السلام عليكم والله في أمر التجنيد لازم تسقسي مليح وتهدرو مع ناس مفوتة من قبل وكل واحد واش يخرج عليه .
الشرط الوحيد يا جماعة تكون ماتخمم حتى على حاجة . كي تgاجي لازم تنسى العائلة والأعياد والأفراح وحوايج بزاف
دارو مسابقة في مديرية الصناعات العسكرية للشعب الاعلام الألي والكيمياء والميكانيك و الكهرباء مهندسي دولة طبعا
دارو بالترتيب تاع المعدل كل تخصص وحدو ومن بعد فوتونا للأطباء 9 أطباء يا لطيف عليهم الحمد لله كنت من الناجحين
نفوتو 9 أشهر ومن بعد يوتنو - ملازم أول 2نجوم
في حين عدد كبير مافاتش . ومن بعد دارونا رياضة .. من حوالي 80 واحد فاتو غير
30 لا معريفة لا والو شفافية تامة . كاين اللي عرفتهم من منتدى الجلفة وتلاقينا في العاصة ورحنا مع بعض واتقبلنا في 2 . تستاهل . تدخل . ومن بعد زادو اتاصلو بآخرين اللي عندهم عمر 24 سنة لنقص عدد الناجحين مقارنة بالطلب .حنا اللي نجحنا أداونا الى أكاديمية شرشال بعبان رمضان للضباط
يديروا فيها التكوين المشترك . الأغلبية فيهم تاع البكالوريا والقليل الجامعيين اللي مدايريين تكوين خاص في شتى المجالات
كاين حتى الشرطة الدرك . الأمن العسكري الصناعات العسكرية لامارين ..... مخلطة كبير وصغير ...
واش لقيتهم يديروا ينوضوا على ال4 تاع الصباح يجتامعو في ساحة الكتيبة يغنيو ويغنيو الأناشيد الوطنية حتى لل 5 أو 5:30 من بعد نظافة عامة من بعد اجتماع في ساحة اللواء على 6:00 من بعد الفطور ومن بعد على ا8 يبدأ البرنامج اليومي مع قائد الفصيلة ومجموعة أساتذة حتى 12 الغذاء . على 13 أو 14:00 يبدا البرنامج المسائي حتى لل16:30 ومن بعد استراحة ومن بعد يعيطلك تجمع في ساحة الكتيبة تغني حت تكره ههههههههه. هذا كل باش يزيد في الوطنية فينا . وتزيد صح ياجماعة والله تزيد.تولي تنشد وحدك كي البوهالي هههههههههههه
في البرنامج تتعلم الطوبوغرافيا و الاشارة و ...... والرماية وتطلع للجبل ... تفوت حوالي 2 - 3 أشهر وتروح . والخروج ماكانش في المساء والله تشتاق الطريق ههههههه
انا واحد خرجت منها لضروف عائلية . لكن التجنيد ماشي صعيب وماشي ساهل . مع الأول بعد, الا كان شفت باللي ماخرجتش عليك ومورالمو ماكش مليح ماكان لاه تكمل . على خاطر كون تمضي العقد راه فات الحال . واللي عجباتو كيما ناس معايا قالولي راهي خارج علينا 100/100 ربي يكملو ويباركلو .
كل واحد وضروفو . لكن التجنيد مليح كي يكون عندك مستوى جامعي يعني تدخل بقراد مليح . أم جندي والفكرات مايروحلو غير اللي تقفلت عليه والله القاريطة تقتلو . هذي هدرة تاع كوموندو التم حكيت معاه . الجيش يحتاج القراد . أما الباقي يجرب الحماية أو الشرطة ..... ولازم كاين ناس تاع عسكر هاذي هي الدنيا
والله يا جماعة اللي بالمستوى الجامعي و ماعندوش أمور تشغلو يتوكل على ربي .
والعسكر مافيهاش يقدرولو غي الرجال وتاع تنسى الدين والصلاة والهدرة اللي ماتعني والو كيما يقول البعض . و الله ناس تلاقيتهم كاين اللي حافض 60 حزب . والله الفجر ماتراطيه تقدر تصلي في الوقت مي تهربلهم من التجمع ههههههههههه
والضحك من الصباح لليل أومبيونس ماصراش
أنا عجبتني مانكذبش عليكم عجبتني بزاف . وماندمتش كي خرجت بويسك لغاية أفضل منها ماش السوارد أو المنصب كلش في الدنيا كاين أشياء أولى
( تقرير عن مشاركة سيئة )، و الموجودة أسفل كل مشاركة .
2010-12-24, 21:19
boukhalfi.beidha@gmail.com
ضابط تكوين خاص
العرض العادي
