ما ذنبهم؟

[Dj BoBo]

[soha1987]

المشاركة الأصلية كتبت بواسطة مسلم سني

السلام عليكم
نظرة المجتمع السلبية هي التي تزيد الأمور تفاقما في عوض أن تقضي على المشكل تزيد في انتشاره
أبدا لا ولن أنظر لهؤلاء نظرة احتقار حاشا لله ليس ذنبهم إن وجدوا هكذا والمهم من كل هذا أن يكون الواحد على قدر كبير من الأخلاق فهنا لأن الإيمان بالله وبقضائه وبقدره يساعد كثيرا هؤلاء على تجاوز المشكل ولو قليلا خاصة تحمل كلام الناس ونظرتهم السلبية
وهناك الكثير ممن تزوج وهو في مثل هاته الحالة مجهول النسب ونجحوا كثيرا في حياتهم
ولو كانت الأسر تشجع على الزواج بهؤلاء لما تفاقم المشكل لكن وللأسف نبقى دائما تحت رحمة كلام الناس
كان الله في عونهم
شكرا لك على الموضوع
احترماتي

نعم اخي نحن تحت رحمة المجتمع الذي لايرحم هذه الفئة ذكورا واناثا وان كان الضرر على الذكور اقل فان الاناث هن الاكثر تضررا ويعانين كثيرا شكرا على مرورك

[soha1987]

المشاركة الأصلية كتبت بواسطة kacem84

السلام عليكم
قال تعالى:
"فإلم تعلموا آباءهم فإخوانكم في الدِّين ومواليكم"

شكرا على مرورك اخي

[soha1987]

المشاركة الأصلية كتبت بواسطة مريم الصابرة

السلام عليكم اختي والله صدقيني فكرت نكتب موضوع كموضوعك سيقتيني معليش
المهم اختي صدقيني وبلاما نحلف انا نشوفهم عاديين بزاف وعلى العكس يغيضوني بزاف علاه على جال نظرة الناس اللي ما ترحمش ولو انا يتقدملي شخص مثلهم والمهم يكون راجل ويخاف ربي ويحميني اكيد ما نترددش بالقبول لأنو الشرط فالزواج الدين والخلق وليس النسب ويبقى رأي الشخصي ونعرف عوائل هنا وشبب تزوجو من بنات ماكانش اهلهم وعادي هن احسن البنات تربية وخلق المهم إن شاء الله الظاهرة هذي تروح ما تزيدش تولد ضحايا ابرياء شكرا على الموضوع

مريومة شكرا على المشاركة القيمة وانا كتبت الموضوع لخطراه شفتني بنت تقرا عندي فليكور سقسيتها على لقبها قالتلي قتلها انت بنت فلان قاتلي لالا ومن بعد زملائها قعدو يضحكو ويتمتمو لثم فهمت وقلت في قلبي هادو صغار وهاكا يجرحو مالا لكبار واش يديرو وبدبت نخمم قلت البنت هادي كي تكبر وكي يجيو يخطبوها كيفاه تصرالها وقررت ونطرح الموضوع والله هاذ الفئة محقورة بزاف والمجتمع الجزائري قاسي وان شاء تروح هاد الظاهرة كيما قلتي

[فتاة الدعوة]

اااااااااااااااااااااااااااااااااااااااااااااااااا اااه اخت موضوع حساس وصعب وجواب قليل انا من نظري يكون ابن او البنت متربيين ولهم اخلاق شريفة ويكونو ملتزمين وربي يفرج على كل ابن وبنت

[soha1987]

المشاركة الأصلية كتبت بواسطة الواثق

يبقى الفرق بيننا بالتقوى ..........فمن اتقى الله فهو عند الله من الفائزين ...............والصبر على الابتلاء من الايمان بل المؤمن مبتلى...............اما الزواج فنصيحة الرسول صلى الله عليه وسلم فأضفر بذات الدين تربت يداك ..........فان توفر فيها هذا فهي زوجة صالحة باذن الله أحب من احب وكره من كره ...............والله اعلم

شكرا على مرورك

[soha1987]

