دعوة عامة لمرتادي قسم المجتمع...ارجوا تفاعلكم

[soso sirin]

شوف خويا لذريق حنا عندنا في الشلف مقسمينا لعرفين المحمديين و المعمريين و انا لحد الان مافهمتش هذا التقسام مين جابوه و لا اصلا علاه داروه .و حنا من جهتنا كاين الي باغيين يوصلو للمريخ بهبالهم لانو ماشي المهور غالية تقول مزاد علني كيما كاين الي مايدومونديش بزاف يقلك الهنا برك.انا مانهدرش على ولايتي لانو كل واحد و كيفاه امالا نهدر على دارنا و على الناس الي نعرفهم نيشان المهر مابين 8 حتى 12 مليون و كاين الي تتزوج ب 6 ملايين .الذهب الاب مايشرطش معنتها يخليها للراجل و ماليه هوما الي يديرو من عندهم و على حساب قدرة الراجل .عرسها ديرو وحدها حنتها محضرها ماليها يستكلفو بيه معنتها الراجل لازم يمد المهر و الذهب و خاتم تاع الخطبة و البياس مونتي نهار الفتاحة تاني يجيبها و العشى تاع نهار العقد و ماشي ملزوم باه يديرولها الا اذا هو بغى.

[khadouj_1985]

السلام عليكم
و الله اسمحولي الناس قتلتهم المادة انا نعرف شخص حط مهر 17 مليون تعرفوا واش قالوا الاب ..... اسمعوا قالوا كملي 3 ملايين انا بنتي ما تسواش غير 20 مليون
الخمد لله هو راجل راح عندوا قالو شد بنتك عندك لزكان جات اعزكم الله بقرة ما تساومهااااااااااااااااااش
يا ناس اتقوا الله و الله حرااام هذا الشي الي راه يصير تبعوا العرف 10 ملايين براكات و زيادة و بركاو من التفاخر و اللي عندوا يستر روحوا علاه الزوالي مسكين رايح في الجرة و انتم يا شباب تفاهموا مع زوجاتكم راه الامر بسيط و اللي فيها الخير و الله ما تتشرط و الله الهناء و العشرة بالحسنى هي الصح و نحكوا على ازمة عنوسة لا يغير الله ما بقوم حتى يغيروا ما بانفسهم و لا حول و لا قوة الا بالله.

[assia81]

السلام عليكم ورحمة الله وبركاته
انا بالنسبة لي لا يهمني المال ولاشي المهم ان يكون رجل ولكن مع الاسف قلّةٌ همُ!

[خولة لبابة]

غبت لمدة ساعتين و نصف..........و كتب موضوع.......و هناك ردود كثيرة......ههههه
المهم فيما يخص الموضوع.........في ولايتنا نحن القبائل......على المرأة أن تشتري لنفسها لباس و ذهب و كل ما تقدر عليه......المهر عندنا يضعون مليون.....و ياخذ والد العروس 100 دج أو 200 دج كيما يحب......لكن هناك تفصيل......يجب على العريس أن يشتري للعروس بعض الثياب على حسب قدره......و يشتري لها خاتم ذهب و عقد على حسب ما يقدر........لكن عليه أن يشتري شمبار أكوشي.....المسكين.....و العرس يتم.....الكسكس و الحلويات و اللحم كل هذا الشيء....غالي.......و سأكتب موضوع مستقل سأحكي لكم قصة أحدهم هنا في قريتنا ماذا فعل ستضحكون منه كثيرا........
و انا أطلب من الله جل و علا أن يرزقني بالزوج الصالح التقي.....اللذي ينهضني لاصلي قيام الليل....و اللذي يرشدني اذا أخطات و يصحح أخطائي.....اللذي يعلمني الكثير عن ديننا الحنيف......و اذا أكرمني الله بهذا الزوج الصالح......فأنا لا احتاج لا ذهب و لا شيئ آخر.....و لو يقبل الفاتحة و تكفي.....حتى الذهب لن اشترط عليه....الا خاتم الزواج........ههه.....الله يرزقنا ما نتمنى..........و آسفة على كلامي.......
احترامــــــــــــــــــــــــــــــــايت لكم جميعا.........

