الحنيــن الى الوطـــــن

[salam algeria]

المشاركة الأصلية كتبت بواسطة سعاذ

السلام عليكم

بارك الله فيك على الموضوع
صح غربة صعيبة بزاف
نشفا نهار جاتني فرصة باش نتغرب
و لبلد كثير يعتبر حلم بصح كي جا في
بالي اني ريحا نتحرم من جمعة العايلة في
المناسبات و هواء بلادي و شمس بلادي و طرق
بلادي و شجر بلادي رفضت فكرة جملة و تفصيلا
رغم ان كل حطوني مهبولة من الدرجة الاولي
و اني وحدة متعرفش تستغل الفرص في
هذاك الوقت قلت الحمد الله مهبولة
بصح في بلادي
ربي يرجعك بخير و على خير لبلاد

دمتم في رعاية الله و حفظه

اختى على حسب واش فهمت يمكن تقدم ليك واحد مغترب او ان مشروع الغربة كان ليك انت شخصيا انا كنت مخطوبة لما نجح زوجي في قرعة البطاقة الخضراء و كان لازم عليا نجي معاه و الا و الله ما نتغرب خاصة هنا بعيد بزاف و ما نشوفش البلاد غير كل ثلاث سنين و الله اوروبا ارحم على الاقل كل عام يهبطو

[salam algeria]

المشاركة الأصلية كتبت بواسطة بسمة العمر

يعني انت راكي تفتحي الجروح بها الكلمات و تزي تعمقي فيهم.....راكي بكيتيني............في الغربة كل شيء جميل و نظيف لكن بدون طعم..بدون رائحة....بدون مشاعر...و اكثر حاجة افتقدها في الغربة هي الاذان للصلوات.......شكرا اختي على الموضوع....و ربي يعين كل مغترب على غربته

اختي هاذ النوع من الجروح ما يتقفلش راه دايما مفتوح و انت اعلم لانك على حساب كلامك راكي مغتربة ربي يصبرنا اختي و يرجعنا على خير و يحفظلنا الاحبة باش نعاودو نشوفوهم

[سعاذ]

المشاركة الأصلية كتبت بواسطة salam algeria

اختى على حسب واش فهمت يمكن تقدم ليك واحد مغترب او ان مشروع الغربة كان ليك انت شخصيا انا كنت مخطوبة لما نجح زوجي في قرعة البطاقة الخضراء و كان لازم عليا نجي معاه و الا و الله ما نتغرب خاصة هنا بعيد بزاف و ما نشوفش البلاد غير كل ثلاث سنين و الله اوروبا ارحم على الاقل كل عام يهبطو

السلام عليكم
اختي يبانلك برك بلي الغربة في اوربا احسن من الغربة في امريكا في الاول و اخير اسمها غربة حتى اذا كان هذا الشخص المغترب يجي لبلاد كل عام رايح كي يجي يجي شهر واحد في العطلة و في هذا الشهر هو جاي يحوس يعني يعقب صيف كيما نقول هذاك الشهر يزيد على قلبو ماشي ينحي عليه شفتي زعما جيت نصبرك بصح هذي هي الحقيقة بصح اختي حجا لي تعزيك انو زوجك جزائري اصلو منا و كل عايلتو هنيا يعني طولو و لا تقصرو ريحين ترجعو ترجعو لبلادكم
دمت في رعاية الله و حفظه

[salam algeria]

المشاركة الأصلية كتبت بواسطة سعاذ

السلام عليكم

اختي يبانلك برك بلي الغربة في اوربا احسن من الغربة في امريكا في الاول و اخير اسمها غربة حتى اذا كان هذا الشخص المغترب يجي لبلاد كل عام رايح كي يجي يجي شهر واحد في العطلة و في هذا الشهر هو جاي يحوس يعني يعقب صيف كيما نقول هذاك الشهر يزيد على قلبو ماشي ينحي عليه شفتي زعما جيت نصبرك بصح هذي هي الحقيقة بصح اختي حجا لي تعزيك انو زوجك جزائري اصلو منا و كل عايلتو هنيا يعني طولو و لا تقصرو ريحين ترجعو ترجعو لبلادكم

