الهدرة - الصفحة 2

soso sirin · 2012-10-04, 23:09

[quote=بن عمير 22;11800386]

اقتباس:

المشاركة الأصلية كتبت بواسطة soso sirin

وحد الحاجة باغية نفهمها راهي مهبلتي و هي الهدرة بلا ميزان الي جات في عقولهم يقولوها ماعندهم كنترول ماوالو.في الموت مايديرو قيمة للميت و لا لصحاب الدار هوما يبكو و هي تحكي لصحبتها على العرس الي حضراتو و العروسة الي تبهدل.صحاب الموت يبكو على ميتهم و هوما يزيدو عليهم مسكين سوفرا مرض والله كان مليح توخضتو فيه راح صغير واش ديري موراه كيفاه راح تعيشو.ولا في المرض و راحو يطلو على واحد مريض تحسب راحو يشهدولو هو بلاك عندو حمى من شوفاتهم و هدرتهم يحسب راح يموت و يولو والله راك مصفار الطبيب هذا ماقالك كون غير تشوف طبيب وخدخر والله واحد نعرفو كان كيما انت و قالولو ماعندك والو والله ماطول و مات هاذو الناس كون يتحاوزو واحد مايلوم.كاين ناس هدرتهم داوي و عسل و كاين ناس هدرتهم سم و تقتل.ربي يهدينا ان شاء الله[/quote

هاذو هما النسا ناقصين عقل ودين.......يهدروا في مواضع لا يجوز التكلم فيها حتى مع النفس.....
انا هدرت على النسا لانو انا هذا ماشفت انت رحت نيشان للنسا نسيت كون تاني درت كلام على الرجال .انت كارثة
واش نقولك.....كاين واحد الناس يظلمها عليك تقول القيامة قامت........واحد الناس يفرجها عليك وتكون باغي تموت تنوض تجري وتبرا...........شكـــــــرا للمــــــــوضوع

ايه والله كاين ناس كون مايهدروش كامل شوفتهم تفرح بلا كلامهم و كاين ناس كون تتخيلهم برك تبغي تسويسيدي اما اذا هدرو راهي كملت عليك.لا شكر على واجب

moh_abdo · 2012-10-04, 23:23

التمنشير و التقطاع ولات sport national

soso sirin · 2012-10-04, 23:29

اقتباس:

المشاركة الأصلية كتبت بواسطة لذريق

السلام عليكم أختي سوسو سيرين و عليكم السلام واش راك خويا ان شاء الله بخير
الهـــــــــــــــــــــــــــــــــــــــــــــــ ــــدرة.....مصطلح جميل أبطاله ناس أمرهم عجيب كيما يقولوا عندهم المارش آريار مهرس كلش مباح عندهم في العرس يعيبوا ...كي دايرة العروسة و عرضوا بزاف ...او قللوا الناس...الاكل قليل و هوما مشحاحين و لا كثروا راهم شباع و الدراهم عندهم بزاف.......ههههههههههه ناس كيما ديرلهم ماشي مليح لازم يخرجو فيك مية علة فكرتي بوحد القصة ماعلاباليش اذا كاين منها و لا لالا قالك واحد تزوج دار عشرين الف في الباطات تاع القاطو الناس نخلعت منبعد واش ولاو يهدرو مشحاح هاذوك الدراهم كامل و حط غير عشرين الف هههههههههناس كيما هاذو واش مستني منهم
في الموت كذلك الميت كي مات و واش قتله و وقتاش جابوه و وقتاش يدفنوه و الاكل وينتا يحطوه ههه و كيفش و علاش و فلانة تعرف تشد نيفها عليه....يعني تعرف الرثاء جيدا ههههههه ....شكون جا و شكون ما جاش ...و بلاك راه منايفهم هاذا لي ما جاش و لماذا......كون نقلك والله كاين شي نسا كي تدخل من الباب تبدا تبكي و هي والله ماتعرف حتا شكون الي مات و المشكل ماشي تبكي من النوع الي يهدر مع البكا.
المهم الدوسيات يبداو يخرجوا تديري خير ما تسلكي ...ديري شر ما تسلكي هههههههههههههفي دنيتنا مادير والو تولي مليح ههههههه
مي الهدرة كاينة كاينة......اللهم الواحد يدير لي يخرج عليه و يلتزم الادب و يقلل من مجالسة هؤلاء الغوغائيين و من أهم مميزاتهم نشر الاخبار في محيط و الوسط الذي نعيش فيه مثل انتشار النار في الهشيم
ربي يهدينا جميعا و يصرف عنا الظلام و اولاد الحرام و يعرفنا واش نديروا
بارك الله فيك و جزيتي كل خير
ســـــــــــــــــــــــــــــــــــــــلام