[سعاذ]

السلام عليكم
كيما نقول حنيا شرط في الولاية تاعنا مابين 8 و 13 مليون اما بالنسبة للعايلة تاعنا الشرط بين 8 الى 10 و في العايلة تاعنا اهل عريس هما لي يحدد شرط على حساب مقدورهم و لا محبوش يحطوا يحطوا شيخ لي يفتح وحنيا عندنا بركة تاع عايلة تاعنا و هو امام ديما في اغلب هو لي حدد الشرط + الرجل لازم يجيب لملاك على حساب مقدورو و نهار يفتحوا يمد على حساب مقدوروا باش اهل عروس يديروا لعشاء بالاضافة انوا يمد حق السميد و الزبدة و خضرة و تاني يجيبوا كبش و هذوا كامل لاحب مايديرهمش اهل عروس ماينطقوش لشتا كلمة و مايشرطوا حتى شرط
اما لعروسة عندنا تدي من عند باباها البقرة و بنتها سنتورة مكرشيا لي ماتسواش خلاص تسوا 40 مليون و زيد ذهب لوخر تقدر تقول تدى حوالي 100 مليون ذهب زايد لمطارح و شويا حوايج تاع كوزينا و حوايج تاع سالوا و هى لي لازم تجهز روحها
تقدر تقول بلي لعرس تاع طفلة يكلف اكثر من تاع الرجل
ربي يرزق بنات المسلمين ازواج صالحين
و ابناء المسلمين زوجات صالحات
دمتم في رعاية الله و حفظه

[mohamed160]

سلام عليكم ربى يقدارنا برك لان المراء الصالحة ما تسوى بالمال

[محمد جديدي التبسي]

طاح المورال
راهي في جوايه 30 مليون في المتوسط
الله المستعان

[soso sirin]

المشاركة الأصلية كتبت بواسطة محمد جديدي التبسي

طاح المورال
راهي في جوايه 30 مليون في المتوسط
الله المستعان

مايطيح المورال ماوالو كاين شي عايلات يشرو الراجل و انا عارفة واش نقول والله مايشرطو لا دراهم لا ذهب لا دار لا لاصال لا طيارة تروح تجيبها فيها يقولولك الهنا و هذا اصعب حاجة في الدنيا لانو الوحدا اذا تزوجت براجل تاع صح دراهم الدنيا كامل يجيبهملها حتى لعند رجليها و الي تزوج بذكر الدراهم الي دفعهملها كامل تحسهم حبل راهي تجيف بيه كل يوم.امالا اتكل على ربي و ربي يرزقك بالزوجة الصالحة المهم خليها مهنية برك

[linda lolo]

يا شبيبة ونسيتو الصالاة الي يديرو فيها العرس ههههههههههههه ولى الزواج مودى ميشي حلال يسترو بيه رواحهم الله يهدي

[السي محمد]

المشاركة الأصلية كتبت بواسطة soso sirin

شوف خويا لذريق حنا عندنا في الشلف مقسمينا لعرفين المحمديين و المعمريين و انا لحد الان مافهمتش هذا التقسام مين جابوه و لا اصلا علاه داروه .و حنا من جهتنا كاين الي باغيين يوصلو للمريخ بهبالهم لانو ماشي المهور غالية تقول مزاد علني كيما كاين الي مايدومونديش بزاف يقلك الهنا برك.انا مانهدرش على ولايتي لانو كل واحد و كيفاه امالا نهدر على دارنا و على الناس الي نعرفهم نيشان المهر مابين 8 حتى 12 مليون و كاين الي تتزوج ب 6 ملايين .الذهب الاب مايشرطش معنتها يخليها للراجل و ماليه هوما الي يديرو من عندهم و على حساب قدرة الراجل .عرسها ديرو وحدها حنتها محضرها ماليها يستكلفو بيه معنتها الراجل لازم يمد المهر و الذهب و خاتم تاع الخطبة و البياس مونتي نهار الفتاحة تاني يجيبها و العشى تاع نهار العقد و ماشي ملزوم باه يديرولها الا اذا هو بغى.

ما فهمتش الجزء الملون بالاحمر

===========

اتحدث عن نفسي و عائلتي

بنت اختي طلبو 10 ملايين فقط و الذهب حسب قدراته العرس العام القادم باذن الله

و اختي تزوجت ب 8 و الذهب من عنده لم تشرط شيء



=====
اخت صاحبي تزوجت ب 20 مليون و اخو صاحبي نفسه ب 30 مليون

[نيل المنى]

