امي امي ............ وبعد الزواج واحد لا يعرفك

[كاميلا]

المشاركة الأصلية كتبت بواسطة رجاء الخير

تذكرت أمرا ، من المضحكات المبكية ..
بعض الأمهات عندما تدعو لبنتها بالزواج تقول لها " يعطيك سعد مقدود أمه في اللحود " ميتة يعني ، سبحان الله لا تفكر أنه توجد أم أخرى تدعو لبنتها بنفس الدعوة وقد تكون كنتك بعد ذلك ..

ههههههه شيء مضحك ومؤسف المرة الاولى اللي نسمع بهاد الدعاء صح كاين منها وتلقاها تحب لبنتها حوايج وتحبها دير كذا وكذا وكي تجي ليها عروستها تسودلها ههههه
ربي يهدينا ويهدي جميع المومنين

[fares rog]

الله يرحمها ويسكنها فسيح جنانه ويرحمنا حنا ثانيك ،، شيء بسيط المشكل راهوا باين وين راه مكــــــــــــــــــــــــــــانش الرجلة ، واحد قريب ليا ، زعما ايمام مسجد زوجة تاعوا ضاربت مع خوه أو زعفت وخرجت من دار قاتلوا لازم نسكن وحدي ... أومبعد حبيبنا خرج من دارهم وخللى يماه ، ويسمي نفسو سلافي واخينا و و و .
واش رايحة ديري ؟ حتى نتيا كي تتزوجي ديري هكا أو مبعد مرة وليدك ديرلك هكدا .. والحياة ماشية .

[كاميلا]

المشاركة الأصلية كتبت بواسطة fares rog

الله يرحمها ويسكنها فسيح جنانه ويرحمنا حنا ثانيك ،، شيء بسيط المشكل راهوا باين وين راه مكــــــــــــــــــــــــــــانش الرجلة ، واحد قريب ليا ، زعما ايمام مسجد زوجة تاعوا ضاربت مع خوه أو زعفت وخرجت من دار قاتلوا لازم نسكن وحدي ... أومبعد حبيبنا خرج من دارهم وخللى يماه ، ويسمي نفسو سلافي واخينا و و و .
واش رايحة ديري ؟ حتى نتيا كي تتزوجي ديري هكا أو مبعد مرة وليدك ديرلك هكدا .. والحياة ماشية .

الله اكبر علام الغيوب انتا علابالك بيا واش راح ندير لوالديا كيما هكدا ههههههههه
المهم واش نقولك ربي يهدينا اجمعين وانا ربي يثبتني على طاعة والديا وان شاء الله نهزهم انا وزوجي والديا ووالديه ونعيشو كامل مع بعضانا واللي حاب يربح دعاوي الخير ساهلة باش يربحهم والي حاب يزيد رصيده من الشر الطريق مفتوح ليه
ونتمنى انت تكون في طاعة والديك وربي يبارك فيك

[soso sirin]

جداتك ربي يرحمها ان شاء الله.و الله هذا الموضوع الا راه داير حالة في المجتمع تاعنا و ماعرفت راجعة للتربية و لا لانو الراجل نكار و يحوس غير على مصلحتو والله مافهمت يا كاميلا اذا فهمتي فهمينا.مينذاك تبانلي انو الراجل ماعندوش الوسطية معنتها يا ماليه يا مرتو ماشي كيما الطفة تبغي راجلها و تبغي ماليها و كل واحد في بلاصتو و ماتخلي ماليها ياكلو راجلها ماتخلي راجلها يوصل لماليها.مي نقلك حاجة يا كاميلا كاين والدين رباو ولادهم نعم التربية و لادهم كانو يبوسو رجلين الوالدين كلامهم كان على الراس و العين يتوشا هو في عينيه و مايتوشاوش الوالدين تفوت تدخل بنت حرام ارواحي انتي و سلكيها و كاين شي نسا انا ماعرفت وين قراو بلاك يكونو قراو عند الشيطان في حد ذاتو الخبث الي عندهم تعجزي عندهم.الي يدعي دعوة مليحة يقول ربي يلاقيني بمرا تصلح اما الراجل والله و يكون سيد الرجال اذا تلاقا بدعوة الشر ماعندو مايدير.ربي يهدينا ان شاء الله

