شوف اخي الطريقة التي افضلها:
1-أسأل اذا كانت مرتبطة او لا (يعني شرعي او لا بلا مانفسر) قالك راهي حرة 2:
دير enquete عليها و على اهلها و كيما دار خطيب اختي سال الصغير قبل الكبير قلك راهي بنت اصل3:
ابعث واحدة تثق فيها تقدمك و تسألها اذا كانت ترغب في الزواج (بالاك عندها مشروع اخر في راسها), قالت المخلوقة نعم 4:
تكلم مع الفتاة تحدث عن كل شيئ (لقاء عمل): وين رايحين تسكنو, اذاناوي دير دار وحدك و لا لالا, اذا كنت راضي بعملها و لا لالا, اذا كان عندك تحفضات على لباسهاو هيئتها بصفة عامة, اذا كانت تبقل بمدخولك اذا كان ضئيل... يعني تتفاهموا و هي ثاني قلها تقول كلش ماشي غدوة تغضب على حاجة متفاهمين عليها اذا تفاهمتو5:
توجه للدار و اخطبها و هنا تبدء فترة المعرفة الحقيقية, صراحة انا مانحبش الهاتف بزاف و لكن في حدود لانك لما تتكلم مع شخص في الامور العادية راح تتعرف عليه بلا مايدري لانك راح تعرف رد فعلو الطبيعي في الحياة اليومية بلا تزيين اذا كان كلش عادي نقولو كلش مبروك و اذا كاين اشياء ترفضها في زوجتك المستقبلية (مثال: منافقة, كذابة,طماعة..) ابتعد قليلا راح تفهم بلي كاين حاجة او انك ماشي راضي على حاجة و اذا قالتلك واش كاين لا يوجد افضل من الصراحة و قولها جملة واحدة: يابنت الناس رانا نعرفو بعضانا منذ فترة و صراحة كلش مكتوب و ربي يرزقك بزوج افضل مني و انا نلقى الي تساعدني (هذا اذا ماقلتهاش هي) و ضرك خير من غدوة.
راح تبكي و يمكن يكون اهل خير يحبو يصلحو ما بينكم , اذا كان قرارك عن قناعة فالحق ما يزعل حد و هذي حياة خاصة للمرأء و فسخ العقد افضل من اسم مطلقة.
( تقرير عن مشاركة سيئة )، و الموجودة أسفل كل مشاركة .
2012-09-05, 17:55
العرض العادي
