طلب صورتي فهل اوافق

[samirovich]

قوليلو جيب امك تشوفني وتحكيلك

[chira-dz]

المشاركة الأصلية كتبت بواسطة sarl02

اغلقتوها قاع على هذا المخلوق ولاعبينها قاع ملايكة ... هذه الطفلة راه عندها مدة راهي متعرفة بيه وعلى حساب كلامها راه باينلها جاد وما يكذبش وعلى كل حال هي ادرى واكيد راهم عندهم مدة راهم يحكو فال***** او امسن او اي طريقة اخرى والشاب هذا في هذه الحالة ما اطلبش محال ..حاب يدي نظرة اولية على الفتاة ..وانا اتبانلي مدام انو قبلت باش تتعرف بيه والقاتو جاد فالموضوع تقدر اتحطلو صورة محتشمة بحجاب فالبروفايل وماشي تبعثهالو اشوفها فقط بدون ارسالها .

قبل ان اقول اي شيء هل ترضى هذا لاختك ؟؟
ولو كانت اختك السائلة ماذا كنت لتجيب؟؟؟

المهم نحن لا نعتبر انفسنا ملائكة لاننا بشر
و يحكمنا شرع الله عزوجل
والاراء الصادرة من االاخوة و الاخوات بارك الله فيهم لم تاتي من فراغ و انما منما يمليه علينا الدين
فهي قبل كل شيء ارتكبت معصية فوجب علينا تنبيهها فمن راى منكم منكرا فليغيره

[الواثق]

وهل الرؤية الشرعية فيها حشمة ؟؟؟.............لازم يجي لداركم ويدير رؤية شرعية ويتفاهم معاكم انه لايرد عليكم الا بعد ايام حتى يسقط الاحراج

[Amouna.DZ]

اخطيك من فكرة أنك تمديلو تصويرتك

اذا ماكاش حاب يحرجك مع والديك في حالة معجبتيهش خليه يجي لبلادكم

ويشوفك من بعيد في مكان عمومي حتى و لو المسافة بين البلدتين كبير هذا زواج ماشي تمسخير

[شاملة لينة]

الرجل إن أراد أن يتواصل مع فتاة يقطع المحيطات كي يراها مش 900 كم.... و أنت قلت أنه انسان مليح............... وين الملاحة أذا مش قادر يسافر 900 كم...................................... غدا رايح يقولك الأهل رفضوا كنة بسبب 900 كم... ورايح تقولو أمه لازم امرأة قريبة كي لا تتعبك ماديا وجسديا عند زيارة أهلها 900 كم بزاف.............................................. . وفي كل كلام يذكر 900 حتى تتعقدي من العدد 900
طلب الصورة أراها حجة.. قهو متأكد أنك سوف ترفضين........ثم يصب اللوم عليك.. ولا تستطيعين حتى عتابه... خطة مدروسة من طرفه.............

[تاج الحكمة]

كيما جاوبو كل الاخوة احذري من أن تعطيه صورتك وليكن في علمك أنو هذا الزواج غير قائم على أسس شرعية لأنك تعرفتي عليه في النت ولست متأكدة من صفاته وأخلاقه
وتأكدي أن الرجل مهما وثق فيك فإنه يتذكر بأنك تعرفت عليه عبر النت أي ببساطة سيشك أنك تعرفت على آخرين من دونه وهذه فطرة الرجل
نصيحة من أخت في الله اقطعي هذه العلاقة المشبوهة لوجه الله و تأكدي أن الله سيعوضك خيرا .

[الحنان المفقود]

حذااااااااااااااااااااااااااااااااااري
أن تعطي صورتكي يا اختي
مهما كان
لو يريدك يأتي إليكي حتى لو كنتي في الهند

حتى ولو ليست النظرة الشرعية
يأتي ويراكي من بعيد رفقة من تأمنيه أو تأمنيها


هكذا سوف لن تقهرك الوساوس
أن يراك في النت
لالالالالالالالالالالالالا
نصيحة مني وأرجوكي اعملي بها
هناك من يعرف الكثير في مجال الكمبيوتر ويستطيع فعل كل شيء

[sarl02]

