رايحة ننفجر من التخمام - الصفحة 2

سارة البوسعادية · 2012-07-13, 12:13

اقتباس:

المشاركة الأصلية كتبت بواسطة meriem hanin

يا سارة اختي دارهم ضيقة بزااف و زيد كيما قالت يماه ماراهيش حابة تخسر وليدها عليها تفضل يخرج من نهارو الاول
جزاك الله خيرا حبيبتي سارة

كي عشات دارهم ضيقة لدرجة يستحيل السكن فيها
اعينيه في المصاريف وساعفيه فهمتي
وربي يوسعها عليك

lidania · 2012-07-13, 12:20

يا اختي يماه عندها الحق راه راجل وماهيش مجبورة بيه انتي نفسك مابيكش حبيتيها لوكان جا لاحق شوية وعندو دراهم ماتقبليش تعيشي معاها امالا انتي تجنبي المشاكل لي راح يجيو و اشري راحة بالك بالدراهم و ماتعرفي ربي منين يرزقكم حاولي توقفي معاه و اتفهميه وما تزيريش عليه و تأكدي ربي راح يجمع بينكم بالحلال استخيري اختي و حاولي تتفهمي يماه و شوفي علااه هي تخمم هكذاك الله غالب ماكاش ام ماتحبش تفرح بوليدها و صفي قلبك عليها
وانشاء الله نفرحوبيك

meriem hanin · 2012-07-13, 12:29

[quote

يا اختي يماه عندها الحق راه راجل وماهيش مجبورة بيه انتي نفسك مابيكش حبيتيها لوكان جا لاحق شوية وعندو دراهم ماتقبليش تعيشي معاها امالا انتي تجنبي المشاكل لي راح يجيو و اشري راحة بالك بالدراهم و ماتعرفي ربي منين يرزقكم حاولي توقفي معاه و اتفهميه وما تزيريش عليه و تأكدي ربي راح يجمع بينكم بالحلال استخيري اختي و حاولي تتفهمي يماه و شوفي علااه هي تخمم هكذاك الله غالب ماكاش ام ماتحبش تفرح بوليدها و صفي قلبك عليها
وانشاء الله نفرحوبيك

][/quote]
شكرا ليك اختي اسعدني مروروك وجزاك الله خيرا

نسيم الإيمان · 2012-07-13, 12:58

ربي يفرج عليك حنونة
بصح الناس كل تكري ضرك
المهم انت ساعفيه و عاونيه اذا عاد صح انسان مليح
و ديري صلاة الاستخارة خير من كلش

Lydia istanboul · 2012-07-13, 13:07

نصيحتي توقفي مع راجلك و تعيشي معاه قيس جيبو حتى ربي يفرج....وبن العيب اذا كريتو؟ يا أختي رانا كامل راح نعيشو بالكرا و بطبيعة الحال نزيرو رواحنا في المصاريف الباقية لكن صدقيني المحبة و بركة الزواج تنطرح و يكفيكم كلش ان شاء الله و ندبرعليك..اكرو في منطقة شوي بعيدة على السونتر عادي باه يجي لكرا رخيص و نتي ما يهمكش المكان على قدر ما يهمك الشخص لي تقاسميه ذاك المكان...و تحية خاصة لعجوزتك يا ختي راهي هدية ليك من الله تلقاي لعجوزة فاهمة و تحب وليدها يعيش حياتو و عائلتو و تعرف بلي القرب يجيب المشاكل...ربي يسعدكم كامل

صاحبة السمو الفكري · 2012-07-13, 14:21

حياك الله اختي
شوفي انا نقلك على روحي
زوجي ايضا داارهم ضييقة ويستحيل نعيشو فيها
واحنا حاليا كاريين بنص الراتب
فتخيلي يبقى لنا النص الثاني فيه كلشي
اكل وشرب وكهربا ومصاريف البنت وامور اخرى
لكن الحمد لله رب العاااالمين والله عايشيين كيما الناس ماعندناش وماخصناااش
ودايما ماما تقولي: كون تباتي بلا عشا ولا فطور احمدي ربي اهم شي انو بابك مغلوق عليك وحد ماجاب خباارك.
اهم شي ان تتاكدي من اخلااقه ودينه ومكااش الرااجل الكاامل استعيني بالله واستخيري وبعدها حاولي اقناع اهلك ان كان هذا سبب الرفض الوحيد