[fares rog]

لا لا ختي ماشي والديك نتيا ،، البنات كامل يتهلاو في والديهم .. أنا راني نحكيلك على والدين الرااااااااااااااااااجل . الطفلة تعرف دير الشر غير في والدين راجلها أما والديها هي ديرهم في عينيها

[morad81]

هي الأنانية مع التلبيس من النفس و الشيطان .....أمر و الله محير نطلب من الله أن يجعلنا في حسن ظن الوالدين فيما يرضيه ..


أمور نراها و قد نجدها كثيرة حولنا نطلب التوفيق و الرشاد للمسلمين.

[مريم الصابرة]

السلام عليكم اختي
والله واش نثولك موضوعك هذا انا اكر وحدة نحس بيه لأنو امي تعاني منو من اخي المتزوج يعني مرضت ودخلت للمستشفى وانا مريضة واختي متزوجة نجرو بيها وراجل اختي اللي بعيد ما راهش ولديها اما هو يلقاها فالشارع يدور وجهو كاللي ما راهيش يماه يخاف من مرتو وما يجيش ابدا زمان كان يسكن بعيد علينا لكن الآن في شارع واحد ويسمع بيا مريضة انا وعادي ما يهمنيش فيه لكن يمى اللي هي يماه وتعبت علينا من مات والدي الله يرحمو حتى كبرنا وقراتنا وخاصة هو الحاجة الغالية ليه الدراهم حاجة ما تخصو ونهار تزوج بالأاولى وزاد الثانية خلاص كاللي ما عندوش يماه وصدقيني في رمضان امي تشوفو كل يوم يجيب واحد من عائلة مرتو يفطر ويسهر في دارو يوميا حتى خلاص رمضان ونسمعوهم يضحكو ويقسرو وهو معاهم وامو تمرض تموت عادي إمالا انا حلفت لامي قلتلها لو انا نموت الاولى بالاكي تخليه يجي لجنازتي ما راه خويا ما نعرفو ولو بعيد السر كاش ما يصير في امي محال نخليه حتى يشوف وجها اما إذا شافو فالمقبرة الله غالب ما نقدرلهاش لكن فالدار محال ربي يطول في عمر يمى ويخليهالي ونجري بيها لآخر رمق
بالنسبة للرجال علاه يتبدلو من النسا و ليجون علاه راهم يخافو من الزواج ومن مشاكلو الطفلة تحلل باه تتزوج وكي تكون مخطوبة تقول يماك يمى هي تتزوج بيه تولي جارتها يا اختي محال محال محال الف مرة ندير في عجوزتي واش درات مرت خويا او نمنع راجل على يماه والله ونموت ربي يهديهم واش نقولو يولدو ويجيبو الذكور ويردولهم واش دارو كما تدين تدان بارك الله فيك عذرا على الإطالة فكرتيني تنيفرفيت شكرا

[كاميلا]

المشاركة الأصلية كتبت بواسطة soso sirin

جداتك ربي يرحمها ان شاء الله.و الله هذا الموضوع الا راه داير حالة في المجتمع تاعنا و ماعرفت راجعة للتربية و لا لانو الراجل نكار و يحوس غير على مصلحتو والله مافهمت يا كاميلا اذا فهمتي فهمينا.مينذاك تبانلي انو الراجل ماعندوش الوسطية معنتها يا ماليه يا مرتو ماشي كيما الطفة تبغي راجلها و تبغي ماليها و كل واحد في بلاصتو و ماتخلي ماليها ياكلو راجلها ماتخلي راجلها يوصل لماليها.مي نقلك حاجة يا كاميلا كاين والدين رباو ولادهم نعم التربية و لادهم كانو يبوسو رجلين الوالدين كلامهم كان على الراس و العين يتوشا هو في عينيه و مايتوشاوش الوالدين تفوت تدخل بنت حرام ارواحي انتي و سلكيها و كاين شي نسا انا ماعرفت وين قراو بلاك يكونو قراو عند الشيطان في حد ذاتو الخبث الي عندهم تعجزي عندهم.الي يدعي دعوة مليحة يقول ربي يلاقيني بمرا تصلح اما الراجل والله و يكون سيد الرجال اذا تلاقا بدعوة الشر ماعندو مايدير.ربي يهدينا ان شاء الله

