قلبي - الصفحة 2

aihemsara · 2012-11-08, 22:15

الولاية بالاحمر هي بجاية و بالازرق هي البيض

حبيت نقولك انو انا من الشرق و زوجي من العاصمة و الحمد لله عرسنا بعد 20 يوم ولا مرة فكرنا بهذه الطريقة
وين راه الاشكال تحديدا؟ يعني تخمم مرة اخرى كيفاش تديها لدارهم كيفاش تروحو تخطبوها كيفاش تجيبوها عروسة
ولادكم كيفاش يروحو لدار جدكهم؟ هاذا هو واش مقلقكم لا كاين حاجات وحدوخرين؟
يخي كاين لي تاكسي و كاين لي بيس كاين التران و كاين الطيارات سبحان الله
اذا كان هذا هو الاشكال فقط نقولك اخطيك من التخمام و التفنيين
اذا كانت البنت خلوقة و متربية تخاف ربي و والديك يقبلو بيها توكل و روح ادي داركم اخبوها
مبروك مسبقا

hyoucef32 · 2012-11-11, 11:06

اذا كانت البنت خلوقة و متربية ان شاء الله ما فبها شك تخاف ربي و والديك يقبلو بيها ما شكيتش يقبلوا

esmam · 2012-11-12, 15:19

نورمال خويا كاين من العاصمة و تزوجو في الصحراء فاين راه المشكل ادا كانت تحبك صح تمشي معاك فاين تكون و ربي يسهل

sarra5 · 2012-11-12, 16:28

lahlal y9areb leb3id kon troh tokhtobha tweli 9riba menek bzeeeeeeeeeef

منهاج · 2012-11-12, 17:24

السلام عليكم

ربي يجمع بيناتكم

wafa16 · 2012-11-12, 23:47

اخي الدنيا تبدلت و المواصلات اطورت يعني البعد ما ياثرش بزاف
ادا متاكد من اخلاقها اتكل على ربي

faty05 · 2012-11-13, 09:41

ربي يجمعكم في الحلال دنيا و أخرة

~~الحنان المفقود~~ · 2012-11-13, 12:32

اقتباس:

المشاركة الأصلية كتبت بواسطة hyoucef32

احببت فتاة لدينها والله على ذلك شهيد ولكن بعد المسافة بيننا جعلني اتردد كثيرا في الزواج منها ارجو من العلي القدير ان يجمعني بها في جنته انه ولي ذلك والقادر عليه

يجمعك بها في الجنة ؟؟؟؟؟؟؟؟؟؟؟؟؟؟؟؟؟
أحببتها في ثانية؟؟؟؟؟؟
أو في وقت قصير نوعا ما أو طويل ؟؟؟؟؟؟؟
في الفترة التي كنت قد أحببتها فيها كانت نيتك الزواج أو ماذا ؟
كنت تعرف بأن المسافة بعيدة ؟ أم كنت في الحب راكبا طائرة ؟
والآن لماذا تريد أن تجتمع بها في الجنة ؟؟؟
لماذا ليس الآن وفي الدنيا ؟؟؟؟

hyoucef32 · 2012-11-13, 14:23

احببتها بصدق واكتشفت انها متدينة نعم التدين لكن عندما وازنت بين ايجابيات وسلبيات الزواج منها تمنيت ان تكون هي زوجتي في الجنة

sarl02 · 2012-11-13, 16:08

اظن انو المشكل تاعك هو مخافة رفض الاهل لهاته الفتاة .....يا خويا اولا راك راجل ثانيا على حساب معلوماتك راك مهندس الله ابارك ...يعني لازم تكون شخصيتك قوية وقادر باش تفرض رايك فالدار وقادر اتاثر على محيطك العائلي بالايجاب طبعا ...ثالثا هذا مشروع زواج خاص بيك انت فقط ..ولازم تكون مسؤول في اتخاذ القرار واذا كانت هذه الفتاة في قلبك وشفت فيها كل الصفات المليحة اسعى جاهذا باش تكون من نصيبك في الحلال ....اما بعد المسافة في وقتنا هذا اظن انه ليس بالسبب الذي من اجله تخاف من التقدم لهذه الفتاة ..وربي اوفقك.