ايمان فلاور · 2012-07-13, 14:54

هذي مثل مشكلتي ولكن في الاخير وجدت راي الاهل هو الاصح ......خاصة وانا لست من النوع الدي يتحمل هذا يرجع ليك انتي اذا كنت قادرة على التحمل او لا وكل وحدة وكيفاه

الدنيا · 2012-07-13, 16:24

يقولو ما يحس بالجمرة غير اللي كواتو اختي والله غير راني حسيت بيك و اصبري برك الله يمهل ولا يهمل

فرد من عمار الأرض · 2012-07-13, 16:39

حنونة اذا كان المشكل في الدراهم برك وماشي معترضين على حاجة أخرى أنا نقول توكلي على ربي..ماكاش لي مات من الجوع كيما يقولو..بشوية ربي يرزقكم من عندو..مي المهم تكوني متأكدة أنو راجل تاع الصح ويستاهل توقفي معاه..يعني متدين أو بالأحرى ملتزم ..صالح ..متخلق..اذا كان هكذا والمشكل مشكل دراهم فقققققققط والله نحكم فيه بسنيا ونوقف معاه ونصبر حتى ربي يفرج علينا ودوام الحال من المحال ....بإذن الله ربي يفرج عليكم وتشوفو أيامات مليحة حنونة......وزيدي نحكيلك عن تجربة انا جدة قالت لخوالي لي راح يتزوج يدير التاويل ويدي مرتو ويتهنى..جدة تحب خوالي والله وحتى نسا خوالي مي تفاديا للمشاكل حابة تهني راسها.....وكاين آلاف الامهات يقولو هكذا على جال الضيق...ربي يفرج همك ويرزق راجلك من مال لحلال ويسعدك دنيا و آخرة
اعذريني على التأخر في الرد هذا وين شفت الموضوع

تالا تسنيم · 2012-07-13, 16:59

مرحبا أختي........... ربي يهنيك........... و يفرحك ديما .............. شوفي حنونة هذا مكتوب الله ربي كاتبه لينا كل واحد و كيفاه غادي يقابل هذه الدنيا و ياسعد الانسان كي تلقي واحد متربي ومتدين و على خلق تكملي معاه حياتك على خاطرش اذا حبك راهي غادي يكرمك و اذا كرهك ما غاديش يظلمك............. هذا هو الصح الأمور الأخرى هاذي لازم نخليوها على ربي سبحانه لأنه هو الرزاق.............

شوفي نحكيلك قصة شقيقي ............. صدقيني ملي تخرج من الجامعة مدة 10 سنوات و هو بطال .......... صحابو كامل خدمو .......... تزوجو.......... ونهار الي ربي كتب المكتوب و لقا بنت الحلال وقفت معاه......... صدقيني تقدم ليها و هو شومار يعني ما بيدو والو دورو ماشي في جيبه........... قالت له المهم اذا نيتك صافية تقدم لي .......... علابالك ماما ماحبتش تروح تخطب قاتلك كيفاه نقابل أهلها.......... المهم سيف علينا و رحنا............ كي رحنا نخطبو شا نقول لك على هاذيك النظرات نتاع ماماها و جداتها و خالتها و حتى عمتها .......... نظرة نتاع.... راكم مراض جايين تخطبو بنتنا خدامة و تحضر في الماجيستار لوليدكم الشومار............. الي جامي خدم.......... و مع أمي عارفة العقلية نتاع دركة قالت ليهم اذا ربي كتب المكتوب بيناتهم رانا نسكنو في
f3
و ماذابيا يدبرو على
ريصانهم من البداية....