اللهم أمين أخي
سأتفاعل أخي و أتحدث عن منطقتي: بجاية ،
نحن على العموم نسهل أمر الزواج فيما يتعلق بالماديات ألى درجة لا يصدقها غيرنا حين نحدثهم عنها ...بل و هناك من يضحك منا لأننا لا نشترط مهرا مبالغا فيه كبقية المناطق ...فقط مبلغ رمزي لأن المهر من أركان الزواج ،ممكن 500.00دج أو 1000.00 دج فقط ،يعني حق أتمام وجود المهر لا أكثر و لا أقل....و بالطبع فمن حق العروسة أن تحصل على بعض الهدايا التي تفرحها كبعض الفساتين و ان كان الأمر ممكنا طاقم ذهب و ان استعصى أو كان للشاب مشروع بناء أو شراء منزل أو سيارة تستغني العروس عن طاقم الذهب و تكتفي بقلادة و سوار +خاتم الخطوبة و الزواج....و ان كان ممكنا يهديها بعد ذلك هدية أخرى و ان فضلا الاهتمام بمشاريعهما فهذا :بركااااااااااااااات.
و بالطبع يجهز "غرفته" لأن أغلب الشباب لا يملكون سكنا خاصا و يقيم حفل زواجه بما استطاع و كل أفراد عائلته يساعدونه بما استطاعوا ...ليفتح بيت الحلال.
اللهم يسر لكل شبابنا.قولوا أمين.

[SOUSOU. DZ]

المشاركة الأصلية كتبت بواسطة الواثق

انا الذي لاحظته ان البنت الغنية لاتشترط كثيرا والبنت الفقيرة تتشرط ستودع حياة البساطة لحياة الملوك والقصور ...........هذا ليس دائما ...............كما ان لتشراط الثقيل غالبا ما يكون من الاهل او بالاخص الام ..........والبنت تقول ايه وخلاص ......................

ضرك راك تروح تخطب وتقلهم جيتكم بالحسب والنسب و 100 مليون .................10 ملايين مهر و 20 مليون ذهب و 5 ملايين تاع خطبة وفاليزة و 4 ملاييت فليزة اخرى تاع العرس ........و6 ملايين تاع الكباش ................وتزيد انت لازمك شمبرا ب 15 مليون على الاقل ..........واذا كنت تبني لازمك 50 مليون على الاقل ..........والعرس واحد 20 مليون على الاقل ..................وووووو

نحن في البيت زوجنا اختي ب 6 ملايين والله دورو مازادو وهي اعز مانملك والبنت الوحيدة واي شيء كان يخصها اشتريناها لها وهي مع زوجها بالرغم من امكانيات العيش اقل من الامكانيات لما كانت عندنا لكن سعيدة والحمد لله حتى انا سعيد بها لانها مع رجل ونعم الرجل .............

انا التكاليف هاذي ماتحليش لراسي ...........انا نقلهم واش عندي واش قادر فان قالو لايكفي فاقول لهم السلام عليكم وان كانت اخر بنت في الدنيا

لانني اكره ان اتدين او يساعدني احد ولو كان من اهلي

ولايكلف الله نفسا الا وسعها.

السلام عليكم ورحمة الله

والله ياخويا الواثق ردك هدا تقول والدي يقول فيه

[الواثق]

المشاركة الأصلية كتبت بواسطة محمد جديدي التبسي

طاح المورال
راهي في جوايه 30 مليون في المتوسط
الله المستعان

المورال مات اصلا .......واجمل كلمة ان الله هو المستعان وهذا عزائنا ................وانا اقول للبنت التي لا تشترط ان المشكلة في الاهل كذلك فممكن هي لاتشترط ولكن لاولياء سيشترطون.وان كان الاولياء ميسرين فسأقول هنيئا للرجل الذي يحظى بهؤلاء وعايه ان يحافظ على هذه االعائلة بكل مايمكن فهي من التراث .................وانا لا اقصد الشروط المعقولة فاكيد الرجل لا يقصر لكن هناك من يلزمك بامور لا طاقة لنا بها .........................

والله المستعان .

[نيل المنى]

المشاركة الأصلية كتبت بواسطة محمد جديدي التبسي

طاح المورال
راهي في جوايه 30 مليون في المتوسط
الله المستعان

30 مليون ...في المتوسط....يعني هذه المرأةGOLFوللا BMW؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و الله بصراحة جنيتم على أنفسكم و في رقابكم ذنوب الشباب المسكين.
الأمر غير معقول أطلاقا.عليكم بأعادة النظر في هذا الجنون...و هذا يتزوج و للا يستثمر في هذه الحياة؟و كيف يشتري منزل؟و كيف يشتري سيارة؟ و كيف يربي أبناءه من دون ديون؟
و الله غير هذا ضرب من الخيال.
اللهم اهدينا.:sd f:

[الواثق]

المشاركة الأصلية كتبت بواسطة sousou. Dz

السلام عليكم ورحمة الله

والله ياخويا الواثق ردك هدا تقول والدي يقول فيه

حفظ الله والدك ............انا راني كيما الشيوخا نهدر كيفهم تخصني العصا برك هههه