مرسى أول رئيس لمصر بعد الثوره - الصفحة 2

حميدي البشير · 2012-06-18, 14:05

الحمد لله من قبل و من بعد ...

{قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ}
آل عمران26

أبو الزهراء · 2012-06-18, 14:20

إن الاضطراب الحاصل داخل المجلس العسكري، في اتصاله بواشنطن، واصداره تعديلات متتالية وإضافات لمواد تضمنها الإعلان الدستوري المكمل، لهي خير دليل على أن محاولات التزوير والتدليس على المصريين وصلت إلى طريق مسدود، وأن الشعب المصري وفق في اختياره بما يرتضيه الدين الإسلامي وقيمه، وبما يخيف أعداء الله وأعداءنا.

باهي جمال · 2012-06-18, 14:23

قال تعالى

( ونريد أن نمن على الذين استضعفوا في الأرض ونجعلهم أئمة ونجعلهم الوارثين ( 5 ) ( ونمكن لهم في الأرض ونري فرعون وهامان وجنودهما منهم ما كانوا يحذرون ( 6 ) )

طارق العائد · 2012-06-18, 18:40

اقتباس:

المشاركة الأصلية كتبت بواسطة باهي جمال

قال تعالى

( ونريد أن نمن على الذين استضعفوا في الأرض ونجعلهم أئمة ونجعلهم الوارثين ( 5 ) ( ونمكن لهم في الأرض ونري فرعون وهامان وجنودهما منهم ما كانوا يحذرون ( 6 ) )

................ خير إستدلال .........

الأمير الصاعد · 2012-06-18, 14:27

نتقدم بالتهاني للفائز في الانتخابات الرئاسية المصرية

هذه هي الديمقراطية

مصريه جدا · 2012-06-18, 15:14

ربنا يجعله عند حسن ظن الناس بيه يارب العالمين
ويعدى الفتره الجايه على خير ياااااااارب
يااااااااااارب الخير لمصر ولشعبها وسئر بلاد المسلمين

الأمير الصاعد · 2012-06-18, 15:17

اقتباس:

المشاركة الأصلية كتبت بواسطة مصريه جدا

ربنا يجعله عند حسن ظن الناس بيه يارب العالمين
ويعدى الفتره الجايه على خير ياااااااارب
يااااااااااارب الخير لمصر ولشعبها وسئر بلاد المسلمين

ان شاء الله الخير و السلام و مزيد من الامن و الاستقرار للشعب المصري الطيب

مصريه جدا · 2012-06-18, 15:20

اقتباس:

المشاركة الأصلية كتبت بواسطة الأمير الصاعد

ان شاء الله الخير و السلام و مزيد من الامن و الاستقرار للشعب المصري الطيب

اللهم ءامين يارب العالمين
جزاك الله خيرا اخى الكريم
كدا احنا لسه فى بداية الطريق
وربنا يجعله عند حسن ظننا خصوصا ان كثير اختاروا مرسى كرها فى شفيق
فربنا معاه ويكون اد المسئوليه يارب العالمين

مصرية من الجزائر · 2012-06-18, 16:51

اقتباس:

المشاركة الأصلية كتبت بواسطة مصريه جدا

اللهم ءامين يارب العالمين
جزاك الله خيرا اخى الكريم
كدا احنا لسه فى بداية الطريق
وربنا يجعله عند حسن ظننا خصوصا ان كثير اختاروا مرسى كرها فى شفيق
فربنا معاه ويكون اد المسئوليه يارب العالمين

سارة أنت مش ناوية تغيري المحافظة يابنتي الإخوان هيمسكوا وخلاص

وابقي خديني معاك

مصريه جدا · 2012-06-18, 21:05

اقتباس:

المشاركة الأصلية كتبت بواسطة مصرية من الجزائر

سارة أنت مش ناوية تغيري المحافظة يابنتي الإخوان هيمسكوا وخلاص

وابقي خديني معاك

ههههههههه اغير المحافظه لاطبعا
يبنتى انا لو غيرت المحافظه هاخد المحله معايا اى محافظه تانيه هروحها
مش لازم حد فى مصر ينسى ان الثوره بدات من المحله
بس على فكره كدا كمان مرسى لازم يغير المحافظه لان اول الى باعوه المحافظه بتاعته
مفارقه غريبه انه يكون شرقاوى والشرقيه تدى لشفيق
هيا محافظات الدلتا كلها كدا ياياسمين محافظات الفلول
اصبحنا فلول رسمى يلا باه قدرنا
ههههههههههه

هانيباال · 2012-06-18, 17:30

اقتباس:

المشاركة الأصلية كتبت بواسطة مصريه جدا

اللهم ءامين يارب العالمين
جزاك الله خيرا اخى الكريم
كدا احنا لسه فى بداية الطريق
وربنا يجعله عند حسن ظننا خصوصا ان كثير اختاروا مرسى كرها فى شفيق
فربنا معاه ويكون اد المسئوليه يارب العالمين

وانا من الكثيرين اللي انتخبوا مرسي حبا وثقة فيه ..

قلتلك مليون مرة ومن قبل الاعادة مرسي حيفوز بالرئاسة وبردوا ما صدقتنيش وقلتيلي استبن وبيبوس ايد المرشد ومش عارف ايه . ..

وكنت واثق لان الاخوان منظمين ومخلصين وجادين امناء علي الوطن وبيشتغلوا صح

واطمني علي مصر و ما تخافيش منهم ولازم تعرفي ان معظم ما يروجه الاعلام عنهم اكاذيب وخرافات

الف مبروك يا سارة

سلام

مصريه جدا · 2012-06-18, 21:14

اقتباس:

المشاركة الأصلية كتبت بواسطة هانيباال

وانا من الكثيرين اللي انتخبوا مرسي حبا وثقة فيه ..
دا المتوقع طبعا لانك من الجماعه
قلتلك مليون مرة ومن قبل الاعادة مرسي حيفوز بالرئاسة وبردوا ما صدقتنيش وقلتيلي استبن وبيبوس ايد المرشد ومش عارف ايه . ..
ودى الحقيقه وواضح انك انت الوحيد الى مش مصدق ده بالرغم انه واضح جدا

وكنت واثق لان الاخوان منظمين ومخلصين وجادين امناء علي الوطن وبيشتغلوا صح

هههههههههههه لا من ناحية منظيمن هما منظمين جدا مشعارفه ليه مش بتعترفوا بالامر الواقع
نص الى اختاروا مرسى اختاروه مجبرين لانهم خيروا بين الثوره متمثله فى مرسى
والثوره المضاده متثمله فى شفيق
دا حتى حركة 6 ابريل الى مكنتش بتطيق الاخوان عصرت على فنسها ليمون عشان مرسى وتقولى حب وثقه
شوف يااحمد عشان نكون واضحين اوى الشعب المصرى اغلبه اجبر على مرسى لانه اصبح بين خيارين كلاهما مر ولو انتم فى الجماعه مش وصلكوا ده تبقوا الملعومات بتوصل متاخر اوى
اخترنا مرسى اه لكن لاستكمال الثوره فقط لاغير

واطمني علي مصر و ما تخافيش منهم ولازم تعرفي ان معظم ما يروجه الاعلام عنهم اكاذيب وخرافات
المشكله مش مشكلة اعلام لانى اساسا مش بصدق اى حد بيتكلم لازم اكون عايشت بعض المواقف ومن خل معرفتى ببعض الاخوان بجد محتاجين يتلعماو الادب شوتين
اخرهم فى الطابور امبارح انا كنت فى الطابور من 6 الى 9 ونص بالليل وربنا مايوريك باه 3 من الاخوان كانوا بيستفزونا بشتى الطرق دا كله بس عشان يعفوا انا هختار مين
ومقلكشى باه على الاسلوب الى كاناو بيتبعوه لولا مسكت نفسى بالعافيه كنت علمت ليهم محضر
اسلوبهم بجد وقح جدا وعلى فكره انا قلتها ليها صريحه اختيارنا لمرسى مش حبا فى مرسى لكن كرها فى شفيق
بخصوص مصر باه مين قالك انى خايفه على مصر انا عندى ثقه فى رب العالمين ان ربنا حامى مصر
واطمن كمان مهما كان الرئيس م هيقدر يكون زى الى قبله
لان الشعب مبقاش زى الشعب قبل سنه ونص
وبما انك مش عايش فى مصر فانت مش عارف
الف مبروك يا سارة
هههههههه مبروك عليك انت يااحمد
مرسى دلواتى باه رئيس لكل المصريين
ومعلش مش هقدر اقول لنفسى مبروك الا لما اشوف مرسى رئيس فعلا لكل المصريين
وعشان مكنشى ظامله ليه اننا مش طالبين منه اى شئ الفتره دى لاننا كدا بنكون ظلمناه
كل الى نطلبه انه مش يرجعنا للخف ويكون رئيس لكل المصريين