دمت في رعاية الله و حفظه

اهلا اختي
ايه عندك الحق حتى انو كاينين عباد يروحو من الشرق الجزايري للغرب يقولو راهم في غربة ما دامهم بعدو على اهلايهم و احبابهم المهم ربي يصبر الكل و يجمع كل واحد باحبابو
لكن الرجوع للوطن ما نظنش يا اختي انا راجلي ما حابش يرجع الا بعد عمر طويل و الاولاد كيما شفت لي هنا مستحيل يقبلو يرجعو اذا كبرو و دارو حياتهم و مستقبلهم هنا و انا ثاني مستحيل نرجع و نخلي اولادي هنا نرجع في هاذيك الحالة تغربت في صغري على والديا و خاوتي و نزيد نتغرب في الكبر على اولادي و هذا طبعا كلو لكان يطول ربي العمر
انا حابة نرجع درك و راجلي ما حبش و قال بربي ان شاء الله حاجة ما ترجعني غير اذا لقيت دين اولادي و اخلاقهم تقاسو و انا مستحيل نتمنى هاذ الشيء في خاطر نرجع للبلاد
الغربة بالنسبة ليا ابتلاء من عند ربي سبحانو لكن انا لليوم مازلت مانيش قادرة نتقبلها و نصبر عليها ربي يهدينا و يصبرنا و خلاص

[jackin]

غربة الديار والأوطان من أنواع الغربة المؤلمة ،
فعلا لا مكانَ في الحياةِ،
بالنِّسبةِ للإنسان،
أجملُ وأبهى من المكان الذي ولد فيه وترعرع،
وتفيأَ ظلالَه وارتوى من عذب مائِهِ،
فهو جزء من كِيانِ الإنسانِ،
فمهما ابتعد عنه، وشطت به الدارُ،
فلا بد أن تبقى أطلالُ بلادهِ في ثنايا مُخَيّلتِه،
وكثير من الناس من ارتشف شراب الهجر والغربة،
في كؤوس من الحنين والأشواق،
وكم من مغترب قال بلوعةٍ الألم

كمْ منزلٍ في الأرضِ يَأْلفهُ الفتَى *** وحنينهُ أبداً لأوّلِ مَنزلِ
وكم من مهاجرٍ
يتغنى صباحَ مساء
بقول القائل:

بلاديْ وإنْ جارَتْ عليَّ عزيزةٌ *** وأهلِي وإنْ ضنُّوا عليَّ كِرامُ

الكلُّ يعلم أنّ طريق الهجرة وعرةُ المسلك،
ومليئةٌ بالمنغّصات،
ومهما بقي الإنسان في بلاد الغربة
فاسمه "غريب"،
وتبقى ساعةُ الوداع مؤثّرة،
والوقوفُ على الأطلال يرافقه البكاء
كان الله في عونك و عون كل مغترب

[salam algeria]

المشاركة الأصلية كتبت بواسطة jackin

غربة الديار والأوطان من أنواع الغربة المؤلمة ،

فعلا لا مكانَ في الحياةِ،
بالنِّسبةِ للإنسان،
أجملُ وأبهى من المكان الذي ولد فيه وترعرع،
وتفيأَ ظلالَه وارتوى من عذب مائِهِ،
فهو جزء من كِيانِ الإنسانِ،
فمهما ابتعد عنه، وشطت به الدارُ،
فلا بد أن تبقى أطلالُ بلادهِ في ثنايا مُخَيّلتِه،
وكثير من الناس من ارتشف شراب الهجر والغربة،
في كؤوس من الحنين والأشواق،
وكم من مغترب قال بلوعةٍ الألم

كمْ منزلٍ في الأرضِ يَأْلفهُ الفتَى *** وحنينهُ أبداً لأوّلِ مَنزلِ
وكم من مهاجرٍ
يتغنى صباحَ مساء
بقول القائل:

بلاديْ وإنْ جارَتْ عليَّ عزيزةٌ *** وأهلِي وإنْ ضنُّوا عليَّ كِرامُ

الكلُّ يعلم أنّ طريق الهجرة وعرةُ المسلك،
ومليئةٌ بالمنغّصات،
ومهما بقي الإنسان في بلاد الغربة
فاسمه "غريب"،
وتبقى ساعةُ الوداع مؤثّرة،
والوقوفُ على الأطلال يرافقه البكاء
كان الله في عونك و عون كل مغترب

شكرا كلمات رائعة
كمْ منزلٍ في الأرضِ يَأْلفهُ الفتَى *** وحنينهُ أبداً لأوّلِ مَنزلِ
وكم من مهاجرٍ
يتغنى صباحَ مساء
بقول القائل:

بلاديْ وإنْ جارَتْ عليَّ عزيزةٌ *** وأهلِي وإنْ ضنُّوا عليَّ كِرامُ

[salam algeria]