المشكل هوما يجو ليك انت كون تمرض هوما يجو لعندك انا قتلهم شي ناس كون نموت ماتخلوهمش يحضرو جنازتي علابالي يشاركوني في موتي ههههههههه.والله كاين شي ناس كون تصيب ماتلقاهمش حتا في بلاصة لا فرح و لا قرح.ربي يهدينا ان شاء الله

soso sirin · 2012-10-04, 23:38

اقتباس:

المشاركة الأصلية كتبت بواسطة السي محمد

مرة في رمضان كنا رايحين للدفن

وانا كنت راكب في الشاحنة مع الميت

و كان بجانبي اثنين

يتكلموا على العنب و اسعاره باعتبار احدهم تاجرو الثاني فلاح

خفت نفسد صيامي سكتت ماهدرتش

سبحان الله

راكب في نفس المركبة مع الميت

رايح للمقبرة

و تزيد تهدر على الدنيا و المال و العنب و الاكل؟؟؟؟

و ناس اخرين جايين يضحكو من دون اي احترام لمشاعر اهل الميت

==============================

الله يهدي ما خلق و يرحم اموات المسلمين

شكرا لك اختي

واش راك خويا ان شاء الله تكون مليح.المشكل الناس باغيين يهبلو الموت الواحد كي يروح ليها باه يتفكر الاخرة ضروك روح ليها و احكي حياتك والله العظيم الا شي ناس يروحو للموت باه يتلاقاو مع بعض راهم يديرو ليغونديفو في الموت .الميت و مايخلوهش يموت في راحتو هوما مخرجينو هي تحكي على الدنيا.السمانة الي فاتت حضرت وحد الموت واحد خوه مات يخدم معانا انت تتخيل انو كي دخلنا ولاو يسقسو هاذو الي يخدمو مع الفلاني اربي انتي واش دخلك جيتي للموت و لا باه تقرعجي سبحان الله ناس تخلخلت من عقلها .اللهم امين يا رب

soso sirin · 2012-10-04, 23:41

اقتباس:

المشاركة الأصلية كتبت بواسطة moh_abdo

التمنشير و التقطاع ولات sport national
عندك الصح كون غير جاو يخلصو على كل كلمة والله كنا كامل ولينا بكاكيش

اقتباس:

المشاركة الأصلية كتبت بواسطة ♥' سندس الفردوس ♥"

و الله غير عندك الصح الله يهديهم

امين و يهدينا حتا حنا

عميروش الحر · 2012-10-04, 23:46

اللسان واعر سلاح ذو حدين كيما تقدر تستخدمو فحاجة مليحة كيما تقدر تاني تستخدمو في حاجة شينة ...
و النساء هوما متسيدات الهدرة وين ما نروح و ين ما ندخل لا اسمع الا صوت النساء ..
لا بد انه يوجد تفسير نفسي لذلك

marley38 · 2012-10-04, 23:50

الناس قاع تشكي من هدرة الناس مي مازال مفهمتش شكون هذو الناس!!!!!

SOUSOU. DZ · 2012-10-05, 00:08

السلام عليكم ورحمة الله

يااختي نقولك حاجة والله كلامك صحيح وصرات مرة رحت نعزي انا واختي صحبتها يماها ماتت والله واحد انسانة ماشاء الله تحب الخير تفرح بالفقير مراء تاع الخير وخلاص راجلها عندو بلاصة ماشاء الله ايا كي توفات قتلك رحنا نعزيوا بنتها باسكو صحبت اختي وخلات بنات صغار وخوهم واحد كبير المهم قاعدين لتما نساوين تخيلي واش يوقول يامحمد مرتك راحت ولختك واحدك يامحمد ماتقعدش وحدك لازم نزوجوك يامحمد انت لازم امرا تكون معاك والله العلي العظيم حسيت راسي دار دخت تاع الصح واشنو هدا المرا ميتة وبناتها حزنين عليها وهوما حبو يزجوه ندمت لي رحت عزيت والله العظيم ندمت ناس لتميا غير بشغلات الناس وبهمومهم ونسين همهم ربي يهديهم

اسمحيلي طولت عليك ارجو ان تقبل مروري سلام ............

