قول لي انني لست جميلة

[**د لا ل**]

ربي يوفقك اخي الكريم

[sengra]

السلام عليكم
أخي الكريم ضحكت و تألمت جدا الى حال الشباب اليوم
أعتقد بل متاكد ان الفتاة المطلوبة قد ردت عليك بالغرابة في عنوان السؤال و بوضع الخطوط الحمراااااااء
لان كل الصفات التي ذكرتها توجد فيها
ثانيا
نصيحة مني لا تصرح للأنثى في البداية بشروط و خاصة الجمال لأنك في الحقيقة قد اهنتتها و انما اخترت شيأ قد تجده عند مليون فتاة حتى و لو كانت جميلة حقا.
و الله أعلم

[الواثق]

ومادخل الخوف هنا فلماذا احل الله لنا الرؤية الشرعية ................اذا عجبتك البنت تقدم لها ودير الرؤية الشرعية فان لم تعجبك فسأقول لك لقد استبدلت الدين بالجمال والله المستعان.......................كنت فيما مضى تقدمت لفتاة لم ارها بل سمعت عن دينها فقط ورئتها في الرؤية الشرعية ورضيت بها لكن وقفت امور اخرى بيننا ففترقنا ...............ويا اخي انصحك نصيحة اخ اذا كنت تبحث عن الجميلة فقدم الجمال اولا يعني ابحث عن الجمال ثم ابحث عن الدين حتى لاتستبدل الدين بالجمال وهذا مانصح به امام السنة احمد بن حنبل رحمه الله

[غليزاني 26 سنة]

ميضوع غريب جدا
يا اخي اخطيك من حب المنتديات

[mohamed160]

سلام عليكم يا اخى انت عجبتك كما راك اتقول الصح هو الدين مى الزين يجى النهارى لى يروح نصيحتى لك

[gomplayer]

عندك مرض نفسي، روح عالج قبل فوات الاوان

[الحطاب سهام]

يا ربي على الرجال وياربي!!!!!شا صرالكم ؟؟؟ياو هذا زواج ماشي لعب .!!!!!حبيت في منتدى ورايح تخطب في المنتدى وتتزوج فيالمنتدى وجيب اولاد في المنتدى؟؟؟؟؟يا خويا المثقف شا صرا لعقولكم؟؟؟؟
وعلاه خلاص مابقاوش البنات في الواقع باه قاع حبيتو تتزوجو من العالم الافتراضي؟؟؟؟
غير وحدا كتبت باسلوب جميل وتحدثت على نفسها ...خلاااااااااااااااااااص راهي كيما قالت؟؟؟؟
فيق خويا فيف ...روح حوسلك على وحدا من الواقع تكون بنت فاميلا الله الله تعرف منبتها واخوالها واعمامها ...عيش معاها في الواقع
والله انا حرت في الرجال علاه ياكدو انها مالازمش تكون تتفرج افلام؟؟؟؟؟وعلاه هذا هو المقياس لصلاح المراة ؟؟؟؟؟
المراة الصالحة هي الي تطلعك وتبينك قدام نتاجك
المراة الصالحة هي الي تقوم بطلباتك وتحترمك وفي الشدة تلقاها مسانداتك
المراة الصالحة هي هذيك الفحلة الي كل صبع بصنعة
المراة الصالحة هي اللي ترفد والديك
المراة الصالحة هي الي تسهر بجنبك وانت مريض وتشجعك وديرلك كيمة وهبة وتحسسك برجولتك
المراة الصالحة هي الي تصون عرضك كنت حاضر او غائب وتربي اولادك وتعطيك السبوعا واللبات الي خلوك تمشي وانت رافع راسك
المراة الصالحة الي قبل ما تخرج من الدار تفليك ...كلشي فيك يشعل من الراس الى الرجلين وتخلي الي يشوفك يقول ماشاء الله
المراة الصالحة هي الي تعاونك على العبادة وتهيالك الجو
المراة الصالحة هي الي كل ماتطلب تقولك شبيك لبيك وحاضر وتكون رزينة وعندها الرجال الي تحشم عليهم
المراة الصالحة الي افعالها يبرهنو على صلاحها وليس اقوالها او تعبيرها
المراة الصالحة هي المراة الي عمرها ماتخليك تطيح الي تخمم عليك وتشفها وتقلع من عمرها وتعطيك

(إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت

ساهلا ماهلا ماقال عليه السلام لا حافضا كتاب الله كاملا لا زاهدة معتكفة في المسجد!!!!!!
يسما غير اي وحدة او واحد يعبر مليح او عنده رصيد لغوي ...خلاص نحكمو عليه بالصلاح ...امالا اذا هاك هاي ليك احلام مستغانمي ....ياك تعبيرها روعة وشابة .....ايا قاع يروحو يتزوجوها !!!!!غير قالت مانتفرجش مسلسلات خلاص ..قلبك طاح وبديت عليها احيا وعليها اموت !!!!

يا خويا نصيحة مني ...اخطيكم من عشق المنتديات والتلفونات والفااااااااااااااااايس بوكات ...ياو راكم غير تشكلو ....الواقع راو عكس هذا تماما ...راك حبيت اوهام وكلمات ...والانسان تصرفات وافعال وردات افعال ...ماشي سطور فوق صفحات منتدى

انا لا اتهم هذه الفتاة او غيرها بالكذب والتمثيل ولكن ردي كان بصورة عامة فقط

[قاتلة الصهاينة]

انا مرة وحدة مثقفة ومتدينة قالتلي جامي تحبي العبد وتوثقي فيه من خلال الأسلوب تاعو في الكتابة
على خاطر كامل نعرفو نكتبو أو نستعينو بالنت او نقتبس بعض العبارات
وكي نجيو للكلام المباشر نسكتو
راك حبيت ماتكتبه يداها وليس شخصها
وانا نظن بلي الزواج تاع الانترنت وهاد المشاكل كلها مجرد لعب
تقبل مروري

[mohamedeln]

اهلا . اخي الكريم . انت تقول انها مشكلة . و انا اقول لك اين المشكلة . اذا كانت مشاكلنا هكذا يعني اننا بخير.
اخي نصيحة لا تفكر ابدا ابدا ان تنوي ان ترتبط بفتاة من النت مهما كانت و حتى لورأيت صورتها و اتمنى ان تفهم كلامي فأنا تعلمت من حياتي الكثير جدا. و اصبحت الان لا أهتم كثيرا بالفتيات لان ابسط شيء يمكن فعله الانسان الزواج. .... اظفر بذات الدين تربت يداك