يعني........ كيما قالت أم الأخ الي حاب يتقدم لك نيشان ..... يعني من ناحية لتفادي المشاكل من البداية أغلب الأمهات يفكرو هاكة في هذا الوقت
................
المهم طولوا واحد 2 شهرين باش وافقو أهلها و بطبيعة الحال كي شافو بنتهم حابة أخي
يعني حبيت نقول لك زعم والديك هما برك ماشي حابين لك تميزري كيما قلتي من حبهم ليك برك
..........
المهم ربي سخر ليهم و تزوجو
و كراو عادي
من بعد العرس واحد 3 اشهر خويا عيطوله على الخدمة في الصحراء
شوفي ربي كي يفتح بيبانه
و دركة راهو عندهم وليد ما شاء الله
و شراو قطعة أرض هو ومرتو راهم يبنو فيها دوقة دوقة

و ربي ما فيه غير الخير...
.........................

علا بالي الحبيبة طولت عليك بصح حبيتك تفهمي هاذي مكاتيب الله و الرزق بيده
...............

اذا راك شايفاته يستاهل تعيشي معاه أيام شوية صعيبة

ما تراطيهش
وربي يزين سعدك و ينور طريقك و يفرحك و يهنيك

و تنساي قاع شا فات عليك

..............
بربي نسمعو منك أخبار زينة...

يا الزينة شكرا على الثقة و بارك الله فيكي
تهلاي في روحك

ربي هو المعين

سنوم 33 · 2012-07-13, 17:01

اقتباس:

المشاركة الأصلية كتبت بواسطة djazia94

انا نقولك واش اديري
و صدقيني رايحة تربحي
اليوم باش تلقاي راجل مدين و متخلق ماشي ساهل وخصوصا ادا كانو يحبو بعضاهم
شحال من وحدة راحت مع واحد فقير و مبعد ولاو لاباس عليهم
وربي فرج عليهم صح صعيبة شويا بصح اعتبريها من باب الابتلاء
و ديري في بالك بلي دوام الحال من المحال
و مستحيييل تلقاي انسان كامل لان الكمال لله وحده
ياتلقايه عندو المال و معندوش الهنا يا العكس
المال يجي و يروح بصح الدين والخلق ماتشريهمش بمال الدنيا
ما تعرفي بالاك كي تتزوجو يماه تغيظها حالتو تبدل رايها
وحتى ادا ما بدلتش رايها اصبري وعيشي قد جيب راجلك واقتنعي بواش اعطاك ربي
وزيد راجلك راومحتاجك في هاد الوقت بالدات
امك ضدو امه ضدوا مسكين تزيدي تروحيلو نتي كاش يحس روحو
روحي يا اختي واحملي شويا و اللي خلق ما يضيع
هدا رايي الشخصي فقط و الله اعلم

راكي كفيتي و فيتي
اختي مريم اقنعيهم غير بالعقل
ولكان فيه خير ربي يقربو ليك ولكان فيه الشر ربي يبعدو عليك

Rose19 · 2012-07-13, 17:03

اختي قولي لاهلك: خيرا لنا ان نستأجر بيت قبل زواجنا من أن نضطر لذلك و لكن بعد ضهور المشاكل و تعكر العلاقات (هذا ما فعلته اختي و علاقتها جيدة جدا مع عائلة زوجها).
أما لمتى و نحن نستأجر فقولي: حالي كحال الكثير و انشاء الله يفرج ربي المهم نكون هانية
و لي فيه الخير يديرو ربي

ريحانتي · 2012-07-13, 17:44

صلي استخارة

meriem hanin · 2012-07-13, 18:15

جزاكم الله خيرا جميعكن و الله قرات الردود لاكثر من مرة و حسيت الي كاين ناس حاسين بيا
ربي يجازيكم خير ان شاء الله و يرزقكم الفردوس الاعلى ياااااااارب
احبكم فالله

رمرومة الصحراء · 2012-07-13, 18:45

أختي ننصحك بحاجة واحدة صلاة الاستخارة يوميا وادا قدرتي 3 خطرات في اليوم واللي فيها الخير ربي قدمو واللي فيها الشر ربي بعدو وا قري دايما سورة يس تيسر الامور
يا اختي في الزمن اللي رانا نعيشوا فيه صعيب بالزاف و مجتمعنا فسد المهم في الراجل رايو صالح و يخدم مسكين هداك جهدو و ان شاء الله يكون وجهك وجه خير عليه و مشكل الكراء عاد نورمال كامل راهم كاريين
وما تنسايش تخبرينا على اخبارك و رانا ندعولك