مريم هنا - الصفحة 2

~~مريم تعود~~ · 2012-09-06, 23:21

اقتباس:

المشاركة الأصلية كتبت بواسطة عآشقة غزه

انا خسرت ماما الله يرحمها واعتبرها اكبر خسارة فارقتها لا وداع
احزن حين اودع شخصا و انتظر لحظات فاجد نفسي اقول ومافائدة الوداع اذا لم اودع امي
مااصعب ان تبكي لفراق شخص تعلم مسبقا انه لن يعود يارب اجعل امي من سيدات الجنة و ادخلها الفردوس يارب

السلام عليكم اختي
والله مهما نقولك الكلام قليل لانو هذي الأم ربي يصبرك وإدعيلها بالرحمة وربي يلاقيك بها فالجنة يا رب إن شاء الله
اكيد كل شي يتعوض إلا من ماتو انا ايضا فقدت ابي وخطيبي وصديقتي وزينب هنا فالمنتدى جربت ونحس بيك مع أنو فقدان الام الأصعب
ربي يكون معاك موفقة

symsem22 · 2012-09-06, 23:25

انا خسرت أمي لي كانت كل شيء في حياتي أمي عاشت حياة صعيبة من اجلنا كي كبرت اوحكمت الخدمة قلت نعوض ميمتي لكنها رحلت رحلت بلا عودة، وانا دائما أحس بالالم بالوحدة لانها كانت ام وأب ورحيلها خلى فراغ كبير في حياتي ،اللهم ارحم امي واغفر لها وارحم جميع موتى المسلمين

~~مريم تعود~~ · 2012-09-07, 00:04

اقتباس:

المشاركة الأصلية كتبت بواسطة symsem22

انا خسرت أمي لي كانت كل شيء في حياتي أمي عاشت حياة صعيبة من اجلنا كي كبرت اوحكمت الخدمة قلت نعوض ميمتي لكنها رحلت رحلت بلا عودة، وانا دائما أحس بالالم بالوحدة لانها كانت ام وأب ورحيلها خلى فراغ كبير في حياتي ،اللهم ارحم امي واغفر لها وارحم جميع موتى المسلمين

السلام عليكم اختي
يا اختي والله حطيتي يدك على الجرح حالتك نفس حالتي الفرق امي حية ربي يخليهالي وراني نحوس نعوضلها وخايفة يفوت الوقت لأانو انا مريضة وما لقيت حتى طريقة نعوضلها خيرها
ربي يرحم امك وفي جنات النعيم وربي راح يجازيها على تعبها معاكم كوني اكيدة

مسلم سني · 2012-09-07, 00:15

اقتباس:

المشاركة الأصلية كتبت بواسطة عآشقة غزه

وهل حاولوا ان يحضروا لك اما ثانية

السلام عليكم
لا أكيد
لكن هذا عوضني فقدانها
أختي الصبر هو الحل الوحيد
وهذا الفرق بيننا وبين الكفار
الذين قلة إيمانهم تجعلهم يفكرون في الحل بسرعة وهو
الانتحار
ولو أننا بتنا نراه عندنا
فقداني لأمي سيظل جرحا ينزف بداخلي
إلى أن ألقاها لكن الله رحيم بعباده
وتأكدي كل ما يصيبنا فيه خير لنا
ولنفكر أنها عند من هو أرحم مني ومنك ومن الجميع
رحم الله أمي وأمك وكل موتى المسلمين يارب
احترماتي

عميروش الحر · 2012-09-07, 00:28

انا ربما الخسارات الشخصية والمادية لا تأثر فيا كثيرا او ربما لم اخسر كثير
ولكن خسرت نظرة التفاؤل بالمجتمع تاعنا و خسرت الثقة فيه
ولكن في نفس الوقت كسبت ايمان كبير بالله و ثقة عظيمة فيه

سنابل مجروحة · 2012-09-07, 07:15

فلنخسر ما نخسر
المهم لا نخسر اخرتنا

هكذا علمتني زينب

~~مريم تعود~~ · 2012-09-07, 09:56

اقتباس:

