كيف نعتدر من اعضاء ؟؟ - الصفحة 2

SOUSOU. DZ · 2012-09-16, 21:26

اقتباس:

المشاركة الأصلية كتبت بواسطة mohamed160

سلام عليكم اسماء بارك الله فيك على الموضوع وانا نشكرك على كل شى لانك طيبة وان شاء الله يعطيك الله كل ما تتمنيها ويحفضك لولاديك

وعليكم السلام ورحمة الله

وفيك برك اخي محمد ......... العفو خويا والله ردك يعجبني ويطلع المورال ربي يخليك وان شاء الله راك مسامحني برك هدا مانحوس في هدا الموضوع

اللهم ماامين يارب شكرا على دعاء

SOUSOU. DZ · 2012-09-16, 21:29

اقتباس:

المشاركة الأصلية كتبت بواسطة karim vovinam

أختي العزيزة يمكنك الإعتذار بأية طرقة ولك مهم فعليتي لن تغير صورتك حتى لو سامحك هذا الشخص لكن الإعتذر و الدعاء لله صوبحانه لعله يكفي حتى لولم يسمحك هذا الشخص فدعي رب العرش العضيم لأنك أخطأتي في حق الشخص لعل الله يجعل سبيل ليجمع بينكم
شكرا أخي على الموضوع و سامحني إن بالغة و أخطأة بدون أن اشعر السلام عليكم
تقبلي مروري

اهلا اخي كريم

صح كاين بزاف طرق مي لوكان تطلب سماح يلعبوها عليك و و راك تعرف العقلية

بارك الله فيك على ردك الجميل جزاك الله كل خير ......... لالا راك مسامح الموضوع على تسامح ولالا

وعليكم السلام ورحة الله

الواثق · 2012-09-16, 21:34

مشكلتنا نحن الجزائريين لانحسن الاعتذار واذا الواحد نوى يطلب السماح يولي يحمار ويصفار ولسانو يتربط ويولي يشوف هذيك اللحظات بالتصوير البطيء حتى الشهيق والزفير ودقات القلب يحسبهم ......................ومكانش احسن من الهدية ...................في احد الايام كاين ولد ادرسه قال كلمة سمعتها تنشق لها الارض فطردته من القسم لدرجة اني كرهت حتى منظره .............فمرت الايام اجده امام المخبر ينتظرني وهو يرفع شيئا واعترض طريقي وقال لي استحلفك بالله ان تسامحني وسلمني الهدية وهي كتاب قرءان واقلام ............فقلت له يالمصيبة جيتني من الفتحة اللي مافيهاش باب باه نقدر نغلقو فسامحته واعجبتني طريقته بل اعطاني درس في الاعتذار واعترف انه افضل مني ............................وكم من تلميذ غلب استاذه

السي محمد · 2012-09-16, 21:41

السلام عليكم

اخي او اختي

انا غلطت في حقك

اعتذر منك سامحني

بارك الله فيك و شُكرا لك

هكذا ببساطة

فعلتُها و سافعلها ان شاء الله حينما اُخطئ مع غيري

مسلم سني · 2012-09-16, 21:50

السلام عليكم
لكن من أخطأت في حقه هل هو على دراية بذلك أم أنه لايدري؟
المهم عادي أخبريه بذلك
بالتوفيق لك
احترماتي

SOUSOU. DZ · 2012-09-16, 22:04

اقتباس:

المشاركة الأصلية كتبت بواسطة الواثق

مشكلتنا نحن الجزائريين لانحسن الاعتذار واذا الواحد نوى يطلب السماح يولي يحمار ويصفار ولسانو يتربط ويولي يشوف هذيك اللحظات بالتصوير البطيء حتى الشهيق والزفير ودقات القلب يحسبهم ......................ومكانش احسن من الهدية ...................في احد الايام كاين ولد ادرسه قال كلمة سمعتها تنشق لها الارض فطردته من القسم لدرجة اني كرهت حتى منظره .............فمرت الايام اجده امام المخبر ينتظرني وهو يرفع شيئا واعترض طريقي وقال لي استحلفك بالله ان تسامحني وسلمني الهدية وهي كتاب قرءان واقلام ............فقلت له يالمصيبة جيتني من الفتحة اللي مافيهاش باب باه نقدر نغلقو فسامحته واعجبتني طريقته بل اعطاني درس في الاعتذار واعترف انه افضل مني ............................وكم من تلميذ غلب استاذه

اهلا اخي الواثق
وي حاجة مليحة الهدية
مي انا راني نحكيلك على الاعضاء لي في المنتدى راني وضحتلك في الموضوع ادا والديك او اخواتك تقدر تملدهم هديا مي كيفاش مع لاعضاء ...؟؟... والله الحد لان مازعفتش واحد حتى وصلت ماديتلو هدية او طلبت منو سماح من غير والديا بلامزية مني

اه سمعت كنت رايح ليوم سيدي بالعباس على سلامتك ادا رحت

حقا ليوم بدينا برنامج الفزياء يبان صعيب وربي يكون في عوني وزيد النت دايني ربي يستر

