انا نقول مازلتي صغيرة خلي عام فكري فيه مليح
الزواج مش ساهل يا الزينة
انا كنت في عمرك و الله 18 سنة خممت في الزواج من واحد عرفتو مدة شهر و من بعد قتلوا خليلي عام نخمم مليح و جبدت روحي عليه
لكن الان احمد الله اني لم ارتبط به
لو ارتبطت به لما حققت اتفه احلامي
كي تتزوجي رح تجيبي ولاد و حتى كان يكون هاذ السيد متفتح و يخليك تقراي و تخدمي مش رح تقدري تحققي اي حلم من احلامك
على خاطر وراك مسؤوليات و ما يوليش عندك وقت تخممي حتي فيهم
هذا اذا كانت عندك اهداف كبيرة و احلام كثيرة
و هذه حالتي انا
اما اذا كنت تريدين اكمال الدراسة و العمل بشكل عادي و ليست عندك احلام تحتاج وقتا و تفرغا فعيطيلوا يخطبك و ربي يجيب الخير
و انا نقول راكي غير خالعة روحك بهاذ الهدرة تاع دارنا ما يمدونيش كي عدت صغيرة خليه يمد عليك كلمة و منا ل 2 ولا 3 سنين و اتزوجوا
و ربي يجيب الخير و ربي يهنيك
ما تراعيش لكلامنا ياسر على خاطر كل واحد فينا يحكي من وجهة نظروا ومن تجاربو الخاصة و ممكن الحل اللي يقولوهولك يايق ف حالاتهم مش ف حالتك
و حابة نقلك حاجة اخرى نورمالمو هاذ الموضوع ما تحطيهش في قسم مشكلتي لأنو مش مشكلة اساسا و ربي يبعد عليك المشاكل خيتي
لقيتي واحد يحبك و ناويك للحلال و واجد ما تقوليش مشكلة بلاك راكي محيرة شوية برك و انا نقول اذا ماماك متفهمة ياسر احكيلها
( تقرير عن مشاركة سيئة )، و الموجودة أسفل كل مشاركة .
2012-08-21, 18:27
العرض العادي
