مدرسة سيدي بلعباس للمشاة - الصفحة 2

babylon · 2012-09-02, 12:29

انا فوت فيها في شتاء 2010 وقعدت mentien حتى كملت الخدمة الوطنية
هي صح شوية ميزيرية فلماكلة و حقل الرمي بصح تخرجك ظابط كيما ضباط شرشال وين تروح يستعرفو بيك و تصبح راجل بأتم معنى الكلمة ماشي كيما الادارة العسكرية و الطيران aspirant الجندي كيف كيف

imi19 · 2012-09-02, 14:26

في الحقيقة هي واااااعرة بزااف و بااااردة و ميزيرية في الشتاء و مع القائد" الجيلالي ريح" واعر يا لخاوة ...و المشي 9 كلم في الصباح مع الشتا و البرد راكم تعرفوا.. المهم ربي يكون في العون انا بعثوني تما لكن بربي نشاالله منيش رايح

babylon · 2012-09-02, 15:15

والله الجيلالي ريح ما هو لا واعر لا والو انا كنت في مصلحة المستخدمين عمرو ولا لحق واحد الميزيرية كي راح المهني اللي كان يدافع على الطلبة

hanilove · 2012-09-02, 16:00

جاية خارج بلعباس في منطقة تلاغ

boualem salmi · 2012-09-02, 16:06

الاخ babylon م دام انت فوت في شتاء2010 رانا فوتنا مع بعض بالصح ما نغلطو على بعضنا ما والو ياك كنا دايينها غير سكيفاج والعياط وطني وطني غالي الثمن اظن لم تنسه اكا بخصوص المهني و الريح ياك احناي في دفعتنا دينا 3 بارميسيون والا نسيت المهم كل شيء يفوت

kurai · 2012-09-02, 16:59

مدرسة إطارات المشاة موجودة بطريق معسكر أو خارج بلعباس بتلاغ ؟

bako01 · 2012-09-02, 17:41

يا خاوتي انا جاتني فيها في 22 ورايح الناس لي فوتتها قدامي في هذي الكزيرنة بالذات واش غلاني عليهم رانا قع في الهواء سوا الواحد لازم يتعلم في هذي الدنيا و راهي 18 شهر وراجع الواحد لدارهم اذا كتب ربي بالصحة والهناء بتجربة ان شاء الله تفيدني في السيفيل و ان شاء الله تكون فادتكم انتم و ان شاء الله تكوني خرجتو منها بالصحة والهنا اما حكاية الميزيرة والبرد كل شيء يفوت الانسان لازم يتعلم الصبر و و ماينساش بلي ربي يفرج المهم انتم رجال لي فوتوها قبلنا و احنا الرجال لي نفوتوها بعدكم ماتنساوش تدعولنا برك هذا ما نحوسو عليه كل شيء يفوت وتبقى الايامات الزينة ربي معانا و شكرا لكل من علق على هذا الموضوع . انتهى

fouad_bio1985 · 2012-09-02, 18:43

يا جماعة الي مكتبلوا ربي يخرج و الي مكتبلو ربي يفوت ....و الي مكتبلو ربي يموت ......و...و...و. المهم لازم نديروا حل . أنا بربي ان شاء الله نروح و الي كتبها ربي مرحبا بيها و الي فوتو قبلنا ميش خير منا و الي ماعقبش بصحتو..... و هاذي هي الدنيا و ربي هو الي يسير فيها ......اما قضية الميزيرية ..و تمشي 9 كلم ؟ يا جماعة راكم رجال الله يبارك ..و علاه تخافوا من حوايج كيما هاذوا؟؟ و كما قال المولى عز و جل(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) (الطور: 48)

salah_2 · 2012-09-02, 19:24

ربي يكون في العون انا احتمال 75 بالمئة نروح
ربي تقدرنا

sami21ski12 · 2012-09-05, 21:45

هل يوجد احد من ولاية سكيكدة ماشى في 22

طالع هابط · 2012-09-06, 19:16

هل لي قرا صحافة من الشرق يبعثوه للمشاء هاذي ؟؟