ارشدوني يا اصحاب الخبرة في الحياة - الصفحة 2

**نعم أطيعك ياربي** · 2012-07-17, 17:01

اختي انا تزوجت وانا نقرا وكان بقالي عام ونتخرج والان ما نجحتش في زواجي والحمد لله ما لقيت غير قرايتي هي مستقبلي وانتي افهمي بين السطور

manal89 · 2012-07-17, 18:20

انت بداي قرايتك وكي يجي اللي يخطبك ثم خمي وش ديري.انا وحدة من الناس اللي كملت قرايتس وعندي الليسانس كلاسيك.وكان عندي الزهر ودخلت ماستر وراني نخدم لكن ندمت اللي ضيعت فرص نتع زواج وفهمت بلي مهما درت انا بنت الصح نكون مع راجلي يستري في هاذ الوقت ونتمنى اذا دخلتي الجامعة تتكيفي بسرعة وما تتاثريش بالمغريات كيما نبغي نسميها

~~ أغيلاس ~~ · 2012-07-17, 19:45

كي يزيد سموه بوزيد،،،،،، كي يزداد سميوه بغداد،،،،،،، يضاربو المعزة و هي فالسوق ههه .

أكملي دراسك الجامعية و دعي عنك مثل هذه الأفكار، و لما يتقدم لخطبتك أول خاطب حينها اطرحي مثل هذه الأسئلة، و أيضا يمكنك التوفيق بين الدراسة الجامعية و الزواج ( إن كان التخصص أدبيا ) و أحيانا فترة الخطوبة تطول و ما أن يكون الخاطب مستعدا للزواج تكونين قد تخرجت، و أيضا بعض الرجال يفضلون الزواج من جامعيات، و عليه قد يتقدم لك خاطب و يشترط عليك إكمال الدراسة، و هناك من يشترط التوقف عن الدراسة، يعني كل الاحتمالات واردة، لا تزعجي نفسك من الآن، اهتمي بدراستك الجامعية و اسعَيْ لتكوني من الأوائل في الدفعة، و لمَ لا الأولى في الدفعة .

omamani · 2012-07-17, 19:57

الدراسة او الشهادة هي حصن وقيمة للمراة الراجل اللي يدي مراة متخرجة يعرف بلي مش رايحة تستحل الذل يديرلها قيمة حتلى تكون لها فرصة في الزوج ذو المستوى الثقافي العالي و كذا يعطيك اكمال الدراسة ثقة والزواج يجي في وقتو و الشهادة هي مؤخر الزواج اللي تشديه للزمان و كون تطيح بيك مش رايحة تلقاي لا خوتك ولا والديك انا اصوت بنعم للدراسة عن تجربة

salima14 · 2012-07-17, 20:10

أنا ننصحك أختي كملي قرايتك إيمالا علاش قريتي كامل باش تحبسي هنا
بداي تقراي وإذا خطبك واحد وكان ناس ملاح قولو نكمل قرايتي ومتشرطيش
الخدمة المهم نتي ادي دبلوم نتاعك ديريه تحتك إحتياط وخلي الراجل يخدم عليك
ربي يسهلك أمورك ويجيبلك اللي فيه الخير يارب

sarielle · 2012-07-17, 22:38

بالاكي تم بالاكي
تخلي قرايتك
راح تندمي عليها طووووول حياتك
نعرف ناس بزاااف من العايلة و الجيران
ندمو عليها و الدوك مازالهم يتحسرو
مع انو عندهم ولادهم ف سن الزواج
اما بالنسبة للزواج
ف ادا شتي روحك قادرة على تحمل المسؤوليتين ف go ahead
اما ادا شتي روحك ماتقدريش توفقي بين الاتنين ننصحك تصبري حتى تكملي قرايتك لتم ربي يعمل التاويل ان شاء الله

دكتورة بإذن الله · 2012-07-17, 22:53

يا اختي انت تحصلتي على البكالوريا و مازال لم يتقدم لك اي شخص و قاعدا تعمري في راسك

بالزواج مع انه لم تقولي خطبك فلان او هنالك شخص يريدك

بالمصدر الصريح انت تمشكلين في نفسك قبل الوقت

كلشي بوقتو حلو ..سجلي في تخصص امليح و اقراي و حطي راسك بقرايتك

و استمري و انتظري قطار الزواج لياتي و في نفس الوقت و ما تبقايش مكتفا يديك ..

و كي يجيك راجل امليح ثما راكي تقرري و زيديلها مكتوب ربي هو لي يتحكم فيك

و كاين لي راهم متزوجين و يقراو في الجامعه و يخدمو معلمات و استاذات ومتهليا في دارها و انت هاذي حرتي فيها ؟!!

فقط مسألة تنظيم وقت و تحمل المسؤولية ..و اغلبهم تجدينهم متفوقين في العلامات و متفوقي الدفعة و ناجحين في الحياة الزوجية

لانهم يشغلون بالهم في المفيد ..