♦○• "مُشاركتي في تحَدّيات و إبْـدآاع في رِحَآاب رَمَضَآان 彡•○♦[[ريتاج 09 ]]

[ريتاج 09]

رمضان كريم تقبل الله صيامكم وقيامكم

نبدأ على بركة الله

الطبق الرئيسي
رولي الدجاج باللحم المفروم مع صلصة بالفطر وبطاطا سوتي

نصف صدر دجاج مرحي - لحم مفروم - ارز مغلي -توايل - معدنوس

بطاطا - فطر - ثوم

نحضر الحشو اولا في مقلاة نقلي شوية لحم مرحي مع زيت ثم نضيف له ثوم مرحي وشوية طماطم معلبة ونقليها مليح ثم نمرق بقليل من الماء ونخليه يطيب على نار هادية حتى يختار ثم نضيف له الروز ونخليهحتى ينشف

نحيه من فوق النار ونضيف له شوية معدنوس والتوابل ( كمون فلفل اسود فلفل احمروكركم ) وشوية جبن مبشور ونخليه بجيه

ناخد الدجاج المرحي نضيف له ثوم معدنوس وتوابل نفسها لي فالحشو ونخلطه مليح

نجيب ساشي نبسط الدجاج على مستطيل نحط فوقو الحشو ونروليه ونغلقه مليح من الجوانب
انا خدمت بنصف صدر دجاج صغير تحصلت على ثلاث روليات
نخليه فالثلاجة يحكم روحو


امبعد دهنته بالبيض ورمدته فالخبز اليابس مرحي وقليته فالزيت على نار متوسطة حتى تحمر

نحضر الصوص حطيت شوية ثوم مرحي مع العظم اي نحيت من صدر الدجاج وشوية فلفل اكحل وقبيتهم مليح ومرقت وخليته حتى نشف شوية
في مقلة قليت الفطر وامبعد حطيت عليه الصوص لي حضرت وخليتها حتى طابت وختارت

البطاطا فورتها وامبعد دهنتها بالزبدة والتوابل وحمرتها فالكوشة

التقديم قطعت رولي الدجاج وقدمته مع الصوص والبطاطا وهدي هي النتيجة






التحلية
انا درت تحلية بدوقين فراز زمشمش
نعطيكم طريقة تحضيرها بالفراز وهي نفس المراحل تاع المشمس

اولا نحضر جنواز رقيقة كما البسكوي رولي

ناخد الفراز نطيبه مع شوية سكر وماء حتى يطيب مليح ونرحيه ويولي عبارة عن صوص


ناخد شونتي ونطلعه بعلبة ياوورث دوق فراز ولازم تجي كريمة ثقيلة
ناخد صوص الفراز نخلي شوية على جنب والباقي نضيفله جيلاتين مدوب في شوية ماء ثم نضيفه على كريمة الشونتيي ونخلط مليح

الان نجيب emporte pièce ونقط الجنواز ونحطها من تحت وامبعد نزيد فوقها الكريمة ونسويها مليح وندخلها الثلاجة حتى تبرد وتتماسك


نرجع لصوص الفراولة لي خلينا نضيفلها شوية جيلاتين مدوب في شوية ماء ونحطها فوقها ونعاود نرجعها للثلاجة حتى تبرد مليح وتتماسك


نحيوها من المول والتزيين زينتها بشكلاطة






بالتوفيق للجميع

ـالتّحدي الثّاني ـــ

ربي يتقبل صيامكم وقيامك
نبداو على بركة الله مع المقبلة والسلطة

المقبلة خبزة محشية على شكل زهرة
العجينة 2كيسان ونص فرينة- علبة ياوورث طبيعي- زوج مغارف كبار زيت- م ك سكر- م ص خميرة - م ص ليفير- ملح ونلمها بالحليب ونخليها تخمر

الحشور درت شكشوكة وزدتلها شوية جاج قعدلي من قبل وزيتون اسود وفرماج رابي

نقسم العجينة على ثلاثة ناخد جزاين ونخلي الثالث على جنب
نجيب سينية نحل فيها العجينة الاولي ونحط فوقها الحشو بهدي الطريقة

إضغط هنا لرؤية الصورة بحجمها الطبيعي.

نزيد نحل العجينة الثانية ونحطها من فوق ونضغط فالوسط ونثقبها بالفرشيطة ونزيد نضغط من الجوانب مليح باش ماتتحلش ونقطع الزوائد نتحصل عليها هكدا
إضغط هنا لرؤية الصورة بحجمها الطبيعي.

نجيب موس ونقطها الى 16 قسم ومانوصلش للوسط ونقلبها بالوحدة كما فالصورة

إضغط هنا لرؤية الصورة بحجمها الطبيعي.
ندهنها بالبيض وندخلها للفرن كتطيب من تحت نشعلها من فوق حتى تتحمر
هنا كما خرجتها من الفرن
إضغط هنا لرؤية الصورة بحجمها الطبيعي.

وهدي هي النتيجة النهائية
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


الجزء لي بقى درتو خبيزة الظفيرة
حليت العجينة على شكل مستطيل نصفها قطعتو على شكل شرائط وظفرتو والصورة تبين والنصف الثاني حطيت فيه الحشو وروليتو وغلقتو ودهنته بالبيض وطيبته
إضغط هنا لرؤية الصورة بحجمها الطبيعي.
وهدي هي النتيجة
إضغط هنا لرؤية الصورة بحجمها الطبيعي.


السلطة درت سلطة بسيطة جدا بصح بنينة
ماسيدوان مزينة بشرائط الخيار
خضر مقطعة مكعبات ارز مغلي وخيار مقطع على شكل شرائط
نخلط الخضر مع الارز ونحطها في emporte pièce حتى تاخد الشكل الدائري ونزينها بشرائط الجزر والمايونيز نجيب شرائط الخيار وشكلتها كما فالصورة وعمرتها بشوية جزر رابي وزرودية بيطراف وزينتها بالبيض والمايونيز وهدي هي النتيجة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.