المشاركة الأصلية كتبت بواسطة عميروش الحر

انا ربما الخسارات الشخصية والمادية لا تأثر فيا كثيرا او ربما لم اخسر كثير
ولكن خسرت نظرة التفاؤل بالمجتمع تاعنا و خسرت الثقة فيه
ولكن في نفس الوقت كسبت ايمان كبير بالله و ثقة عظيمة فيه

السلام عليكم اخي بارك الله فيك
والله يا اخي فالحقيقة لما تلوم نلوم المسؤولين اللي وصلو البلاد إلى ما هي عليه واللي كان السبب في إعواجاج حال الناس ولكن كيما قلت المهم الإنسام يحط ثقتو فالله هذي هي الصح بارك الله فيك وشكرا

~~مريم تعود~~ · 2012-09-07, 09:57

اقتباس:

المشاركة الأصلية كتبت بواسطة سنابل مجروحة

فلنخسر ما نخسر
المهم لا نخسر اخرتنا

هكذا علمتني زينب

السلام عليكم اختي سنابل كيف الحال والعائلة الكريمة أتمنى ان يكون الوالد بخير
رحم الله زينب وأسكنها فسيح جناته فكلامها كله درر
رحمها الله في جانت النعيم والخلد بارك الله فيك

اريج16 · 2012-09-07, 09:59

انا بالنسبة لي المال ميسواش عندي والو صراحة يهمني الناس لي نحبهم ويحبوني من اهلي واليا وصديقاتي لما يكونو هم جنبي اكيد منحتاج لاي شيء لكن ذا خسرت احد منهم هنا نكون صح خسرت شئ ثمين وغالي على قلبي

~~مريم تعود~~ · 2012-09-07, 10:11

اقتباس:

المشاركة الأصلية كتبت بواسطة اريج16

انا بالنسبة لي المال ميسواش عندي والو صراحة يهمني الناس لي نحبهم ويحبوني من اهلي واليا وصديقاتي لما يكونو هم جنبي اكيد منحتاج لاي شيء لكن ذا خسرت احد منهم هنا نكون صح خسرت شئ ثمين وغالي على قلبي

السلام عليكم بارك الله فيك اختي اريج نفس تفكيري والله المال ما يهم انا تغيضني بزاف نخسر ناس نحبهم وإن شاء الله ما نخسر حتى واحد مثلك إنت غالية عندي بارك الله فيك

Lydia istanboul · 2012-09-07, 10:42

سلام مريم،كيف حالك؟؟؟ و اذا منيش غالطة في العنوان و الخبر حبيت نبارك لك عالخطبة و ربي يسعدك و يهنيك....عن نفسي خسرت اشياء كثيرة في هذه الدنيا،بل و اشخاص كثر أعزهم على قلبي أختي العزيزة فطوم رحمها الله....خسرت احترامي للبشر من وراء ما ارى في الواقع من الظلم...خسرت طموحي باكمال دراستي بالخارج و العمل هناك....و هناك شي خسرته و آلمني كثيرا....خسرت نظرتي السامية لمجاهدينا و صرت اشكك في امور ثورتنا بعد اكتشافي ان معظم من يقول اليوم انه جاهد و يحكمنا تحت هذا الاسم ماهو الا حركي...قد يبدو اني خرجت قليل عن الموضوع لمن و الله هي خسارة كبيرة لما يتحول الابطال في عينك الى....تحياتي

~~مريم تعود~~ · 2012-09-07, 11:06

اقتباس:

المشاركة الأصلية كتبت بواسطة lydia istanboul

سلام مريم،كيف حالك؟؟؟ و اذا منيش غالطة في العنوان و الخبر حبيت نبارك لك عالخطبة و ربي يسعدك و يهنيك....عن نفسي خسرت اشياء كثيرة في هذه الدنيا،بل و اشخاص كثر أعزهم على قلبي أختي العزيزة فطوم رحمها الله....خسرت احترامي للبشر من وراء ما ارى في الواقع من الظلم...خسرت طموحي باكمال دراستي بالخارج و العمل هناك....و هناك شي خسرته و آلمني كثيرا....خسرت نظرتي السامية لمجاهدينا و صرت اشكك في امور ثورتنا بعد اكتشافي ان معظم من يقول اليوم انه جاهد و يحكمنا تحت هذا الاسم ماهو الا حركي...قد يبدو اني خرجت قليل عن الموضوع لمن و الله هي خسارة كبيرة لما يتحول الابطال في عينك الى....تحياتي