المشاركة الأصلية كتبت بواسطة chira-dz

قبل ان اقول اي شيء هل ترضى هذا لاختك ؟؟
ولو كانت اختك السائلة ماذا كنت لتجيب؟؟؟

المهم نحن لا نعتبر انفسنا ملائكة لاننا بشر
و يحكمنا شرع الله عزوجل
والاراء الصادرة من االاخوة و الاخوات بارك الله فيهم لم تاتي من فراغ و انما منما يمليه علينا الدين
فهي قبل كل شيء ارتكبت معصية فوجب علينا تنبيهها فمن راى منكم منكرا فليغيره

و الله حنا الحمد لله اخواتنا لا يتعرفون بشباب ويحكو معاهم ايام وليالي وامبعد ايجو يطرحو مشكل كيما هذا هنا فهمتي ؟انا قصدي ماالكلام الي قلتو يا جاهلة انه مدام هذه الفتاة قبلت باش تتعرف بهذا الانسان والقاتو جاد في موضوع الزواج وحتى ان اخطات بالتعارف مع هذا الشخص في اطار غير شرعي لكن مدام وصلت لهذه المرحلة اظهار صورتها له في اطار محتشم ومن غير ان ترسلها له ليس بالمعضلة يعني.

[faty05]

اياكي ثم اياكي
هذا وش نقولك
اذا حبك يجيك للدار و يتبعش الطرق الملتوية
و اذا ما عجبوش الحال يروح يشوف بعيد

[ملاك الامل]

احسن حل يجي يشوفك وخوك معاك ولا باباك واذا مابغاش يشوفك من بعيد لكن الصورة ما تخاطريش راهو شرف ما هيش حاجة ساهلة وحنا في الوقت هذا نعرفو عقلية الرجال والله لا ديري الثقة في الرجال الا بعدما تتزوجو وتكون الرسميات بيناتكم

[ملاك الامل]

المشاركة الأصلية كتبت بواسطة samirovich

قوليلو جيب امك تشوفني وتحكيلك

هذا ثاني حل هايل

[ام محمد ابراهيم]

السلام عليكم
نصيحة من اختك الكبيرة ’ ماتعطيلو صورتك ماتوريهالو عن طريق النت ’ حذاري ’ يجي يشوفك في الدار قدام والديك واذا ماعجبتيهش او ماعجبكش مافيها والو ’ لا احراج ولا احباط , هذه هي الرؤية الشرعية

[مريم الصابرة]

المشاركة الأصلية كتبت بواسطة sarl02

اغلقتوها قاع على هذا المخلوق ولاعبينها قاع ملايكة ... هذه الطفلة راه عندها مدة راهي متعرفة بيه وعلى حساب كلامها راه باينلها جاد وما يكذبش وعلى كل حال هي ادرى واكيد راهم عندهم مدة راهم يحكو فال***** او امسن او اي طريقة اخرى والشاب هذا في هذه الحالة ما اطلبش محال ..حاب يدي نظرة اولية على الفتاة ..وانا اتبانلي مدام انو قبلت باش تتعرف بيه والقاتو جاد فالموضوع تقدر اتحطلو صورة محتشمة بحجاب فالبروفايل وماشي تبعثهالو اشوفها فقط بدون ارسالها .

السلام عليكم اخي انا نوافقك الف بالمية
كامل فتاولها بالحرام والحلال خلاص الطفلة عرفاتو وسقسات عليه ومن حقو يشوفها راه ما قالهاش لاقيني برا او طلب موعد هذا حقو حب يشوف ممكن تعجبو او لا وزيد ا قالهاش ّ إبعثبهالي يعني قادرة دسرها فالبروفيل كيما قلت وبالحجاب ودقيقة وتنحيها عادي جدا هكذا أحسن نظن انا من رأيك شكرا

[sali-sali]

يا اختى الحب مش على الشكل فقط وراني نشوف كاين علاقة بيناتكم بلا مايشوفك
ايا قوله ارواح لدارنا و خلاص
ولا يشوفك في مكان عمومي ملا من بعيد و بلا ماتبعثي الصورة

[7anine 87]

ساترك لاهل الراي والاختصاص عن نفسى ساعتبر قوله لو ما عجبتينيش اهانة لان الحب كما يقال لا يعترف بالاشكال لانه فى الاساس تلاقى للارواح