حلول لكل المشاكل التي تواجهنا في صنع الحلويات

[muslimone]

السلاتم عليكم نفس تساؤلاتك يا أم مؤمن سبحان الله تقول وحيتي عليا خاصة بعجينة اللوز والمخبز عمري ماكان على بالي بلي ما لازمش يحمار من الفوق وشكراااااااااااااااااااااااا
اه واللون الأزرق أنا شريته كاين ونعرف بلي
الأخضر = أصفر + أزرق
البنفسجي= أزرق + أحمر
اللون الوردي البرتقالي saumon = الأصفر + الأحمر

[doja]

بلنسبة للالوان راه كاين الون الازرق سوا فاتح او غامق والبنفسجى ايضاتلقايهم عند الحانوت لي يبيع دوزان الحلويات

[sahrawiyapure]

المشاركة الأصلية كتبت بواسطة رانيا 1990

اريد حشوة البقلاوة تاع المحلات
كيفاش نرجع لا كرام فراش الى كرام شانتي
ربي يوفقكم

salam 3alaikom saha ftourkom ana nzidlha sucre çlace 3ini mizani w nzide vanille hiya sah li tkhadmiha b la créme fraiche tji haila w metmaska w mliha mais mem chantilly tetba3 en poudre w tetba3 preparer l preparer manashakch biha psq daymen tji fiha riha china balak ki tawal 3andhom f stok el mohim tawalt 3lik mais gotlak ga3 wach n3raf hhh netmana afadtak

[sahrawiyapure]

المشاركة الأصلية كتبت بواسطة amouna230

ممكن طريقة تذويب الشكلاطة السوداء لانها لاتنجح معي و ان امكن تقدميلي نوعية الشكولاطة الللي نستعملها

sayit gaaaaaaa3 anwa3 chocolat w ndawabha b nafs tari9a bain marrie wla microonde m3a morceau de beurre et un peu de lait tji briante w mliha ll glaçage w matjich mhabeba c ts

[sahrawiyapure]

المشاركة الأصلية كتبت بواسطة biyou_94

اريد كيفية صنع قلاصاج تاع قاطو

ana nhot 250g sucre glace f une casrolle w un blanc d'oeuf aya w nkoun 3asra habat citron nbda nzide jus de citron w nkhalat ghir b une spatule machi bateure w 3la gadma nhabo t9il w la khfif nhabass le citron w ndirlo colorant w sayer sahal w may3adabch w natija wallah hayla

[sahrawiyapure]

المشاركة الأصلية كتبت بواسطة ام مؤمن

في انتظار بقية العضوات للاجابة على بقية التساؤلات و انا ايضا ساجيب ان شاء الله بما اعلم

اضيف معكم مشاكلي

اولا اريد ان اسال عن حليب نيسلي اللي نستعملوه في القاطو اعلم انه يطيب في الكوكوط مدة ساعة و لكن انا حابة نطيبوا في قدرة عادية يعني نحط العلبة في قدر بها ماء على النار حابة نعرف كم ساعة نخليه يعني الوقت المطلوب كم يكون باش يطيب النيسلي

ثانيا عجينة اللوز ماذا افعل لها حتى ماتلصقش في يدي و نقدر نعمل منها وردات للتزيين بسهولة و ايضا كيفاش نلونها نضيفلها ملون عادي و ندلكها او نضيف الملون لماء زهز و نسقيها او ما العمل بالظبط

ثالثا معلومة شبه متاكدة منها و لكن ماعليش نتاكد المخبز و ايضا مقرود اللوز مايطيبش من فوق يعني يطيب فقط من تحت

هل يوجد ملون غدائي ازرق و اذا لا ماهما اللونين الدين امزجهما للحصول على لون ازرق و لون بنفسجي

اضن اني كثرث اكتفي بهدا و في انتظار ردودكم الله يبارك فيكم و يعطيكم ماتتمناو

saha nesli zwin w yji yhabal gateau ta3ou mais modat tyabah kima thabi anti ida habato yji khfif w lounah bèj matawlich bih w ida habatou t9il w fancai tawli bih w ndoun taybih fel coucout ahsan khatar amna w madmouna

[nour inasse]

سلام لبنات بما أنو عندي شوي خبرة في الحلويات هههههههه....رح نحاول نساعدكم ونعاونكم و نساهم في الجواب على أسئلتكم انشاء الله

[دلوعة أبي و زوجي]

المشاركة الأصلية كتبت بواسطة amouna230

ممكن طريقة تذويب الشكلاطة السوداء لانها لاتنجح معي و ان امكن تقدميلي نوعية الشكولاطة الللي نستعملها

