآبـْـ ~]

السلام عليكم
ماعليش ختي حاولي تستدركي الشي الي فاتك
راهي جات العطلة هادي حاولي تعوضي وتقراي المواد الي راكي ناقصة فيهم وديري التمارين على قد ماتقدري
مازال مافاتش الوقت وتقدري بإذن الله تجيبي معدل خير من هك حطي راسك برك وماتعاوديش الغلطات الي درتيهم فالتريماستر اللول
واحفظي المواد تاع لحفاظة قبل مايتراكمو عليك
وماتقلقيش روحك بزاف بالمعدل هدا انسايه وابداي من جديد بإذن الله رايحة تجيبي معدل مليح فالباك وتحقي طموحاتك
حطي في قلبك برك واخدمي كتر واخدمي بجدية كتر
وربي يوفقك يا ختي إن شاء الله في جوان تفرحينا بالنجاح تاعك بمعدل كبير
وماتنسايش الدعاء باه ربي عزوجل يوفقك

[صفا الروح ايمانوو]

اختي ايمان ولا يهمك نعرف عباد كانوا يدوا 9 في الفصول في الباك طلعلهم من 11 الى 13 لا تفزعي كي ديتي هكذا راكي مليحة خصاتك فصيلة تولي 10 في هذه العطلة قسمي وقتك بين مواد الحفظ وحل التمارين ربي يوفقك وينجحك
وماتسبقيش الخلعة ما عندها ماتفديك خلي قلبك مطمئن وشوي خلعة برك تكفي في الفصل الثاني اللي لازم تزيري على روحك الفصل الاول لازم تروحيله بشوي وكل شخص كيفاه
انا صراحة بالنسبة لي عادي اللي ماداش في الفصول لاني اعتادت على المفاجاءت

[taki eddine 12]

صراحتاً لم تعجبني نتيجتك عليك بالجد إن كنت تطمحين إلى نيل الباك (لباك في بلادنا تحت 15.5 مديري به والو) واسف على تدخلي
أنا طالب بالجامعة و أوافق الرأي أختي rebac

[مرام الجزائرية الحرة]

يا ختي رانا كامل كيف كيف انا مازال ماقلتش لدارنا على المعدل
رانا خايفة هبطلي المورال بالبزاف بصح راني نقول نشالله بربي الفصل 2 نعوضها وفي الباك نشالله
هاذي العطلة فرصة نشالله رح نحاول نعوض
حتى انا اديت نفس معدلك وانا علمية راني حاستلك والله
ربي يكون معانا ويسهلنا يارب

[koukou95]

يا اختي حذاري من الياس والقنوط فانهما امران يحطمان الانسان معنويا ويجعلانه يمل من الدراسة فاما من جهتك فحاولي الاجتهاد والمثابرة اكثر حتى تنالي شهادة الباك بنتيجة جيدة ان شاء الله
بالتوفيق لك

[nanouche nina]

اللهم امين يا رب العالمين ياقريب يا مجيب يا من انت على على كل شيء قدير يارب ياحي ياقيوم بلغنا امانينا وحقق لنا احلامنا وارزقنا النجاح الذي نطمح اليه يامعين ال\ي يدمع اعيننا ونخر لك من فرحتنا ساجدين
توكلنا على الله ولا حول ولا قوة الا بالله العلي العظيم

[البلبلة]

ماتخافيش خلاص

انا العام اللي فات درت كيفك

ماقريتش خلااااااااااااص

الفصل الاول 09.87

وجبت الباك 12.47

[hanaa hanou]

يا اختي imen ما يخلعك حتى واحد بالكلام و نتيجتك تدل على انك ذكية بحصولك على قريب المعدل 10 بدون تحضير
انا راني متأكدة و باذن الله رح تحصلي معدل كتر من 13 و يتكرر معاك واش صرالي انا ايضا تحصلت على 9 الفترة الاولى و ربحت الباك ب 13
الشدة فالله ادعيه كل وقت يوفقك و حاجة ما تهزك
و نتأسف على بعض الاعضاء (,,,) الى بدل ما يساعدوك طيحولك المورال بالكلام الفارغ و كانهم انشتاين في وقته و نقلهم لا يتواضع الا الكبير و لا يتكبر الا المعدوم
كما اضيف ايضا ان بعض الاساتذة يزيرو فالتصحيح باش يعطةلك اقل نقطة ممكن تتحصلي عليها لذا تفائلي خير
و انا في الخدمة اختي لاي مساعدة
دعواتنا في ظهر الغيب