عندما تجف الدموع في الجفون.. ورنين الكلمات يتحول إلى صدى
تضيع الصور بين صفحات الذكريات..ويمضي الوقت بعيدا يتوارا عن انظار الزمن
يتلاشي سراب الحلم ويحيا الواقع عميقا ..صافياً دون غبار
بين طيات الدكريات يولد الحنين..حنين الوطن..
كالهفة طفل وحيد لحضن دافيئ
مركب تسير دون شراع تجابه الأمواج وتتحدى العواصف لترسى في أمان..
كاحنيني لحضنك يا اغلى ما في الوجود يا أمي تمضي قافلة الدكريات وتبقي دعواتك نورا في كل صلاة
لا تسأل عن وجودي بل أسأل عن سر الوجود والوطن أم والسر عشق دفين تحت ترابك ...
اناشدك يا بلادي..
وحنيني ملاء كينونتي و روحي..
أبحث عنك في كل عبرة تأخدني لعطر هواءك العليل
ومهما حاول العابثون ان يلوثو هوائك لطالما كنت وستظل الملاذ الأول والأخير..
شهدت سمائك لحظة ميلادي
وسيشهد حضن ترابك مراسم مماتي
بكل عبرة حنين ..أصرخ بأهات مغترب ينادي اسم وطنه بأنين مشتاق
لكل سواد وبياض لكل طيبة وقسوة
للنور والعتمة لكل بسمة ودمعة

[soriaalg]

السلام عليكم كان الله في عونكم الغربة صعيبة جداااااااااااااااااااااااااا انا وقت لي كنت نقرا كنت نقرا في ولاية غير ولايتي كنت نقول راني في غربة الحمد لله ياربي ربي يرجعكم السلامة ان شاء الله اكيد اكثر شيء تحسو يه هو العيد ورمضان
ان شاء الله ترجعو بالسلامة اختي

[salam algeria]

المشاركة الأصلية كتبت بواسطة soriaalg

السلام عليكم كان الله في عونكم الغربة صعيبة جداااااااااااااااااااااااااا انا وقت لي كنت نقرا كنت نقرا في ولاية غير ولايتي كنت نقول راني في غربة الحمد لله ياربي ربي يرجعكم السلامة ان شاء الله اكيد اكثر شيء تحسو يه هو العيد ورمضان
ان شاء الله ترجعو بالسلامة اختي

و عليكم السلام اختي و ان شاء الله ما يتحرم حتى واحد من اهلو واحبابو
و يا ريت الاحساس بالغربة يكون غير في العيد و رمضان هاذ الاحساس بالنسبة ليا عايش معايا في كل سهرة يسهروها مع ضيافهم كيما كنا بكري في مناسبة حزينة يمرو بيها في مناسبة سعيدة يعيشوها في مرض واحد منهم او واحد من عائلتي الصغيرة هنا في يوم متعب نتمنى لو اني قريبة يعاونوني و ينحيو عليا التعب في اكلة تقليدية ماعنديش مقاديرها هنا او حتى اكلة عادية لكن حضرتها ست الحبايب و في بعض الاحيان اكلة مش انا لي طبختها تكفيني واش نقول الحمد لله لي خلق النسيان و اعطاني اولادي باش نتشغل بيهم و يخففو عليا غربتي

[حميدة2012]

حبيبتي سلام كل ما قرأته هنا مؤثر ومعبر هي هكذا الحياة لا تعطينا كل شيئ دائما هناك شيئ ناقص لكن هذا هو الحال لم اجربها بعد ولكن مجرد التفكير في قربها يحزن خاصة اذا كان الانسان حساس جدا ويتعلق بأبسط الامور فالامر يكون صعب جدا

[النجمة القطبية]

بصراحة انا احب وطنى وكل ما يربطنى به
افتخر بكونى جزائرية حتى النخاع واحمل فى اعماقى دما ثوريا وافتخر لكون اجدادى من الشهاداء
يسعدنى هذا الشعور بالانتماء
كثيرا ما اجلس اتامل الطبيعة المحيطة ولا تسالونى ليست جميلة دائما :d:d:d هناك دائما الكثير من الاشياء التى ننتقدها حولنا ولكن رغم ذلك يبقى للوطن نكهة خاصة
واحيانا يعود بى الحنين الى بعض المناطق التى عشت فيها طفولتى والى مدرستى التى احتضنت خطواتى الاولى فى الابتدائى كان اسم المدرسة عظيم فتيحة مازلت اذكر
مممم مقابلها محل كنت اشترى منه لمجة الحامى كل يوم ورغم انى لا احبه حاليا لكن كام كان رائعا وقتها:d:d
رغم بساطة المكان لكن فى خيالى يبدو بمنتهى الجمال
اما بالنسبة لك انتى اختى ان لم تخنى الذاكرة فانتى متزوجة فى الغربة وفى هذه الحالة
الزوج وطن والاولاد ايضا وطن ومع تطور وسائل الاتصال يمكنك ان ترى اهلك وبلدك كما لو كنت هنا لذلك اتمنى ان تتجاوزى هذا الشعور بالغربة الى حين رجوعك
انتمنى لكى اختاه كل التوفيق