اختي انا لا اوافقك الراي ماشي لمرا هي السبة تعصي والديك هي المرا هههههههههههه يا سلام ماهذا وينه عقل الرجل وقوة الرجل هادي ميقنعني بيها حتى والحد انا تبنلي ههه الراجل بطبعه مصلحجي يعني هاد لمرا بعد كون تجيه اخرى احسن من مرته يطيشها ويطلقها تاني وميسمع لابيها ولا بولاده تاني عندروحك الراجل يحب الاولاد كيم تحبهم لمرا ؟ لا ياو والله ميسمع بيهم بزاف لانه متعبش فيهم جاوه بالساهل

[كاميلا]

المشاركة الأصلية كتبت بواسطة fares rog

لا لا ختي ماشي والديك نتيا ،، البنات كامل يتهلاو في والديهم .. أنا راني نحكيلك على والدين الرااااااااااااااااااجل . الطفلة تعرف دير الشر غير في والدين راجلها أما والديها هي ديرهم في عينيها

معليش اخي لم يحدث شيء مي هادي الطفلة اللي دير الشر في والدين راجلها وينو هذا الراجل هذا لكان حاط روحو راجل يخلي والديه هكدا
على العموم شكرا جزيلا

[دلع المنتدى]

صح كلامك
الله يحميلى ماما من دونها مانقدرش نعيش

[كاميلا]

المشاركة الأصلية كتبت بواسطة morad81

هي الأنانية مع التلبيس من النفس و الشيطان .....أمر و الله محير نطلب من الله أن يجعلنا في حسن ظن الوالدين فيما يرضيه ..


أمور نراها و قد نجدها كثيرة حولنا نطلب التوفيق و الرشاد للمسلمين.

ربي يثبتنا ويرشدنا آمين يا رب العالمين

[fares rog]

المشاركة الأصلية كتبت بواسطة كاميلا

معليش اخي لم يحدث شيء مي هادي الطفلة اللي دير الشر في والدين راجلها وينو هذا الراجل هذا لكان حاط روحو راجل يخلي والديه هكدا
على العموم شكرا جزيلا

------------------------------------------------
الأخت كاميلا لوكان تششوفي الرد الاول تاعي راني قلت مكانش الرجلة

[كاميلا]

المشاركة الأصلية كتبت بواسطة مريم الصابرة

السلام عليكم اختي
والله واش نثولك موضوعك هذا انا اكر وحدة نحس بيه لأنو امي تعاني منو من اخي المتزوج يعني مرضت ودخلت للمستشفى وانا مريضة واختي متزوجة نجرو بيها وراجل اختي اللي بعيد ما راهش ولديها اما هو يلقاها فالشارع يدور وجهو كاللي ما راهيش يماه يخاف من مرتو وما يجيش ابدا زمان كان يسكن بعيد علينا لكن الآن في شارع واحد ويسمع بيا مريضة انا وعادي ما يهمنيش فيه لكن يمى اللي هي يماه وتعبت علينا من مات والدي الله يرحمو حتى كبرنا وقراتنا وخاصة هو الحاجة الغالية ليه الدراهم حاجة ما تخصو ونهار تزوج بالأاولى وزاد الثانية خلاص كاللي ما عندوش يماه وصدقيني في رمضان امي تشوفو كل يوم يجيب واحد من عائلة مرتو يفطر ويسهر في دارو يوميا حتى خلاص رمضان ونسمعوهم يضحكو ويقسرو وهو معاهم وامو تمرض تموت عادي إمالا انا حلفت لامي قلتلها لو انا نموت الاولى بالاكي تخليه يجي لجنازتي ما راه خويا ما نعرفو ولو بعيد السر كاش ما يصير في امي محال نخليه حتى يشوف وجها اما إذا شافو فالمقبرة الله غالب ما نقدرلهاش لكن فالدار محال ربي يطول في عمر يمى ويخليهالي ونجري بيها لآخر رمق
بالنسبة للرجال علاه يتبدلو من النسا و ليجون علاه راهم يخافو من الزواج ومن مشاكلو الطفلة تحلل باه تتزوج وكي تكون مخطوبة تقول يماك يمى هي تتزوج بيه تولي جارتها يا اختي محال محال محال الف مرة ندير في عجوزتي واش درات مرت خويا او نمنع راجل على يماه والله ونموت ربي يهديهم واش نقولو يولدو ويجيبو الذكور ويردولهم واش دارو كما تدين تدان بارك الله فيك عذرا على الإطالة فكرتيني تنيفرفيت شكرا