السلام عليكم اختي ليديا
والله الحمد لله كيف حالك شكرا لك لكن فصخت خطوبتي قبل يومين
معليش اختي مهما خسرنا المهم نكسبنا انفسنا امام الله واما أنفسنا في حد ذاتها الواحد منا لما يرقد فالليل وضميرو مرتاح الدنيا وما فيها والمجاهدين نقولك الصح المجاهد الحقيقي ما يقعدش قاع العام يحكي ويخرط واللي جاهد جاهد في سبيل الله ما يظلش يهدؤ ويهدر يستنى الجزاء وماكانش اللس شاف كان صح كان مجاهد كان حركي انا والله جدي الله يرحمو والد امي تحكينا امي كيفاه كانو يعذبوه الفرنسيين وكيفاه جارنا كان حركي يبيع عليه الجيش الفرنسي تخل الحركي خدم اوراق ورجع مجاهد وجدي الله يرحمو والو لكن الكل هنا يعرفوه كلن يروح للجبل ويساعد المجاهيدن وجزاءه عند الله كبيري خاطرك اختي انا والله خسرت اموركثيرة ماتو ناس دمرت حياتي بعدهم راحت صحتي مستقبلي ضاع لا قراية لا خدمة لا والو لا حياة ونهار تخطبت قلت ربي بعثلي راجل يعوضني خاني وحبست كل شي والوالدة مريضة وانا ثاني ورانيم خليتها على ربي
بارك الله فيك اختي ربي فيه الخير ويوفقك إن شاء الله

Lydia istanboul · 2012-09-07, 11:23

يا عمري ما تزعفي ما تحزني بالعكس ربي حبك و ابتلاك ليرى صبرك و من حبو ليك دائما يوريلك الاشخاص على حقيقتهم...يا ليليا قريت موضوع الانفصال و تاثرت اكن وليت نحمد ربي لي فقتي بيه...تخيلي لوكان زعما درتي العرس و وووو في الاخير يولي يضربك كيما راه يضرب في هادي الفا....و يولي يقنط فيك بالنسا و يروح صبرك الي فات عالفاضي...صدقيني ان احزن على وحدتي خير من ان اعض اناملي ندما عن رفيق درب خائن ...يجي النهار و تبراي و تعوضيًيماك و تتزوجي سيد سيدو.....مكاش لي عاش سعيد ابد الدهر و كذا الحرن مكاش لي حياتو كامل الم....

امينة 1991 · 2012-09-07, 13:13

السلام عليكم
اهلا اختي مريم , توحشتك بزاف وتوحشت كل اعضاء منتدى الجلفة خاصة قسم المجتمع , سأعود فيما بعد لاقول لكي ماذا خسرت في حياتي لانني مشغولة حاليا انتظريني

اسعى لرضى الله · 2012-09-07, 13:25

والله يا اختي خسرت 2 عباد عزاز عليا امنيتي يجمعني بيهم ربي في جنة الفردوس الاعلى

خسرت حوايج دنيوية بصح الحمد لله كانو الايجابيات تاعهم كثر من السلبيات من بين الايجابيات اني نرضى بواش كتبلي ربي ومش كما نبغا تجي ديما وتعلمت اهم حاجة هي الثقة في ربي سبحانو والعباد يقدرو يخليوك مي ربي مستحيل يخليك , قدر الله لي ان اصبت بمرض نفسي والحمد لله كان سبة اني نرجع للصلاة ونتحجب
والحمد لله شفيت وكي شفيت عرفت علاه ربي بلاني بيه .
خسرت بزاف حوايج صدقيني بصح المهم انو مخسرتش ديني وقيمي والحمد لله