صحيتي حنونتي
وهاهي الوصفة الي وعدتكم بيها وسمحلولي على التأخير كنت مشغولة شويا
العجينة
300 غ فرينة 250 غ زبدة
صفار حبة بيض
ملعقة اكل سكر عادي
قرصة ملح
مقادير الحشو الكريمة
4 حبات بيض واذا كانت صغير ضيفي وحدة
4 حبات ليمون ونفس الشيء بالنسبة لليمون اذا لقيتيها مو مليانة ضيفي وحدة
150 غ سكر قلاصي ( حسب الذوق يعني اذا ماكنتيش تحبي حموضة بزاف زيدي السكر وذوقي كل مرة )
2 ملاعق كبار مايزينا
طريقة التحضير العجينة
حطي الفرينة وعطر الفانياليا والسكر والملح واضيفي الزبدة وخلطي بصباعك حتى تتحصلي على عجينة لينة اضيفي صفار البيض ثم قليل من الماء
وخلي العجينة ترتاح 15 د او اكتر المهم ترتاح
طريقة تحضير الكريمة
تعصري الليمون و الزاست وتخليهم على جيهة تم تفصلي الصفار عن البياض
وتضربي بالباتور الصفار مع السكر ثم تضيفي العصير و الزاست وكل هاد الشيء وانت تضربي بالباتور ثم ضيفي المايزينة
وممبعد حطي هاد الخليط في بان ماري حتى تشوفيه عقد
خليه على جيهة
اما بياض البيض ضربيه مليح بالباتور حتى تتحصلي على رغوة وضيفي 80 غ سكر قلاصي وزيدي خلطي مليح بالباتور
وممبعد حلي العجينة وديرها في plat مدهون بالزبدة والفرينة وثقبيها بالفرشيطة ودخليها في الفرن على درجة حرارة متوسطة وخليها طيب حتى تولي دوري
ومين توجد ديري فوقها الكريمة الي حضرناها ثم ضيفي بياض البيض يعني المورانغ ثم رجعيها في الفور تحمار من الوفق
وشهية طيبة
( تقرير عن مشاركة سيئة )، و الموجودة أسفل كل مشاركة .
2012-12-18, 22:19
العرض العادي