سلام

الله يسلمك يااحمد للاسف انا اخترت مرسى ههههههه

~~سوكا~~ · 2012-06-18, 22:29

اقتباس:

المشاركة الأصلية كتبت بواسطة هانيباال

وانا من الكثيرين اللي انتخبوا مرسي حبا وثقة فيه ..

قلتلك مليون مرة ومن قبل الاعادة مرسي حيفوز بالرئاسة وبردوا ما صدقتنيش وقلتيلي استبن وبيبوس ايد المرشد ومش عارف ايه . ..

وكنت واثق لان الاخوان منظمين ومخلصين وجادين امناء علي الوطن وبيشتغلوا صح

واطمني علي مصر و ما تخافيش منهم ولازم تعرفي ان معظم ما يروجه الاعلام عنهم اكاذيب وخرافات

الف مبروك يا سارة

سلام

لولا اصواتنا اقصد هنا انصار حمدين صباحي وابو الفتوح ما نجح مرسي ولو اعتمد علي اصوات الاخوان فقط لرسب بكل سهوله انتخبنا مرسي حتي نقضي علي اخر فلول العصر واملنا ان لا يخذلنا مرسي حتي لا يشمت فينا احد وتذكروا دائما
ايها الاخوان ان الوصول للقمه صعب ولكن الحفاظ عليها اصعب واصعب فلا داعي للتفاخر فمنصب رئيس الجمهوريه حمل كبير وثقيل جدا ليس فشخره ولا فنجره وعلي مرسي ان يثبت اولا للذين قالوا له لالالالالالالالالالالالالا انه جدير بهذا المنصب اما غير ذلك فسكون اسرع رئيس جمهوريه يخرج من قصر الرئاسه لان الشعب لن يسمح لأحد مهما كان ان يتكاسل في خدمته فعليكم توجيه الشكر لأنصار صباحي وابوالفتوح لان لولاهم بعد الله ما نجح مرسي اطلاقا

مصريه جدا · 2012-06-18, 15:22

قبطية تحتفل بمرسى فى الميدان

قبطية في التحرير تحتفل بفوز محمد مرسي

احتفلت مواطنة قبطية منذ صباح اليوم بميدان التحرير بفوز المرشح محمد مرسي مرشح جماعة الإخوان المسلمين وحزب الحرية والعدالة، وكانت تحمل المصحف الشريف في يدها الشمال وصورة مرسي في يدها اليمني.
وأكدت في تصريحات خاصة لـ"بوابة الوفد" أنها مواطنة مصرية، واصفة هذا اليوم بأنه عيد، مشيرة إلي أن الشعب المصري بدأ يحقق أهداف الثورة التي خرج من أجلها في ثورة الخامس والعشرين من يناير.
وأضافت أنه لاول مرة يختار المصريون رئيسهم بأنفسهم، رافضة ما يشاع عن أن الاقباط جميعاً اختاروا المرشح أحمد شفيق، موضحة أن نسبة الاقباط التي صوتت لصالح شفيق لم تتعد 20%.
وتابعت: "قائلة أنا قبطية وعمري ما انتخب شفيق لانه تسبب في موت شهداء ماسبيرو".

المتوكل على الله. · 2012-06-18, 15:37

بارك الله لاخواننا المصريين