ياالي يتحلك المقروط في المقلي....ادخلي هنا الحل - الصفحة 2

minamichan · 2012-08-14, 22:14

جزاك الله خيرا

الحطاب سهام · 2012-08-15, 04:46

اقتباس:

المشاركة الأصلية كتبت بواسطة lina18258

نستعملوا البيض كامل اي الصفار والبياض ولا غير البياض نتاع البيض
مام انا راني نعاني من هدا المشكل

ايه اختي استعملي حبة البيض كاملة وزيديلها شويا برك ماء زهر باه تروح الريحة وتولي خفيفة وغطسي بالحبة حطيها تقطر شويا واقلي

اقتباس:

المشاركة الأصلية كتبت بواسطة mimi katy

جابلي ربي شفتك ف منتدى جسر من باكلوريا للكلية ايا مبروك الباك

انا نسكن تما هههههههههههههههه ربي يحفظك

اقتباس:

المشاركة الأصلية كتبت بواسطة lamiak1

كيفاه اختي ما وضجتيش الفكرة بصح كي تديري المقروط في البيض و تقليه راه يبان البيض مقلي فالمقروط جاوبيني بالتوضيح حابة نجرب راني نستني

اختي هذاك المقروط الي في الصورة راه مقلي بالطريقة الي قلتهالكم ....هل شفتي فيه اثار البيض؟؟؟؟؟

شوفي اختي احكمي حبات نتاع البيض حسب كمية المقروط الي عندك وزيديلهم شويا ماء زهر وخلطي مليح رايح البيض يولي شويا خفيف ابداي تغطسي في المقروط بالحبة وحطيها تقطر شويا وحطيها في شبكة المقلى واقليها ورديلي لخبر وكي تخرجيها من الزيت عسليهم

انا كنت نعاني من المقروط ولكن الحمد لله خلاص تهنيت

الحطاب سهام · 2012-08-15, 04:50

اقتباس:

المشاركة الأصلية كتبت بواسطة زخة مطر

انا وحدة من الناس اللي تعاني من هذا المشكل
جاري التجريب
وان شاء الله تنجح معايا
بارك الله فيك وجزاك الجنة

المقروط الي في الصورة راه مقلي بهذه الطريقة لانو نحلي في المقلة ولكن الحمد لله درت الطريقة ونجحت 100ب100

اقتباس:

المشاركة الأصلية كتبت بواسطة lina18258

نستعملوا البيض كامل اي الصفار والبياض ولا غير البياض نتاع البيض
مام انا راني نعاني من هدا المشكل

اختي استعملي البيضة كاملا لكن زيديلها غير شويا ماء الزهر باه ماتبقاش ريحة البيض وباه البيض يولي خفيف شويا مايبقاش لاسق في المقروط كي تقليه

صدقوني والله جربوا وماتندموش

lilyana 12 · 2012-08-15, 06:01

ybane hayale, t3ichi okhti medili la recette haba njarabha

أم ضحى · 2012-08-15, 10:15

الله يبارك على الأفكار

ريحان الجزائر · 2012-08-16, 03:21

السلام عليكم و رحمة الله و بركاته علابالك أختي لما دخلت و قريت موضوعك كانت أمي خلطت المقادير تاع مقروط المقلة و خلاتو يبات و أنا في الصباح قريت موضوعك زهر برك و قلت لماما قاتلي خلي نسيوه إلى سرالنا مشكل نجربو الطريقة و كيما كان الحال جربناه و تفتح في المقلاة مالا قلنا نجربو طريقتك و جانا هايل هههههههههههههههه
بارك الله فيك و الله يعطيك صحتك يا الفحلة راكي لقيتي حل يساعد الناس الله يجازيك كل خير

الحطاب سهام · 2012-08-16, 04:58

اقتباس:

المشاركة الأصلية كتبت بواسطة lilyana 12

ybane hayale, t3ichi okhti medili la recette haba njarabha

اختي المقادير هي2 ونصف كيلات سميد متوسط ونصف كيلة فرينة زايد 1 كيلة سمن اسمو المدينة معاه شويا زيت

اما الحشو فتمر زايد جلجلان زايد قرفة زايد شويا زيت او زبدة باه ما يقعدش يتلاسق بين يديك

اقتباس:

المشاركة الأصلية كتبت بواسطة ريحان الجزائر

السلام عليكم و رحمة الله و بركاته علابالك أختي لما دخلت و قريت موضوعك كانت أمي خلطت المقادير تاع مقروط المقلة و خلاتو يبات و أنا في الصباح قريت موضوعك زهر برك و قلت لماما قاتلي خلي نسيوه إلى سرالنا مشكل نجربو الطريقة و كيما كان الحال جربناه و تفتح في المقلاة مالا قلنا نجربو طريقتك و جانا هايل هههههههههههههههه
بارك الله فيك و الله يعطيك صحتك يا الفحلة راكي لقيتي حل يساعد الناس الله يجازيك كل خير

الله يسلمك حنونة حتى انا تحلي في المقلة قلت خلاص خسرلي لكن الحمد لله الطريقة جابت نتيجة وجاني احسن مما كنت انتظر