والله صح كي يكونو مخطوبات تقولو يماك يماك ومن بعد تبين الوجه الحقيقي انا اخي المتزوج امي شرطتلها الدار يعني ساكنة وحدها واحد لا يزوخ عليها ولا يدخل في حياتها ونهار كامل وهي تحب الدير المشاكل معانا يعني كيما يقولك اذا ماجاتش لعروسة قبيحة تجي لعجوزة قبيحة الوالدة خاطيتها وهي تحوس على المشاكل شيء عجب قتلها واحد المرة يا بنتي اخطينا واش درنالك انت في دارك ديتي راجلك واحنا في دارنا متكسريلي راسي ماوالو محبتش تفهم تع مشاكل وخلاص
ربي يهدينا

[soso sirin]

المشاركة الأصلية كتبت بواسطة كاميلا

اختي انا لا اوافقك الراي ماشي لمرا هي السبة تعصي والديك هي المرا هههههههههههه يا سلام ماهذا وينه عقل الرجل وقوة الرجل هادي ميقنعني بيها حتى والحد انا تبنلي ههه الراجل بطبعه مصلحجي يعني هاد لمرا بعد كون تجيه اخرى احسن من مرته يطيشها ويطلقها تاني وميسمع لابيها ولا بولاده تاني عندروحك الراجل يحب الاولاد كيم تحبهم لمرا ؟ لا ياو والله ميسمع بيهم بزاف لانه متعبش فيهم جاوه بالساهل

شوفي يا كاميلا والله شفت حالات و حالات كاين الي هو دعوة الشر مي كاين والله العظيم الا كان يعبد والديه مي نهار جات المرا مانقلكش سمح في والديه مانقلكش وقف في صدرهم مانقلكش عاداهم مي هبل و لا بلاك كاين شي رجال يخفافو من عقولهم لانو يكرهو المشاكل انا مانيش ندافع على الراجل و نقول بلي المرة هي السبة مي هي دعوة الشر كاين المرا الي تقبض الراجل من يدو الي توجعو و هوما الذراري سوغتو اذا كان الراجل مليح و ماشي موالف لعقلية النسا او والله شي نسا الا تحسبهم جنون .مي صح والله الخير مرا و الشر مرا والله كاين شي رجال الا كانو سوكارجية تلاقاو بنسا سقموهم للطريق تاع الصح و كاين الرجال الي كانو من الجامع مايخرجوش ولاو من الديسكو مايخرجوش .ربي يثبتنا على طريقو و كيما تقول ماما ربي يستر العاقبة قتلهم هذا وين عرفتها علاه تدعي بزاف هاذي الدعوة.و الله يثبتنا باه نكونو سبة باه الرجال الي ندوهم يدخلو للجنة ماشي لجهنمة

[كاميلا]

المشاركة الأصلية كتبت بواسطة دلع المنتدى

صح كلامك
الله يحميلى ماما من دونها مانقدرش نعيش

آمين يا رب العالمين وكل امهات المسلمين