إما أن يعفى خريجي الجامعات من الخدمة الوطنية وإما أن يقل شرط السن عن 28 سنة

[DAHO_MATRIX]

عندك الحق

والله ما فهمت والو واش معناها الجامعي محقور من كل النواحي

مالا كون ما قريناش خير كون رانا جيبنا الاعفاء وليقينا خدمة ورانا درنا التاويل

والله عيب كبير الواحد في عمره 25 سنة لسه تخرج ما لقاش واش يدير ... يروح يعقب الخدمة الوطنية ... ولا يروح يدبر خدمة في العقود .... ولا..... ولا ..... ولا......... كرهنا من الميزيرية هذه تقرى تقرى تقرى ومن بعد والو كي شغل ما قريتش

[khelil89]

بارك الله فيك يا اخي ، النهر يبدأ بقطرة ، وان شاء الله هذه الانطلاقة نتاعنا
حان الوقت لندافع عن حقوقنا ، لماذا ؟المعلمين والاساتذه كرشهم كبيرة ، وفي كل مرة يرفعون مطالب ، الا ويستجيبون لهم ، ويستفيدون من مخلفات مالية باثر رجعي لثلاث او اربع سنوات الى الوراء ؟
لماذا نحن صامتون ، اليد في اليد ، للبلوغ الى مطالبنا قبل الانتخابات ان شاء الله ، لانه بعد الانتخابات ايقنوا جيدا ، لن نستفيد من شيئ ، بل الدولة لن تسكت عن المطالب التي رفعناها ، وسوف تقوم بتشديد الخناق على الشباب في ما يخص الخدمة الوطنية
لماذا في كل الدول هناك بدائل للخدمة الوطنية ، فبدل ان تكون في القطاع العسكري ، تعوض بالقطاع المدني ، فلنعد قائمة لمطالبنا والحلول للخدمة الوطنية ونبلّغ الدولة ًٌَُآهاتنا ومطالبنا

[moh129]

بارك الله فيكم

الخدمة الوطنية عائق كبير للجامعيين رانا كرهنا منهم خاصة الفروع الطبية اليوم قال لي زميل أنه هناك طبيب عمره أكثر من 30 متزوج يؤدي الخدمة الوطنية إلى أين ولما ركلاما قالولو ماعنكش الحق لأنك من الفروع الطبية ماهدا العيب

إلى الأمام يجب أن نغير هدا الواقع المر لأنه هده حالة وهناك الألاف

[housseyn27]

هيا ماذا تنتظرووووووووووووووووووووووووووووووووووووووووووووو ووووووون

[anobis32]

housseyn27
ننتظر حتى ينور المــلــح

[housseyn27]

المشاركة الأصلية كتبت بواسطة anobis32

housseyn27
ننتظر حتى ينور المــلــح

عرف ملح الطعام منذ القدم لخصائصه، فاستعمل في الطبخ وكحافظ للأطعمة. واستعمله الإغريق والرومان واليهود في طقوسهم الدينية. اقتصاديا، اكتسب قيمة كبيرة. استعمل في الصين والحبشة للمقايضة وكعملة. في فرنسا، استحدثت ضريبة خاصة بالملح سميت «جبل » مما أثار الناس وكانت أحد أسباب الثورة الفرنسية.
كما يسخدم في العديد من الصناعات (دبغ الجلود) وصناعة الاسماك المملحة. واستخدامات طبية (محاليل الملح)وهى ضرورية جدا للحفاظ على التوازن المائى بالجسم

hhhhhhhhhhhhhhhhhhhhhhhhhh

ايا دروك ينور

[hassane1984]

شكرا للجميع على هذه المبادرة

اوّلا بخصوص الخدمة الوطنية انا عيطولي 22 مارس هذا والان راني مربوط مانقدرش نجدد السورسي
والخدمة حبسني مول المكتب لاني حبيت نسوري روحي مع عقود ما قبل التشغيل او نتوقف عن العمل
وكي جيت نسجل مع العقود ما قبل التشغيل هاو لازم السورسي ولا الاعفاء
درك يرحم والديكم
انا لست ضد الخدمة الوطنية والله نحبها ونحب العسكر وعييت وما ندير ملفات تجنيد وما حبوش يقبلوني
ودرك جابولي الاستدعاء للدار عيب عليكم...
ماعليش اضمنلي خدمة ودار والله نعقب العام ونصف تاعي وبكل سرور
ثانيا: الواحد راهو محقور في السيفيل لا خدمة ولا سكنة ولا دار ولا دوار لا زواج
وزيد الفساد الرهيب في المجتمع الرشاوي المعارف السابوطاج والسرقة والنهب والحقرة والبطالة
الى اين؟؟؟ ......الى اين؟؟؟
بيانسير تتفشى في المجتع اثار سلبية جدا كالمخذرات والخمور والفساد اللا اخلاقي
كل هذا منكم يا ايها المسؤولون وستحاسبون على كل صغيرة وكبيرة
وستتحاسبون على عشرية كامية من التقتيل والنهب والارهاب
ستحاسبون على كل شيء

[ghani_oeb]

الى الامام شباب كيما قالكم القذافي
ثورة ثورة .....................

[programmeur]

راني حاب نسقسيكم

ادا مايدوش الجامعي
اشكون اللي يدوه

هوما مادابيهم واحد قاري وفاهم

غلطة حيانك انك قريت و انا تانيك غلطتي

[anis9]

أنا معاكم 100 % إلاق نديرو حملة في الفايس بوك أو لازم قبل الإنتخابات لان بعد الإنتخابات ما يسمعولناش كامل لان الخدمة الوطنية عائق كبير كبير جدا بالنسبة لطلب عمل خاصة ، حنا الجامعيين رانا محقوريين لازم نطلبو حقوقنا هاد الخدمة الوطنية ماعندها لا ساس لا راس ماتصلحش هي مضيعة للوقت ، يخلوها لغير لي ماقراوش هاكدا باش يتشجعو الشباب يعودو يقراو أو مايحبسوق لقرايا ... إن شاء الله تتحقق هاذ المبادرة . خاصة في الفايس بوك يلاق دير حس كبير .