المشاركة الأصلية كتبت بواسطة soso sirin

الصح والله غير يغيضوني لانو تحملو خطئ ماشي تاعهم و المشكل مجتمع مايرحمش و حتا و كون يروحو يحوسو على ماليهم الاكثرية مايقبلوهمش لانهم ماضي و نقطة سوداء.متعاطفة معاهم ايه كون نقدر نعاونهم نعاونهم كون نتصاحب مع وحدا منهم عادي مي باه نقبل براجل والله هاذي ماعلابالي بيها و حتا كون انا نقبل العايلة راح ترفض مي ممكن اذا كان الشخص ماشاء الله و هو الشخص الي حاساتو نقدر نكمل معاه ممكن نقبل مي علابالي بلي ماشي ساهلة لانو المشكل ماشي غير في ماليا برك راه في ولادي منبعد الناس واش يقولولهم و علابالي بلي رايحين يتعذبو في حياتهم شوية ماشي ساهلة

هاد الفئة محقورة بزاف اختي سوسو فهاد المجتمع الظالم والولد لازمتلو مراة تقبل بيه كيما راه باه مايحس بالنقص والبنت مسكينة هي المتضررة نهار توصل سن الزواج وواحد مايقبل بيها كيفاه حالتها راح تكون حنا لازم نصححو النظرة نتاعنا ليهم و نقيموهم بتربيتهم واخلاقهم لابالنسب نتاعهم ولولاد كي يربيوهم والديهم تربية صالحة محال يخرجو ماش متربين هاد الفئة يعانيو نفسيا بزاف وكان واحد الشاب مسكين نهار عرف الوالدين لي رباوه خاطين والديه فلس صبح مدمن مخدرات لانو هدرة المجتمع قاساتو بزاف هاد المجتمع هو السبب ربي يكون في عونهم وشكرا على مرورك سوسو

[soha1987]

المشاركة الأصلية كتبت بواسطة morad81

و الله مبدئيا و بدون مثالية ....واش نقولك أمر صعيب خاصة في مجتمعنا واش نقول الله يجيب السترة لهذوا مساكين لأنهم ليسوا أصاحب الذنب و لكن هم من يدفع ثمنه.

صح الامر صعيب بزاف سواءا كان رجل ولا امراةالمهم ربي يكون في عونهم لانهم مظلومين والذنب ليس ذنبهم علاه نحملوهم ذنبا ليس ذنبهم ونظرة المجتمع ليهم خلاتهم مهمشين لا حق لهم ربي يرفع عليهم الغين لي راهم عايشيون وشكرا على مرورك اخي مراد

[soha1987]

المشاركة الأصلية كتبت بواسطة full mystery

مشكل مستعصي العلاج
حقيقة هم أشخاص عاديين لا ذنب لهم
لكن الخوف من الارتباط بهم ربما لا يرجع بالضرورة لمشكلة النسب لكن ربما خوفا من اكتسابهم لصفات الابوين او خوفا من السلوكات الصادرة منهم كونهم ناقمين على الحياة

هادي لي راني نهدر عليها حنا مالازمش نشوفو لهاد الفئة من النسب وفقط لا لازم نشوفو لتربية والاخلاق نتاعو سواء كان بنت ولاولد وهاد الولد كون لقا راو كيما صحابو عندو امو وابوه بصح ربي كتبو هاك يعيش حياتو وحنا مانزيدوش عليه لانو الذنب ماش ذنبهم وكون نعاملوهم كيما ينبغي ماش راح يكونو ناقمين على الحياة لازم نصححو نظرتنا اليهم لانهم لهم الحق في الحياة مثلنا اليسو بشر وشكرا على مرور ك اختي

[soha1987]

المشاركة الأصلية كتبت بواسطة دادا22

السلام عليكم
جرأة وشجاعة واحساس بالاخر ان تثيري موضوعا مثل هذا
يا سيدتي ان المفاهيم مقلوبة قي الجزائر ساوضح
اللقيط هو تعريف لمن التقط من الشارع او من ليس له اب وام
ولكن اللقيط صنفان
صنف له اب وام غير مصرح بهما لظروف عائلية ودينية وثقافية
ويسمى اللقيط الفسيولوجي غالبا ما يربــى عند الغير
والصنف الثاني وهو السلبي وهو اللقيط الاجتماعي
وهو شخص له اب وام ولكن متروك لتربية الشارع ولا يتدخلان في تربيته
ويسمى في السوسيولوجيا اللقيط الاجتماعي
وما اكثرهم في شوارعنا من لا يرعى فينا الا ولا ذمة
من يسب في الطريق ولا يحترم كبيرا ولا صغيرا من يتعدى على الحرمات جهارا نهارا
لذلك اول ما يجب ان نعرفه هو اصناف اللقطاء
شكرا على موضوعك الجريء

معك الحق اخي وشكرا على تدخلك لكن لم تبدي وجهة نظرك ؟