اراءكم عن زيجات الجيش الشعبي الوطني

[الفرحة معكم]

اخوتي الكرام جزاكم الله الف خير على المرور الجميل

[sonic20]

يا اخي في العسكر الداب راكب مولاه

كل شيء ممنوع و كل شيء مسموح

بالنسبة لل sousoff و الجنود الحياة صعبة
mais les offs ساهلة
بالنسبة للاغلبية

[sonic20]

+ ادعي ربي ما يكونش من لا سيكيريتي و ما تفيقيش بيه

[مراد12345]

أغلب نساء المتزوجين من أفراد من الجيش يخونهم

[الزيتون]

بصراحة لن ازوج اختي او ابنتي بعسكري وان كان من الرتب العليا
لعدة اسباب
والله اعلم

[soso sirin]

المشاركة الأصلية كتبت بواسطة مراد12345

أغلب نساء المتزوجين من أفراد من الجيش يخونهم

من الخائن النساء ام الرجال.الخيانة في وقتنا عادت مودا حتى و ان كانت المراة تعيش مع الرجل 24 ساعة البعد سبب تافه فقط.ربي يجيب الخير

[soso sirin]

الزواج بعسكري صعيبة بزاف سوغتو اذا كان بعيد معنتها لازم الوحدا تخمم اذا تقدر للمعيشة هاذي و لا لالا و العسكري وقتو ماشي ليه .راسو دايمن يخدم و يكونو مقلقين بزاف و لازم المراة تكون صبورة باه تقدر لمعيشتهم .

[حياة نور الدين]

اهلا انا من زوجات العسكريين زوجي في الصحراء يجي للدار كل شهرين او اكثر حتى 3 اشهر ويبقى 14 يوم ويروح عندما ولدت بنتي بقى 21 يوم باش شافها وزيد انا في وهران وهو في تمنراست ودارنا في البليدة والله غير صعيبة في بعض الاحيان نمرض ونتمنى واحد يعطيني كاس ماء ولا يغطيني كي نكون محمومة ولا بنتي مسكينة نبقى بالايام باش دير التلقيح وبزاااااااااف حزايج اكن الحمد الله زوجي يحبني هو واهله وهدا الشيئ اللي مصبرني

[سجل أنا جزائري]

صعيبة بزاف الزواج بعسطري لازم تضحي المرأة أكثر و لازم تكون مستعدة لتحمل بعد زوجها

انا كذلك أديت الخدمة الوطنية و شفت كيفاه عايشين مزيرية كاين حتى اللي عندو زوج ولاد و مازال عايش كيما السيلبتار يشزفها مرة في كل 45 يوم نشفى مرة واحد ضابط يحكينا مسكينا نهار العرس تاعو محبوش يعطولو برمسيو ولا زرطة و كي رجع عاقبوه !!!

[sahouma87]

شكرا لكل من ابدى رايه في هدا الموضوع...لدي تساؤل هل هده الاشياء التي ذكرت تنطبق على الزواج من دركي او هناك اختلاف؟
جزاكم الله كل خير

[أنوثة شرقية]

المشاركة الأصلية كتبت بواسطة sahouma87

شكرا لكل من ابدى رايه في هدا الموضوع...لدي تساؤل هل هده الاشياء التي ذكرت تنطبق على الزواج من دركي او هناك اختلاف؟
جزاكم الله كل خير

لا اختي يختلف الموضوع فالعسكري اذا كانت رتبته بسيطة لا يمكن اخذ زوجته معه والسكن في مكان عمله .اما الدركي عندهم سكن وظيفي وخصوصا اذا كانت رتبته عالية يعني ظابط وفوق والحمدلله هم احسن من الجيش بكثير انا من عائلة الدركيين ههههه وعايشة مع زوجي من اول ماتزوجنا وامورنا ميسرة والحمدلله رب العالمين. ربي يدوم نعمو علينا وعلى الكل يارب

[الفرحة معكم]

شكرا جزيلا على تفاعلكم

[iman mana]

السلام عليكم و رحمة الله و بركاته
سرتني كثيرا المشاركة في هذا الموضوع
خطيبي خدام في الجيش و الحقيقة الحياة معاه مانتصورش راح تكون صعيبة بالدرجة لي متخيلها البعض المهم تكون المرأة متفهمة لطبيعة عمل زوجها و الباقي راح يكون ساهل
خطيبي موظف في الجيش يعني طبيعة عملو ادارية اكثر يعني يخدم على 8 و يخرج على 4 تاع العشية و عندو عطلة اسبوعية بلا ما نحسبو البارميسيون و الكونجي
و الحمد لله

[sahouma87]

المشاركة الأصلية كتبت بواسطة أنوثة شرقية

لا اختي يختلف الموضوع فالعسكري اذا كانت رتبته بسيطة لا يمكن اخذ زوجته معه والسكن في مكان عمله .اما الدركي عندهم سكن وظيفي وخصوصا اذا كانت رتبته عالية يعني ظابط وفوق والحمدلله هم احسن من الجيش بكثير انا من عائلة الدركيين ههههه وعايشة مع زوجي من اول ماتزوجنا وامورنا ميسرة والحمدلله رب العالمين. ربي يدوم نعمو علينا وعلى الكل يارب

شكرا أختي بارك الله فيك ربي يدوم الهنا والمحبة ...
جزاك الله كل خير

[zima2012zima]

بارك الله فيكم