السي محمد · 2012-09-16, 22:05

اظنني اعتذرت لك في احدى المرات و الله يعلم

الا يكفي ان ارد عليك في المواضيع ( هههه)

و اُضيف تحت المشاراكات بارك الله فيك

اتعتقد اني سادعو بالبركة لواحد شيعي؟؟؟

و انا أعتذر منك على ما قلته سابقا

اعتذر و امام الجميع

انا غلطت في حقك

و اطلب منك السماح

يا اخي عبد الشافي

هاه

هل سامحتني و قبلت اعتذاري؟؟؟

SOUSOU. DZ · 2012-09-16, 22:08

اقتباس:

المشاركة الأصلية كتبت بواسطة السي محمد

السلام عليكم

اخي او اختي

انا غلطت في حقك

اعتذر منك سامحني

بارك الله فيك و شُكرا لك

هكذا ببساطة

فعلتُها و سافعلها ان شاء الله حينما اُخطئ مع غيري

وعليكم السلام ورحمة الله

وي خفيفة ضريفة مي كي تقولهم اسمحولي يزيدو يلعبوها عليك ويطلعو شنايفهم ولا واش في رايك

شيء من رجاء ! · 2012-09-16, 22:09

عادي من أخطأت في حقه اذهب إليه واعتذر " آسف ، سمحلي ... "
عندما بدأت العمل في التعليم وكما تعرفوا الصغار مشاكلهم مع بعضهم كثيرة ، فلما يشتكي أحدهم من زميله و أجد أنه فعلا أخطأ معه ، أقول له اطلب منه السماح فأراهم يجدون صعوبة في ذلك ويقولها بصوت خافت ، بعد تفكير توصلت إلى أن أفضل حل أمارس الاعتذار معهم ، إذا حصل مني خطأ غير مقصود معهم أعتذر منهم أو من التلميذ ، بهذه الطريقة أصبح الاعتذار عندهم عادي لا يحرج

SOUSOU. DZ · 2012-09-16, 22:13

اقتباس:

المشاركة الأصلية كتبت بواسطة مسلم سني

السلام عليكم
سؤال فقط هل فعلت هذا عندما اتهمتني بانني لست سنيا؟
أخي الكريم القول سهل لكن الفعل صعب صدقني
نقول أننا نعتذر لكن الأغلبية يظنون هذا ضعفا لست أقصدك أنت طبعا لكن هي الحقيقة
أتعلم أسوء الأمور هي عندما نؤذي يرنا وربما نحن لانعلم وهذا هو الأحسن أو الكارثة عندما نكون نعلم ونتظاهر بعدم معرفتنا
الصراحة أنا غضب كثيرا وقلتها لك مرة نوكل عليك ربي لأنك آذيتني سواء كنت تقصد أو لا
أن تتهم إنسانا في دينه شيء كبير
آسف أختي أسماء على الخروج عن الموضوع سأحذف ردي هذا بعد قليل
أخي السي محمد اعتبر كلامي هذا كلام أخ غضب من أخيه لا يحقد عليه

ياخويا دي واش تحب موضوع موضوعك تصرف كيما تحب وزيد خليه رد نورمال وماتحدفوش

اقتباس:

المشاركة الأصلية كتبت بواسطة مسلم سني

السلام عليكم
لكن من أخطأت في حقه هل هو على دراية بذلك أم أنه لايدري؟
المهم عادي أخبريه بذلك
بالتوفيق لك
احترماتي

وعليكم السلام

المشكل والله ماعلى بالي مي انا نحس ضميري ماشي مرتاح نحس بلي زعفتو انا هادي هي مشكل فيا ندير حساب لناس بزااااااف

اول واحد زعف مني في المنتدى هو انت اخي عبد الشافي ولحد لان ماعلى باليش علاش زعفت وماوليتش ترد على مواضيعي مي الحمد الله رجعت المياه لمجاريها مي نورمال نقولك اسمحلي ادا اخطأت في حقك اخي عبد الشافي

السي محمد · 2012-09-16, 22:19

اقتباس:

المشاركة الأصلية كتبت بواسطة sousou. Dz

وعليكم السلام ورحمة الله

وي خفيفة ضريفة مي كي تقولهم اسمحولي يزيدو يلعبوها عليك ويطلعو شنايفهم ولا واش في رايك

