الى الرجل,, لك كيف تتزوج - الصفحة 2

arbodar · 2012-08-15, 09:30

اقتباس:

المشاركة الأصلية كتبت بواسطة omardz

راك روطار خويا
أنا بنت جامي شفتها جامي نبعثلها دارنا هاذي ديرها في بالاك
وانت كما نديرو راك بعث لافامي وعجبتهم من بعد جيت انت تشوفها ما عجبتكش ؟ كيفاش يكون ردك؟ جاوب اذا قدرت
صحيح لي يتعب رايحة تطفر فيه سيرتو مع وقتنا هذا
المهم شكرا على الموضوع

هي في الحقيقة الخطبة تحتمل القبول او الرفض
و لاتتم الا بعد ان يرى العريسين بعضهما البعض و يكون رضى و قبول لذا كاين شيء اسمو النظرة الشرعية
و هو بالموضوع ذكر"اذا عجباتك و عجبتها وتفاهمتو على شروطكما خير البر عاجله"
احنا لي اصبح عندنا الناس تعتبر ان الخطبة لا بد انو فيها قبول يعني الناس صارت تعتبر اذا فاتت طرقت باب بيت للخطبة يعني يلزم يقع زواج بينما الخطبة تحتمل الرفض او القبول

ماجدة ميمي1 · 2012-08-15, 13:49

الزواج بالمكتوب هادا امر لا جدل فيه
ولكن كي يكون هناك من تسبب في تعطيلك هادي هي لي تغيض
كاين ناس مابغوش يتهداو حطمو احلام الكثير من الشابات والشباب باعمالهم الشيطانية
وهدا الكلام اقوله عن تجربة شخصية
ربي وكيلهم على كل حال
اتمنى من كل من قرأ ردي هذا انو يدعي ويوكل ربي على لي حطملي حياتي وحياة خواتاتي وكل من عاش مثل قصتي
السلام عليكم
حسبي الله ونعم الوكيل حسبي الله ونعم الوكيل حسبي الله ونعم الوكيل

امين التيارتي · 2012-08-15, 16:08

rabbi ywefa9 eljamiiiiii3 lel khiiiiir

sarl02 · 2012-08-15, 19:04

اقتباس:

المشاركة الأصلية كتبت بواسطة allmaza

والله ننصحكم هدوك لي تزوجو بالغراميات من قبل مايثقش فيها زوجها من بعد يبقى يشك فيها
انا الحمدلله تزوجت زواج من اول مرة شافني بعث خطبوني وتعرفنا على بعض في فترة الخطوبة
والحمد لله بيناتنا ثقة كبيرة واحترام متبادل

والله كاين دي كوبل اتزوجو بعد قصة حب طويلة ..وراهم عايشين في سعادة ما شاء الله وتفاهم وثقة كبيرين واسعد بكثير من ناس اتزوجو زواج تقليدي .

amokrane_malik · 2012-08-15, 20:58

اقتباس:

المشاركة الأصلية كتبت بواسطة omardz

راك روطار خويا
أنا بنت جامي شفتها جامي نبعثلها دارنا هاذي ديرها في بالاك
وانت كما نديرو راك بعث لافامي وعجبتهم من بعد جيت انت تشوفها ما عجبتكش ؟ كيفاش يكون ردك؟ جاوب اذا قدرت
صحيح لي يتعب رايحة تطفر فيه سيرتو مع وقتنا هذا
المهم شكرا على الموضوع

خويا لعزيز نروحو وحدة وحدة

أي طفلة مهما كانت فهناك احتمال أنها ما تعجبكش
كي تعرف رجل العايلة تاعها مليح ,, سمعة أخلاق ثقافة فان الاحتمال سينقص
كي تبعث داركم (فهم يعرفون جل ما تريد) وتعجبهم فان الاحتمال يزيد ينقص
كي تخطبها تتعرف عليها تقطع الشك باليقين