[salam algeria]

المشاركة الأصلية كتبت بواسطة حميدة2012

حبيبتي سلام كل ما قرأته هنا مؤثر ومعبر هي هكذا الحياة لا تعطينا كل شيئ دائما هناك شيئ ناقص لكن هذا هو الحال لم اجربها بعد ولكن مجرد التفكير في قربها يحزن خاصة اذا كان الانسان حساس جدا ويتعلق بأبسط الامور فالامر يكون صعب جدا

اهلا حميدة عندك حق رغم ان الحياة هنا سهلة و كل شيء متوفر الا ان البعد و الشوق يفسدو العيشة لكن انت بما انك مازلتي في البلاد تمتعي على قد ما تقدري و حاولي تشبعي من وجه والديك رغم انو هذا مستحيل لكن عيشي هاذ الايام و ما تفسديش حياتك بالتفكير في الغربة يمكن تكوني انت اقوى مني و تتحمليها ربي يهنيك اختي

[salam algeria]

المشاركة الأصلية كتبت بواسطة النجمة القطبية

بصراحة انا احب وطنى وكل ما يربطنى به
افتخر بكونى جزائرية حتى النخاع واحمل فى اعماقى دما ثوريا وافتخر لكون اجدادى من الشهاداء
يسعدنى هذا الشعور بالانتماء
كثيرا ما اجلس اتامل الطبيعة المحيطة ولا تسالونى ليست جميلة دائما :d:d:d هناك دائما الكثير من الاشياء التى ننتقدها حولنا ولكن رغم ذلك يبقى للوطن نكهة خاصة
واحيانا يعود بى الحنين الى بعض المناطق التى عشت فيها طفولتى والى مدرستى التى احتضنت خطواتى الاولى فى الابتدائى كان اسم المدرسة عظيم فتيحة مازلت اذكر
مممم مقابلها محل كنت اشترى منه لمجة الحامى كل يوم ورغم انى لا احبه حاليا لكن كام كان رائعا وقتها:d:d
رغم بساطة المكان لكن فى خيالى يبدو بمنتهى الجمال
اما بالنسبة لك انتى اختى ان لم تخنى الذاكرة فانتى متزوجة فى الغربة وفى هذه الحالة
الزوج وطن والاولاد ايضا وطن ومع تطور وسائل الاتصال يمكنك ان ترى اهلك وبلدك كما لو كنت هنا لذلك اتمنى ان تتجاوزى هذا الشعور بالغربة الى حين رجوعك
انتمنى لكى اختاه كل التوفيق

شكرا اختي نعم الشعور بالانتماء للوطن شعور جميل وكم احب ذلك السؤال من اين انت فابدأ بالحديث عن وطني
ادرك جيدا ان الزوج و الاولاد هم عالمي الان و كل حياتي و لكن هناك ايضا والدي تمنيت ان اشبع منهما فلو حصل شيء لهما فلن يكون هناك معنى لذهابي هناك رغم وجود اخوتي و اخواتي و عائلتي الكبيرة

[soriaalg]

السلام عليكم صباح الخير يعطيكم الخير حبيتو تبكوني صباح ربي والله احسست بكل كلمة قلتيها انت وباقي المغتربات الله يكون في عونكم وينجحكم في حياتكم هذا ما استطيع ان اواسيك به

[حميدة2012]

المشاركة الأصلية كتبت بواسطة salam algeria

اهلا حميدة عندك حق رغم ان الحياة هنا سهلة و كل شيء متوفر الا ان البعد و الشوق يفسدو العيشة لكن انت بما انك مازلتي في البلاد تمتعي على قد ما تقدري و حاولي تشبعي من وجه والديك رغم انو هذا مستحيل لكن عيشي هاذ الايام و ما تفسديش حياتك بالتفكير في الغربة يمكن تكوني انت اقوى مني و تتحمليها ربي يهنيك اختي

نعم البعد والشوق اكثر ما يفسد العيشة اذ ان الانسان يربط الفرحة والسعادة بوجوده مع ناس معينين وفي امكنة معينة ولعل اصعب انواع الشوق هو الشوق للوطن والاهل لكن الحياة هكذا مجبرين على عيشها بحلوها ومرها