راني لقيت الحـــــــل bac2013

[سجودي لرب العالمين]

بعد ما فوتنا الباك درك وقت النتائج يعني résultat

و علابالي بلي الناس كامل درك حاطين يديهم على قلوبهم و يباتو يجيوهم

كوابيس ... و كاين لي مايرقدوش خلاص ...

c'est pour ça و بالزيادة على خبرتي فهادا المجال حبيت نحط هذا الموضوع باش

نعاون بيه الزملاااااء وهادي مجموعة من النصائح :

اولا : لازم تخدمها مليح في داركم بمعنى

لازم تقعد فالسرير تاعك ربعة خمس أيام هكاك

وحاول تمرض بجميع الأمراض سواء لي نعرفوهم و لا لي مازال ماسمعناش بيهم

من السخانة للسكر ( بعيد الشر ) ... علاه ؟ .... باش فالدار قلبهم يحن عليك

ويأجلو المواجهة كون النتيجة جات لاقدر الله كيما راك متوقع


ثانيا : تبدى تتدرب على كيفية البكاء المتواصل ... و تعلم كيفاش تتمسكن ( هادي الخطوة مهمة جدا )


ثالثا : لازم تدرب على بعض الفنون القتالية كيما المصارعة او الكاراتي

علاه ؟ .... معناه وقت l'affichage تكون الدعوة معمرة غاشي

و لازم نتا تكون مستعد لأي طارئ و لازم توصل للورقة في أسرع وقت ممكن

وقبل الناس كامل


رابعا : لازم تؤمن وتصدق ان النتيجة هادي تاعك و مافيهاش

غلطات مطبعية (يعني لازم تقنع و متبداش التورني)


خامسا : هنا نوصلو لاصعب لحظة ألا و هي انتقال أخبارك للأصدقاء و العائلة

و هنا فالمنتدى يسقسيوك الأعضاء : ( واش درت فيها يا فلان )

وهنا نرجعو للبند رقم اثنين تاع الافلام الماسوية

والبكاء المستمر .


سادسا : أول ماتدخل للدار طيحلهم تما فالباب و مالازمش تفطن غير بعد 15 يوم
بالظبط

سابعا : قنّع تاع الدار تاعكم بللي رقم الحماية المدنية ماشي 14 و قولهم بلي بدلوه
باش مايعيطولهمش و مباعد تولي فضيحة ....

ــــــــــــــــــــــــــــــــــ*ـــــــــــــــ ـــــــــــــــــــــــــــــ*ــــــــــــــــــــ ـــــــ*

إن شاء الله ماتحتاجوش كل هادي النصائح


وبالتوفيق ان شاء الله وتمنياتى لكم بالنجاح والتوفيق
ad7ak matkhalihach f 9albek