ربى يهدى المجتمع الجزائر

[mohamed160]

المشاركة الأصلية كتبت بواسطة mounia 85

الصراحة انا ما قدرتش نامن الاولاد .....بانولي معمرينهم على خاطر يجاوبو بطريقة مريبة يعني على قد السؤال ويعاودو نفس هدرة امهم و تاني الام ماحبتش تعقب على كلام الاب كي كان يقولها احلفي على المصحف كانت تدير روحا ما تسمعوش هدرلها شحال من مرة ....واش يمنعها زعمى باه ترد عليه و تقولو نحلف وهات المصحف مادامها صافية وماكذبتش ........ماقدرتش نامنهم ...ماشي امنت باباهم..لالا بصح الام وخاصة الاولاد بانولي فيهم اللوش والله اعلم و ربي يغفرلي الا راني غالطة

سلام عليكم صح فطورك الحقيقه يعلمها الى الله

[SABI 43]

ربي يسترنا أمين يارب
شي لي حابة نقولهولك أنك يا أخي الكريم مازالك ماشفت والوا سي لي راهوا صاري في بلادنا أو كتر من هك هاذي أي والوا
ربي يغفرلنا

[محمد...عبد النور]

السلام عليكم أخي محمد160
يعني هذه النهار بالخصوص عميت عليها المصائب الا هذه و زيد يقول العلماء يحرم نشر مثل هذه الاخبار في الناس لان بعض مرضى القلوب يتم تلقينه من مثل هذه الحصص و البرامج و كما يقول المصريون --و احنا مش نأصين كلام فاضي --
و مثل هذا الامر أبناء سيدنا يعقوب حين ارادوا ان يأخذوا سيدنا يوسف معهم لرعي العنم ، قال لهم ابوهم --اني اخاف ان يأكله الذئب --و ممكن هم كانوا لا يعرفون حجة مثل هذه فلما رجعوا اتخذوا قول ابيهم قصة و رووها
فهنا سيدنا يعقوب دون قصد لقن ابناءه حجتهم
و كذلك هذه البرامج تعطي لمرضى القلوب الدافع لفعل المكبوتات في قلوبهم
و ضف لذلك ، الا ترى في جريدة النهار انها ملأى بالاعتداءات بالسيوف و السكاكين فاصبح الامر عادي في الناس بالضرب بالسيوف و السكاكين لان هذه الاخبار تزيد في ردم الاخلاق و تسهيل الامور على ضعاف النفوس و نحن الافضل ان لا نقرأها و لا نتابعها فهي تربي القنوط و روح النتقام و تشيع الفاحشة في المجتمع
ربي يهدينا و يصلح احوالنا و يعرفنا وش نديروا
شكرا لك أخي محمد و جزيت الجنة
ســـــــــــــــــــــــــــــــــلام

[مزالنا واقفين]

السلام عليكم ورحمة الله


هذو القصص يصراو كاين لي حابس بنته لسنوات و كي كرهت وشكات بيه عتارف عادي وكاين وكاين
بلاك هذا لي حكيتينا عليك كان مضلوم من اجل مصالح ما و ممكن ايضا يكون مجرم


الوقت ولا صعيب و صعيب بزاف و عيف

[مزالنا واقفين]

المشاركة الأصلية كتبت بواسطة جسر الأمل

ماعليش تقولنا علاه؟؟؟
انا بانتلي في وقتنا هدا رانا نعرفو كل شي وقادرين نميزو
وصحاا فطوووووووووووركم

لا سمحيلي ختي الصح ينقال لوكان يورو لمليح و البيح تكون عندك نوعا ما نضرة كلية بصح يكونو كي ذباب يبحث غير على الخبيت عرفي بلي راهم ينقلولك السلبي فالسلبي و الرأي تاعك ينساق للهدف تاعهم
مكانش دولة في العالم ما عندهاش مشاكل و مشاكل كبار و عندهم فساد كبير بصح يعرفو كي ديرو كاموفلو و ضللو الرأي العام

اذا حنا عندنا اللصوص بالنصوص هوما عندهم لصوص بالنصوص مغطسة في لاسوس

[عُضو مُحترم]