نفس السؤال

[jouhainaaljamila]

بالنسبة تتفرينة كنزة حتى للبقلاوة تخدم بيها جارتي وهي خبيرة في صنع الحلويات ....اما سؤالي واش ندير للقلصاج باش يجي يلمع

[nour inasse]

QUOTE=salima 1984;11110233]شكرا على الموضوع
ماذابيك الفرينة المناسبة للحلويات الصابلي والباقلاوة
اعطيني الماركة اذا امكن[/QUOTE]
حنونة استعملي سيم شخصيا نستعملها في كل حلوياتي
[QUOTE=salima 1984;11110262]الزبدة مع الزيت نلقاوها في بعض الحلوياااااات لماذا هذا المزج خلى القاطو ديالي بعد الطياب مشلح[/QUOTE]
على العكس حنونة المزج بيناتهم يخلي العجينة مبسة وخفيفة
شوفي ياما نشفتي العجينة نتاعك بزاف ولا الفور نتاعك ساخن جدااااااااااا
[QUOTE=silina20103;11110291]ممكن كيفية تذويب شيكولا بيضاء جربت نفس الطريقة شيكولا سوداء و لكن لم تصلح ممكن طريق ناجحة[/QUOTE]
في بان ماري مع ملعقة حليب و قطعة صغيرة زبدة أو شوي زيت خلطي مليح في الأول رح يخرجلك منها زيت وتقولي بلي راهي فسدتلك لالالالالالالالالالالالا ما فسدتلكش حركي بسرعةةةةة درك تم تم ترجع سائلة ولماعة وملسااااااااااااااااااااء ونفس الطريقة الشوكولا نوار
[QUOTE=الحطاب سهام;11110878]1انا نحوس على الفوندون وكيفاه يخدمو بيه وتاني الجلاتين كي نخدمو بيها ؟؟؟
حنونة الفوندون ذوبيه على نار هادية وقلاصي بيه كعك ميلفاي يمكنك تضيفيلو ملون أنا نخدم بيه القلاصاج للقاتو هاهو ليك الرابط درك تلقااي فيه الطريقة https://www.djelfa.info/vb/showthread.php?t=995612
2ثانيا انا كي ندير القلاصاج نتاع الشوكولاة يجيني باهت ماشيشباب كيما شفتو في الصور ...اريد معرفة السر
قطرة زيت حنونة أو قطعة زبدة صغيرة أنا نستعملهم لزوج
3مرات نشوف وخاصة في المحلات بعض الحلويات المعسلة العسل قاعد وكانو جديد يلمع فوق الحلوة ...اريد معرفة السر[/QUOTE]
الحلوى المعسلة تتعسل مرتين المرة الأولى بعسل خفيف باه تشرب ةالمارة التانية عسيلة ثقيلةباه يقعد العسل وتجي تلمع
[QUOTE=biyou_94;11112798]اريد كيفية صنع قلاصاج تاع قاطو[/QUOTE]
هاكي حنونة هذا الرابط تلقاي في القلاصاجبالفوندون يجيك طري وماييبسش وانشاء الله هذو اليومين نحط الطريقة بالصور
https://www.djelfa.info/vb/showthread.php?t=995612
[QUOTE=ام مؤمن;11113167]في انتظار بقية العضوات للاجابة على بقية التساؤلات و انا ايضا ساجيب ان شاء الله بما اعلم
اضيف معكم مشاكلي
اولا اريد ان اسال عن حليب نيسلي اللي نستعملوه في القاطو اعلم انه يطيب في الكوكوط مدة ساعة و لكن انا حابة نطيبوا في قدرة عادية يعني نحط العلبة في قدر بها ماء على النار حابة نعرف كم ساعة نخليه يعني الوقت المطلوب كم يكون باش يطيب النيسلي
- من 3 الى 4 ساعات اذا لقيتيه جمد طربيه بالباتورمع اضافة الحليب رح يجي خيف وزاكيي ولون راااااااائع كالكراميل
ثانيا عجينة اللوز ماذا افعل لها حتى ماتلصقش في يدي و نقدر نعمل منها وردات للتزيين بسهولة
والله أنا نخدمها بصح شريتهامرة وماعجبتنيش زيديلها السكر قلاصي والميزينة
و ايضا كيفاش نلونها نضيفلها ملون عادي و ندلكها او نضيف الملون لماء زهز و نسقيها او ما العمل بالظبط
اسبقي بالملون الأبيض أولا ومبعدا ضيفي الملون في قطرة ماء الزهر
ثالثا معلومة شبه متاكدة منها و لكن ماعليش نتاكد المخبز و ايضا مقرود اللوز مايطيبش من فوق يعني يطيب فقط من تحت
حنونة هو يطيب من 6 اللى 10 دقايق حسب الفرن ودرجة الحرارة لا أكثر أنا نديرلو دقيقة من الأعلى
هل يوجد ملون غدائي ازرق
نعم يوجد
و اذا لا ماهما اللونين الدين امزجهما للحصول على لون ازرق و لون بنفسجي
اضن اني كثرث اكتفي بهدا و في انتظار ردودكم الله يبارك فيكم و يعطيكم ماتتمناو[/QUOTE]