أما ان كنت تتبع بنات الناس برا باش تشوف اذا عجبوك,, أين حياءك من الله وغض البصر وعلى فكرة هذا من مداخل الشيطان,, تشوف باش تعجبك باش تتزوج
أما أن تكون تعمل معك أو تدرسان معا فالمظاهر خداعة
أما أن تدرسا عقلية بعضكما فهذا الذي يحدث قبل الزواج ماهو الا تمثيل و زوخ وفوخ وكذب و نفاق

وقبل أي خطوة تخطوها فكر مليح اذا تقبلها لأختك
وخمم في بنات الفاميليا اللي مازالهم دايرين النية والثقة في ولاد الفاميليا

وشكون اللي قالك اذا خطبت تزوجت,, كلشي بالمكتوب

ونعطيك رايي برك,, الجمال بعينه ما عندو حتى فايدة للي يحوس على لهنى والسعادة والكرامة
وشوف من حولك واتذكر أيام الدراسة,, شطون هم الضحاب اللي كنت تثيق فيهم, هل كنت تختار اللي عينيه زروقا والا كانو عندك معايير أخرى؟؟

amokrane_malik · 2012-08-15, 21:01

أعتذر
"شكون هم الصحاب" بدلا مما كتبت سابقا

أشكركم جميعا على التفاعل

إيمان احمد · 2012-08-15, 21:27

اقتباس:

المشاركة الأصلية كتبت بواسطة allmaza

والله ننصحكم هدوك لي تزوجو بالغراميات من قبل مايثقش فيها زوجها من بعد يبقى يشك فيها
انا الحمدلله تزوجت زواج من اول مرة شافني بعث خطبوني وتعرفنا على بعض في فترة الخطوبة
والحمد لله بيناتنا ثقة كبيرة واحترام متبادل

ماكاش منها انا اعرفت زوجي و الحمد الله عايشة في الغربة و عندو ثقة عمياااء فيا عادي لانو ماشي معقد

faty05 · 2012-08-15, 22:44

وش نقولك يا اختي
مادام ان اغلبهم يرغب في التعرف قبل الزواج و التكلم و الخروج و الكلام المعسول
فسيمضون عمرهم في التعارف و ستختلط عليهم الاختيارات
المهم
مشكورة علي الموضوع
و طريق الحلال رآه بااين فقط يحبون الطرق الصعبة

YARMORACEN · 2012-08-15, 23:18

اقتباس:

المشاركة الأصلية كتبت بواسطة arbodar

النفاق او التمثيل اذا راح يكون فراح يكون بعد ولا قبل خطوبة يعني لي ماشي صادق و يمثل فلن يختلف الامر معه سواء قبل او اثناء الخطوبة
روح شوف شحال من حالة طلاق بين ناس كانو لسنين على علاقة كيما راك تقول و لكن كل هذا شي و الزواج و العشرة شيء فهي من تجعلك تعرف الشخص حقا و من بعد تسقسيهم كيفاش يقولوك ضرك باش عرفته على حقيقته ولا يقولك تبدل
...الخ
و الخطوبة ليست زواج بل وعد بزواج و قد تفسخ في اي وقت يعني هي فترة جعلها ربي باش كل طرف يخمم مليح قبل لا يتخذ خطوة الزواج
و الطيبون للطيبات واحد يحاول يصلح نفسه و يعفها و يكون مليح و ان شاء الله يلاقيه بمثل ذلك و لي شاف وحدة و عجباتو ينويها للحلال و يطرق البيوت من ابوابها بعد السؤال
والشخص لي شايف روحه مزااااله بعيد بزاف على الزواج و مزال مش قادر عليه و واجدله
هذا افضل له يهني روحو و الا راح يوجع راسو برك
الوقت صعاب و الفتن كثرت
و الله يهدينا على كل حال و يرزقنا من حلاله فيغننا به عن حرامه و يقوينا على الفتن

ممكن تعطييني نسبة الطلاق ، للناس لتزوجت عن الحب و طلقت ، و الناس لي تزوجت بطريقة التقليدية و طلقت ؟ و المصدر لي لي عتمدت عليه

MIWAKE · 2012-08-15, 23:27

والله كاين دي كوبل اتزوجو بعد قصة حب طويلة ..وراهم عايشين في سعادة ما شاء الله وتفاهم وثقة كبيرين واسعد بكثير من ناس اتزوجو زواج تقليدي .