عاملي الناس باخلاقك

وليس باخلاقهم

انتي اعتذري و هُم إذا لم يقبلو

ربي يسهل عليهم

المهم انتي تريحي ضميرك

مسلم سني · 2012-09-16, 22:27

السلام عليكم
أخي السي محمد أختنا أسماء فتحت هاته الصفحة وصراحة اعتبرتها صفحتي لأنها فرصة ليقول النسان ما بداخله هكذا يرتاح ولا بأس أن تتصافى القلوب أكيد وأنا بدوري أطلب منك السماح إن قلت لك يوما ما أغضبك وصراحة كنت أنت دائما هو البادي لأقصد ما يحدث في القسم السياسي وأقول لك شيئا هنا في القسم الاجتماعي تختلف الأمور
ومتأكد أننا سنبقى في القسم السياسي كما تعودتك وتعودتني وهكذا أحسن فقط كلمة الشيعي هي ما أزعجتني أما باقي النقاشات عادي كل له رأيه فيما يحدث من أمور في أنحاء العالم يا السي محمد
وصدقني أعتبرك أخا لي في الله
أما أنت أختي أسماء سبب غضبي منك ذات يوم سأقوله لك الآن وأرتاح لكن أنت لم تجيبيني أيضا يوم سألتك لم كنت تودين حذف مشاركتك في موضوعي (عمل الأطفال) ؟ المهم النت عندي كارثة وربما لن أستطيع الرد كما ينبغي
أختي أسماء لا أكن لك إلا كل احترام وتقدير وكل عضوات وأعضاء المنتدى الكرام
احترماتي

شيء من رجاء ! · 2012-09-16, 22:33

اقتباس:

المشاركة الأصلية كتبت بواسطة sawsan bd.am

عندي جارتي مهبلتني واش ندير معاها ديما تسب فيا و مبعد دجي تطلب السماح . راني حايرة معاها . نخاف المرة جاية كي تطلب السماح نعورها بفرشيطة . أنا أختكم

أخي سوسن لماذا كل ردودك غريبة وساخرة ؟
قلت أنك خرجت من خامسة ابتدائي لكن ردودك توحي بخلاف ذلك
أيضا لماذا ترفق كل مشاركة لك بعبارة أنا أختكم ؟
هل تريد إثبات أنك أخت ؟
ملاحظة أخرى من خلال ردودك يبدو أنك لست جديدا في المكان

SOUSOU. DZ · 2012-09-16, 22:40

اقتباس:

المشاركة الأصلية كتبت بواسطة مسلم سني

السلام عليكم
أخي السي محمد أختنا أسماء فتحت هاته الصفحة وصراحة اعتبرتها صفحتي لأنها فرصة ليقول النسان ما بداخله هكذا يرتاح ولا بأس أن تتصافى القلوب أكيد وأنا بدوري أطلب منك السماح إن قلت لك يوما ما أغضبك وصراحة كنت أنت دائما هو البادي لأقصد ما يحدث في القسم السياسي وأقول لك شيئا هنا في القسم الاجتماعي تختلف الأمور
ومتأكد أننا سنبقى في القسم السياسي كما تعودتك وتعودتني وهكذا أحسن فقط كلمة الشيعي هي ما أزعجتني أما باقي النقاشات عادي كل له رأيه فيما يحدث من أمور في أنحاء العالم يا السي محمد
وصدقني أعتبرك أخا لي في الله
أما أنت أختي أسماء سبب غضبي منك ذات يوم سأقوله لك الآن وأرتاح لكن أنت لم تجيبيني أيضا يوم سألتك لم كنت تودين حذف مشاركتك في موضوعي (عمل الأطفال) ؟ المهم النت عندي كارثة وربما لن أستطيع الرد كما ينبغي
أختي أسماء لا أكن لك إلا كل احترام وتقدير وكل عضوات وأعضاء المنتدى الكرام
احترماتي

اوكي وقتاش يجي هدا ليوم هادي احسن فرصة ............... مي انا دوكا نجاوبك والله ماشفتش سؤالك او منتبهتش لوكان شفتو راح نجاوبك في ديك دقيقة مانحبش الكريدي نحب كلشي نفريه تم تم

وقتاه حسيت بلي راك زعفان مني وغايظاتك حاجة ومحبيتش تقولها كي رديت عليك وردو كامل اعضاء كامل ردي على ردودهم لا انا حسيت روحي مثقلة على موضوعك او بااحر مثقلة عليك على ديك قلت مانلصقش روحي اكثر من هكدا نحدف مشارك ديالي وصاي وتاني كادريتش عليا نقولك والله غاظني الحال بزاف شوف اقتلني وماتحقرنيش او ماديرليش حساب

اما على النت والله كارثة مي كامل مواقع يتفتحو غير المنتدى راني نسوفري معاه

المهم انا ماني دايرة حتى حاجة في قلبي ومسامحة كامل اعضاء مي بلاك انتوما ماشي مسامحيني

SOUSOU. DZ · 2012-09-16, 22:42

اقتباس:

المشاركة الأصلية كتبت بواسطة رجاء الخير

أخي سوسن لماذا كل ردودك غريبة وساخرة ؟
قلت أنك خرجت من خامسة ابتدائي لكن ردودك توحي بخلاف ذلك
أيضا لماذا ترفق كل مشاركة لك بعبارة أنا أختكم ؟
هل تريد إثبات أنك أخت ؟
ملاحظة أخرى من خلال ردودك يبدو أنك لست جديدا في المكان

ههههههه والله يااختي ديري عليها خليها راهي حابة تعاود استوار درتها من قبل هادي هيا

وي باين عليها ماهيش جديدة والله اعلم