[silina20103]

المشاركة الأصلية كتبت بواسطة ام مؤمن

انا ندوب الشيكولا سواء البيضاء او السوداء بطريقة وحدة و هي على حمام مائي من دون اي اضافات و اذا كانت تصلحلك السوداء فربما الشيكولا البيضاء اللي دوبتيها نوعيتها ليست جيدة استعملي الشيكولا نتاع الميزان او نتاع لي مورصو

انا ثاني ندير شيكولا نتاع ميزان بصح شيكولا بيضة
تزيجي كانها ميدما

[محبة رسول الله]

انا لست خبيرة ابدا في مجال الحلويات لكن من سنوات مضت وانا التي اصنع الحلويات في المنزل بمساعدة امي
ههههههههههههههههههههه
الشيكولا الحمد لله تنجح معي فقط في حمام مائي في الاول تظهر كأنها كتل تقولي خلاص فسدت وهي العكس لازمها الحليب اضيفي لها الحليب ومتخافيش لكن شوي شوي مع التحريك المستمر وراح تلقايها جاهزة اما اللمعان ممكن اضافة مغرف زبدة او سمن
والله أعلم اردت فقط ان اضع تجربتي لا غير
اما الفرينة وللبقلاوة بالذات نستعمل فرينة اوماش لونها أخضر الا تعرفوها لانها معروفة انها تتشرف وتنفرد بسرعة
واترك المعلومات الصحيحة لاهل الخبرة طبعا
فقط احببت المساعدة

[oum fatima]

المشاركة الأصلية كتبت بواسطة silina20103

ممكن كيفية تذويب شيكولا بيضاء جربت نفس الطريقة شيكولا سوداء و لكن لم تصلح ممكن طريق ناجحة

salam okhti wellah sadikini ana 3indi allahl chocolat blanc differente 3la choklat nior ,chocolat blanc 3inda tathwibiha athifi laha zit fakt w ko3di tkhalti w matkhafich hata tethoub w tehessi biha mliha w bel 3ain teban ya okht saddikin ana jamais kheseretli w attention tethifileha l EAU howa l3adou ta3eha w howa li ykhaserehalek salam

[مريم امة الله]

السلام عليكم
لي بعض الاسئلة حبيباتي
*عجينة اللوز لي تنباع واش نزيدها قبل ما نخدم بيها وكيفاش لونها؟؟
*احسن طريقة نحفظ بيها الصابلي باش يبقى هشيش يعني نخبيه وهو سخون في بورت مونجي؟؟
*تعسيل الحلويات نعسلها وهي سخونة والا نخليها تبرد و العسل لازم بارد و الا سخون؟؟
*بالنسبة للعجن ايهما افضل نعجن باليد و الا بالخلاط نحكي على عجينة الصابلي و عجينة تاع القاطو المحشي كيما الاهرامات و القبعة؟؟
سمحولي كثرت عليكم و جازاكم الله عني الف خير
صح صيامكم و فطوركم

[ايمان2009]

صح رمضانكم وشكرا على الموضوع الي الكل محتاجينو انا راني ضعيفة بزاف فالحلويات وهاد وين نتعلم مالا كي نكثر الاسئلة ساعفوني برك
حابة نسقسي على اللوز الي نعملوه في الحشو تاع القاطو (العرايش مثلا)
نحمرو ولا نخليه أخضر؟ وكي نلقى في المقادير سكر ناعم هل يقصدو بيها سكر قلاصي ولا العادي؟ وعجينة اللوز (لابات داموند) اللوز الي نعملو فيها يكون محمر ولا لا؟ وكيفاه نعرف العجينة باللي راي مليحة ماهي طرية ما يابسة لاخاطر ديمة تبانلي طرية انا نزيد الفرينة نفسدها؟
وشكرا مسبقا وصح فطوركم