المشاركة الأصلية كتبت بواسطة جسر الأمل

ماعليش تقولنا علاه؟؟؟
انا بانتلي في وقتنا هدا رانا نعرفو كل شي وقادرين نميزو
وصحاا فطوووووووووووركم

ما شكيتش يا بنتي

بلي تعرفي كل شيء

و تميزي الخطأ من الصواب

لان الخطأ يتم تسويقه في الإعلام على انه الصواب

[karimblida]

يا رب استرنا
مواصيع من من هاد النوع أظن المحاكم يعالجوهم في جلسة سرية
التلفزيون لا يبث البرامج الا في اطار تحقيق أهداف سياسة ما
مادا بيهم لي يعرفو كل شيء يفيقونا
هادوك الدراري ماعندهومش محيط؟؟؟؟؟؟؟؟؟؟؟؟؟؟؟

[soso sirin]

انا الصح تاع ربي المواضيع الي كيما هاذو و من هذا النوع اصلا نايفيتيها واحد ماخاصوش تكسار الراس و لا قلبي يضرني منهم و زيد انا انسانة موسوسة نظل نطلع و نهبط و حوايج كيما هاذو الواحد اذا فات فيهم يولي يشك في الناس كامل و الواحد اذا مامنش في دارهم فيمن راح يامن زاد الواحد يخاف من ولادو و بناتو من الزنقة اما اذا الواحد ولى في الدار و هو خايف هاذي معيشة هاذي .و كيما قال لذريق مرات شي حوايج والله مايكونو باينين مي لما يديروهم في التيليفيزيو يولو يبانو عادي و يزيدو ينتشرو كثر و راك تشوف الافلام التركية واش دارت فينا ماشي حتا كون تسمع بحالات في الجزاير.قصص كيما هاذو و الله يضروني في قلبي امالا الواحد مانقولوش مايهدرش عليهم مي انا وحدا من الناس مانبغيش حتا نسمع بيهم لانو يخلو دماغ واحد يخمم في حوايج مكانش منها

[لحن الفرح]

السلام عليكم
رأيت الحصة ربي يهدي ماخلق الوحيد المتضرر هم الاولاد البنات والطفل الصغير تبقى لهم بصمة في حياتهم مدى الحياة .

[mohamed160]

المشاركة الأصلية كتبت بواسطة لحن الفرح

السلام عليكم
رأيت الحصة ربي يهدي ماخلق الوحيد المتضرر هم الاولاد البنات والطفل الصغير تبقى لهم بصمة في حياتهم مدى الحياة .

سلام عليكم صح المتضرر هم الاولاد

[ترنيمة الأمل]

ايه

أختي تفرجتلها و قاتلي على هاذ القصة في النهار


ربي يسترنا فوق الأرض وتحت الأرض ويوم العرض ان شااااااء الله

الواحد ماعاد عرف الغالط من الي عندو حق

المهم ربي ينتقم ممن أخطأ ولم يتب

وربي يصبر الضحايا أيا كان المعتدي

[mohamed160]

المشاركة الأصلية كتبت بواسطة ترنيمة الأمل

ايه

أختي تفرجتلها و قاتلي على هاذ القصة في النهار


ربي يسترنا فوق الأرض وتحت الأرض ويوم العرض ان شااااااء الله

الواحد ماعاد عرف الغالط من الي عندو حق

المهم ربي ينتقم ممن أخطأ ولم يتب

وربي يصبر الضحايا أيا كان المعتدي

سلام عليكم صح الاخت لحقن لوقت ما تعرف شكون لى يقول الحق

[آلاء النايلية]

أصلا قناة النهار مكانش منها تاع تشعال النار و الفستي برك
نكرررهههههاااااااااااااااا هاذ القناة
تجيب في وحد الاخبار مش عارفة كيفاه هاذ القناو برك لي تفوقلهم

[قضــــــــــــ وقدر ـــــــــــاء]

السلام عليكم
الصراحة أنا غي شفت الإعلان عن الحصة ومتى تذاع والموضوع وجعني راسي
وما شفتهاش صح هي من الواقع لكن لم أرد مشاهدتها
وهكذا أحسن
الله يهدينا وثبتنا على الهداية
شكرا لك أخي محمد

[لؤلؤة الفردوس]

لا حول ولا قوة الا بالله ربي يهديهم و يبعد علينا أمثالهم