مطلوع البيترا - الصفحة 2

أم ياسين الزهراء · 2012-11-27, 16:47

اقتباس:

المشاركة الأصلية كتبت بواسطة صالح سوفي

اسأل كل من جربت البيترا شحال شريتوها ومن أي نوع وماهي النوعية المليحة وشحال كيلو تعجن
شكرا

نا عندي كانود وشريتو ب5 ملاين والله يبارك مليح بلاكي تشري الشينوة راهو خرطي ويخسرلك ثم ثم

سمراء الدنيا · 2012-11-28, 08:35

بارك الله فيك انا تاني نحب لعجين لكن ما عنديش بيترا
يارب نشريها و اول حاجة نديرها هي هاذ المطلوع لانو يشهي

أم ياسين الزهراء · 2012-11-28, 12:44

اقتباس:

المشاركة الأصلية كتبت بواسطة سمراء الدنيا

بارك الله فيك انا تاني نحب لعجين لكن ما عنديش بيترا
يارب نشريها و اول حاجة نديرها هي هاذ المطلوع لانو يشهي

ان شاء الله تشريه حنونة انا ندمت بزاف كيماشريتوش بكري كان زوجي يقلي نشريهولك وانا نقلو الضيق بصح الحمد لله ندير بيه كلش لعقوبة ليك

zaklam · 2012-11-28, 13:51

سلام حبيبتي
احنا من بكري كانت ماما تدير العفسة تاع الساشي المشمخ و في كل حاجة تاع العجين حتى البيتزا

صالح سوفي · 2012-11-28, 18:07

شكرا بارك الله فيكم على الردود

serine31 · 2012-11-28, 22:15

يعطيك الصحة حنونة و أنا نموت على المطلوع

ام ملاك. · 2012-11-28, 22:35

يشهي شحال توحشت المطلوع امممممممممممممممممممم

ام ايمن17 · 2012-11-29, 12:23

بارك الله فيك

oum tesnime · 2012-11-29, 12:53

واااااو بسم الله ماشاء الله حبيبتي الله يعطيك الصحة

هدا هو لي نحوس عليه

بناتنا كنت نديره فدار كي كنت نقرا ...الصراحة كنت نعاون ماما في العجين تاعه

لكن كي جيت هنا لفنلندا خاصتني قصعة ههههه راجلي تقولي هاي الباسينة نقولوو لا لا خاصني نعجنو مليح

ولباسينة طالعة من ومن هههههه

جبت قصعة الحمدلله لكن بعد 3 سنوات كنت خلاص نسيت حتى الكيفية تاعو ههههههه ولادي شيبولي الراس

قوليلي حنا ماما كانت دير 2 كيلات تاع سميد رقيق مع كيلة تاع فرينة يجي هو هو

ياك نتي تاني ديري ها العبر ؟؟؟

أم ياسين الزهراء · 2012-11-29, 13:09

اقتباس:

المشاركة الأصلية كتبت بواسطة oum tesnime

واااااو بسم الله ماشاء الله حبيبتي الله يعطيك الصحة

هدا هو لي نحوس عليه

بناتنا كنت نديره فدار كي كنت نقرا ...الصراحة كنت نعاون ماما في العجين تاعه

لكن كي جيت هنا لفنلندا خاصتني قصعة ههههه راجلي تقولي هاي الباسينة نقولوو لا لا خاصني نعجنو مليح

ولباسينة طالعة من ومن هههههه

جبت قصعة الحمدلله لكن بعد 3 سنوات كنت خلاص نسيت حتى الكيفية تاعو ههههههه ولادي شيبولي الراس

قوليلي حنا ماما كانت دير 2 كيلات تاع سميد رقيق مع كيلة تاع فرينة يجي هو هو

ياك نتي تاني ديري ها العبر ؟؟؟

الله يردك لاهلك سالمة وغانمة حنونتي

ايه هذاك هو الكيلة الصحيحة وانا ندير حتى السميد المتوسط مع الفرينة وكيديريه وريلنا الشطارة

minamer · 2013-02-23, 12:28

اقتباس:

المشاركة الأصلية كتبت بواسطة أم ياسين الزهراء

بعد تجارب كثيرة ومغامرات وبحوث ههههههههههه زعم النازا ههههه المهم خرجت بافكار ومعلومات راح تفيد الاخوات اللي عندهم البيترا واللي ناوين يشرو غير يزربو وماننساش نشكر كل اخت دخلت موضوعها وشفت طريقتها في العجن وخاصة الاخت الوهرانية الاساس تاع المطلوع هو انتاعها

اولا نحط الدقيق + الفرينة + السكر + الملح والسانوج + الخميرة نصيحتي ماتكثروش دوقى الخميرة راهو سخون الحال وزيد الخميرة الرقيقة اللي نستعملوه فورية ثم ثم تطلع عجينها ونبلوكلش بالماء الدافئ ملازمش يكون سخون بزاف ولا بارد مهم جدا وبعدها نلمو عجين انتاعنا بلامنعجنو ونجيبو ساشي ونبلوه بالماء ونحطو فيه العجين هذي طريقة الوهرانية ونخلوه في بلصة دافية وروحي ديري شغالك اما الوقت كيما تحبي من نص ساعة وطلع راح تشوفي عجينك طلع خفاف اهنا ديريه في البيترا وابدا تعجني وعلى بالك على الاول سرعة بطيئة وبداي تزيدي في الماء غير بشوي ومنبعد حطي السرعة في رقم 2 ماتفوتيهش حبسي البيترا ومسي عجينك اذا كافيه الماء كان بيها واذا شفتيه ناقص زيدي اعجنيه مليح حوالي 5 د والحمد لله كلش مليح خلي عجينك شوي يريح هذا مهم في عجين البيترا لانو راح يكون سخون وابعد مايريح ابداي تقرصي انا ندير شوي زيت في يدي ونحل عجيني في منشفة مذري فوقها الفرينة شحال كتبت 00000000000 المهم الملاحظة المهمة كيما قتلك على الاول الخميرة راهي ثم ثم تطلع كيتغطي الخبزات انتاوعك حطي الطاجين يسخ وابداي تطيبي وان شاء الله فدتكم واللي عندها عفسى مليحة تزيد تفيدنا وربي يكملنا الكل

هنا في الطاجين واووووووووووووو على الفقاقيع

هنا قلبتها

حقى نسيت نقلكم ديرو سنيوة فوق الكسرة كيتحطوها في الطاجين راهي تنفشهالكم مليح وحتى هذي فكرة الوهرانية

ان شاء وفقت في المعلومة واي سؤال راني هنا وحظ موفق

شكرا ليك و ان شاء الله نجربها