اتفق معك ومن يقول ان الزواج التقليدي هو الذي ينجح فقط فهم غير واقعييين تماما

salwa2527 · 2012-08-16, 00:34

لازم تقفزي على روحك أختي الوقت راهو ماشي في صالخكم و الطفلة تخطب نورمال راني في وقت كل شيء مباخ

amokrane_malik · 2012-08-16, 21:13

اقتباس:

المشاركة الأصلية كتبت بواسطة miwake

والله كاين دي كوبل اتزوجو بعد قصة حب طويلة ..وراهم عايشين في سعادة ما شاء الله وتفاهم وثقة كبيرين واسعد بكثير من ناس اتزوجو زواج تقليدي .

اتفق معك ومن يقول ان الزواج التقليدي هو الذي ينجح فقط فهم غير واقعييين تماما

عندك كل الحق... هناك الكثير من الزيجات الناجحة بعد تعارف وصداقة لمدة طويلة... هذا لا ينكره عاقل فأربعة أخماس العالم يتزوج بتلك الطريقة لكن المشكل أن هذه الطريقة ما تخرجش علينا ففيها الكثير من المحاذير و المخالفات الشرعية

فحتى تصل للاعتراف بالحب و التأكد منه و تعزيزه فيجب عليك المرور بعدة مراحل منها

الاختلاط : فقد تختلط بألف باش تعجيك وحدة (ما تقوليش الأولى اللي تعرفها تحبها)
المحادثات الطويلة في الأمور الخاصة وراني متأكد أنو ماشي الأولى اللي تهدر معاها هاذيك هي
الخلوة بينكما وبدون معرفة ولي الطفلة
اللقاءات المتكررة والخرجات في الأماكن العامة

أليس من الممكن في كل مما سبق من المراحل أن تتسلل الذئاب البشرية وتلقى غرضها؟
هل يعجبنا كمسلمين منظر الشوارع المملوءة بلي كوبل الغير متزوجين؟
أهذا ما نريد أن نعلمه لأطفالنا؟
أنرضا هذه المراحل على الأقل لأخواتنا بغض النظر لبنات المسلمين؟
أترضى أن تتزوج بمن جربت قبلك مئة رجل؟

يوجد ألف طريقة للزواج وأنا من رأيي أننا نختار الطريقة التي تتوافق و ديننا وتقاليدنا
وصدقني أخي بنات المسلمين قاع كيف كيف وحنا برك اللي نطلعو لحسابات بزاف
ومحسوب لوكان يكتبلك ربي وحدة طالحة راح تصيب وين تهرب

شوف ربي ومكتوبو.. سيدنا نوح مرتو كافرة وفرعون مرتو مومنة

amokrane_malik · 2012-08-16, 21:21

اقتباس:

المشاركة الأصلية كتبت بواسطة salwa2527

لازم تقفزي على روحك أختي الوقت راهو ماشي في صالخكم و الطفلة تخطب نورمال راني في وقت كل شيء مباخ

عندي زوج ملاحظات لو سمحتي

1, اللي يقفز الطيحة تاعو واعرة.. اللي يمشي بلعقل خير.. يقدر مايلحقش أو ايطيح هو ثاني لكن الاحتمال أقل والطيحة أخف ويكون الواحد قدم الأسباب

2. ماشي كلش كلش مباح في الاسلام الحلال والحرام و يقعدو هكذاك الى يوم القيامة

j-med · 2012-08-16, 22:54

نشوف راجل مليح و نخطب بنتو ؟؟؟؟

راه رايح يزوج بيه ؟؟؟؟؟؟

amokrane_malik · 2012-08-16, 23:00

اقتباس:

المشاركة الأصلية كتبت بواسطة j-med

نشوف راجل مليح و نخطب بنتو ؟؟؟؟

راه رايح يزوج بيه ؟؟؟؟؟؟

ياك هو اللي مربيها؟؟؟؟؟