soso sirin · 2012-10-05, 00:11

اقتباس:

المشاركة الأصلية كتبت بواسطة عميروش الحر

اللسان واعر سلاح ذو حدين كيما تقدر تستخدمو فحاجة مليحة كيما تقدر تاني تستخدمو في حاجة شينة ...
و النساء هوما متسيدات الهدرة وين ما نروح و ين ما ندخل لا اسمع الا صوت النساء ..
لا بد انه يوجد تفسير نفسي لذلك

هاذاك بكري النسا كانو يهدرو ضروك حتا الرجال و ولاو يهدرو.و على كي تدخل لبلاصة و تسمع غير النسا ضروك نقلك علاه نتوما كي تكونو في جماعة تهدرو بالواحد باه الناس كامل تسمع حنا النسا نبغو نهدرو في وقت واحد و لازم الناس كامل تسمع على هكا تلقانا نعيطو في الكلام

اقتباس:

المشاركة الأصلية كتبت بواسطة marley38

الناس قاع تشكي من هدرة الناس مي مازال مفهمتش شكون هذو الناس!!!!!

الناس هاذو هو انا و انت و هو و هي و هم و هن و الي هي في التالي نحن.مي انا عن نفسي والحمد الله مانهدر في الناس مانحكي على الغاشي و كون نصيب اصلا مانروح لا للموت و لا للمرض و كيما نبغي الغاشي يعرف واش يهدر معايا نعرف واش نهدر معاهم و ربي يهدي الناس كامل

soso sirin · 2012-10-05, 00:16

اقتباس:

المشاركة الأصلية كتبت بواسطة sousou. Dz

السلام عليكم ورحمة الله

يااختي نقولك حاجة والله كلامك صحيح وصرات مرة رحت نعزي انا واختي صحبتها يماها ماتت والله واحد انسانة ماشاء الله تحب الخير تفرح بالفقير مراء تاع الخير وخلاص راجلها عندو بلاصة ماشاء الله ايا كي توفات قتلك رحنا نعزيوا بنتها باسكو صحبت اختي وخلات بنات صغار وخوهم واحد كبير المهم قاعدين لتما نساوين تخيلي واش يوقول يامحمد مرتك راحت ولختك واحدك يامحمد ماتقعدش وحدك لازم نزوجوك يامحمد انت لازم امرا تكون معاك والله العلي العظيم حسيت راسي دار دخت تاع الصح واشنو هدا المرا ميتة وبناتها حزنين عليها وهوما حبو يزجوه ندمت لي رحت عزيت والله العظيم ندمت ناس لتميا غير بشغلات الناس وبهمومهم ونسين همهم ربي يهديهم

اسمحيلي طولت عليك ارجو ان تقبل مروري سلام ............

طولي الدار دارك .والله شفتي نسا مهابل كيفاه هوما يبكو على يماهم و هوما يقولولو تزوج و زيد واش دخلهم رايحين يقولولهم عاونونا تبهدايل نيشان تحسب شتاكلهم السيد.كيما يقولو هوما في الزنازل و يحوسو على المنازل ههههههههههههراني كيما جداتي

morad81 · 2012-10-05, 12:53

اقتباس:

المشاركة الأصلية كتبت بواسطة soso sirin

وحد الحاجة باغية نفهمها راهي مهبلتي و هي الهدرة بلا ميزان الي جات في عقولهم يقولوها ماعندهم كنترول ماوالو.في الموت مايديرو قيمة للميت و لا لصحاب الدار هوما يبكو و هي تحكي لصحبتها على العرس الي حضراتو و العروسة الي تبهدل.صحاب الموت يبكو على ميتهم و هوما يزيدو عليهم مسكين سوفرا مرض والله كان مليح توخضتو فيه راح صغير واش ديري موراه كيفاه راح تعيشو.ولا في المرض و راحو يطلو على واحد مريض تحسب راحو يشهدولو هو بلاك عندو حمى من شوفاتهم و هدرتهم يحسب راح يموت و يولو والله راك مصفار الطبيب هذا ماقالك كون غير تشوف طبيب وخدخر والله واحد نعرفو كان كيما انت و قالولو ماعندك والو والله ماطول و مات هاذو الناس كون يتحاوزو واحد مايلوم.كاين ناس هدرتهم داوي و عسل و كاين ناس هدرتهم سم و تقتل.ربي يهدينا ان شاء الله

لوكان يزيدو يقلقوك شوية رايحة تولي شاعرة للشعر الشعبي ...........رايح ندير قصيدة على هذي الظاهرة ......

صحيح و الله ظاهرة أصبحت عادية ان صح القول.......و كما يقال ما تكرر تقرر .

والأمر هو أن الناس قلوبهم ماتت وهم أحياء .... شكرا للموضوع ...أخوك مراد

خولة لبابة · 2012-10-05, 13:01

الله يهدينا أجمعين............للاسف هذا موجود بكثرة خاصة عندى النساء.........أذكر عند وفاة خالي رحمه الله.............النساء لم تتوقف عن الكلام.......واحدة تسأل هل زوجتي ابنك؟؟؟ و الاخرى تقول مازال......واحدة تجد كبة عند امرأة تقول لها اين اشتريتها؟؟ كم ثمنها؟؟ اعجبتني.....اريد أن اشتري مثلها...........و الكثير من الأمور...............الله يصلح اخواتنا الى ما هو خير......نسال الله الهداية و الثبات..........

مريم الصابرة · 2012-10-05, 15:01

السلام عليكم اختي
على بالك باللي هذا هو تعريف الجزائرين يعني قرعاجين ونتاع هدرة الوقت والمكان والمناسبة ما يهموش المهم يهدرو ويفهمو كل شي وشفت نتاع المقبرة اللي يروحو وخاصتهم قهوى برك القسرة والمنشار فالكانين وفالعجايز وفاللي طلقها راجلها وذاك الميت مسكين لو يقدر يخرج يكر وحدة منهم من الشعر ما يعاودوهاش والجنازات ما نحكوش
انا بما كنت فالسبيطار يجو ليا يبقاو عند راسي إيه مسكينة واش قالولك ؟ واواه هذا كاش مرض والطبيب مخبي عليك وفي وجهي اواه شينت بزاف ومصفارة وانا ختك عاقلة بزاف ونسكت وحدة كليتها قتلها إنت راكي صفرة لازمك رقدة هنا ايا طيري عليا جايا تنوحي عند راسي وتشوفي في ليكولار وليت ليكات انايا صفرا وإلا حمرا راكي عارفتني ما نسكتش وفالجنازة نتاع بابا الله يرحمو ثاني غيه مساكن خلاهم وحدهم وصغير والمرض هذاك اللي حكمو وسوفرا وإلا لالا وكان ينضر كي كان يموت جابولي قلبي اللي تسقسينا ما نجاوبوش حتى فهمو رواحهم ناس تبدهل
شكرا حنونة فرغت قلبي نروح نشرب عطشت ينشف ريقهم إن شاء الله كي نتفكرهم نندم اللي ما عطيتش وحدة منهم طريحة

soso sirin · 2012-10-05, 22:40

اقتباس:

المشاركة الأصلية كتبت بواسطة morad81

لوكان يزيدو يقلقوك شوية رايحة تولي شاعرة للشعر الشعبي ...........رايح ندير قصيدة على هذي الظاهرة ......

اواه انا وين و الشعر وين ههههههههههه مي راني نستنى في القصيدة الي راح تكتبها ان شاء الله

صحيح و الله ظاهرة أصبحت عادية ان صح القول.......و كما يقال ما تكرر تقرر .

والأمر هو أن الناس قلوبهم ماتت وهم أحياء .... شكرا للموضوع ...أخوك مراد

كيما قلت انت قلوب الناس ماتت و قساحت ولاو يهدرو اي حاجة.لا شكر على واجب

soso sirin · 2012-10-05, 22:44

اقتباس:

المشاركة الأصلية كتبت بواسطة فلال باك

الله يهدينا أجمعين............للاسف هذا موجود بكثرة خاصة عندى النساء.........أذكر عند وفاة خالي رحمه الله.............النساء لم تتوقف عن الكلام.......واحدة تسأل هل زوجتي ابنك؟؟؟ و الاخرى تقول مازال......واحدة تجد كبة عند امرأة تقول لها اين اشتريتها؟؟ كم ثمنها؟؟ اعجبتني.....اريد أن اشتري مثلها...........و الكثير من الأمور...............الله يصلح اخواتنا الى ما هو خير......نسال الله الهداية و الثبات..........

اللهم امين يا رب.الله يهدينا ان شاء الله كامل و يثبتنا و الحمد الله الي الواحد ماراهش يحط مع الغاشي كامل لانو كون والله راح شرا بلاصة في راس جبل و ريح و هكا يتهنى و يهني