مشاركتي في مسابقة شاف كوزينتنا الطبعة *2* التحلية

[*ام رامي*]

السلام عليكم ورحمة الله وبركاته
سلام حاار للجميع وتحية عطرة للاحباب
وختامها شكولا
ها قد وصلنا للمرحلة الاخيرة من المسابقة خلونا نحلو تحلية شكولا ونرتاحوا
بسم الله راح نبدا وكالمعتاد راح نستغل الشكولا في كل مرحلة لنتحصل على تحلية شكولا اسم على مسمى

اليكم انواع الشكولا



اول شيء نبدا به هو الاكواب راه نحضرها بالشكولا
ندهن قالب سيليكون كبير 3 طبقات بعد ما تجف كل طبقة حتى ما تتكسر الاكواب عند نزعها
هاهي جاهزة للحشو






ثم مباشرة حضرت الديكور باشكال جميلة هي

حبيبات شكولا ملونة نسكب فوقها الشكولا البيضاء راح تشوفو الشكل في الاخير



شبابيك بالجوز واضحة



اوراق اشجار مطلية بالشكولا لما تجف ننزعها




نجي للحشو
بما اني حضرت الاكواب بالشكولا جات في بالي نحضر الصحون بالشكولا ايضا
اممممممممممم بعد تفكير ما لقيتش احسن من جينواز الشكولا استغله استغلالين صحون + حشو

هاهي المقادير موضحة في الصورة
كاس فرينة
ملعقة كبيرة نشاء ملعقة كبيرة كاكاو نص علبة شكولا ثلاث ارباع الكاس سكر نص فنجان زيت
خميرة و5 بيضات



نحضرها كما نحضروا الجنواز العادية ولما تطيب نقطع دوائر كبيرة والباقي نفتته للحشو






ندوب شوية شكولا نثبت في كل صحن ورقتين + الكوب ونملا الكوب بالحشو ونسقيه بشراب الشكولا اللي هو ماء + سكر يعني شاربات خفيفة + حبات شكولا اممممممممم طعمه رااااائع



الان نرش مكسرات فوق الاكواب جوز كوكاو لوز



نجي للكريما ومش دايما كريم شانتي ولازم نستغل الشكولا في الكريما
حضرت كريم باتيسيير واللي هي
2 بيض + نص كاس سكر نخفقهم مليح + 3 ملاعق كبيرة نشاء و2 كاس حليب الكل على النار لما تعقد نضيف الشكولا البيضاء المبشورة + فاني وقليل من الصبغة البيضاء ونخلط مليح



لازم تضيفولها اما :
كريم شانتي مخفوقة او ملعقة كبيرة زبدة او عصير ليمون باه تجي خفيفة لانو معروف الكريم باتيسيير لما تبرد تصبح متماسكة مثل الفلان وما تناسبش تحلية خفيفة
انا اضفت الزبدة



ونزين بها اكواب الشكولا ونحط الديكور























اذا حبيتي تقدميها في اكواب عادية اتفضلي




اذا حبيتي تقدميها بدون صحون الجينواز اتفضلي انا نعطيكم افكار وكل واحدة وذوقها









ملاحظة
بالنسبة لصحون الجينواز كنت راح نشربها ونطليها بالشكولا البيضاء باه الشكل يكون اجمل واوضح لكن الوقت ما كفانيش والشكولا البيضاء خلاصت لي وخيالكم واسع اتخيلوها
اتمنى تعجبكم تحليتي اللذيذة وهي مشبعة على فكرة يعني اللي ما تعشاش مليح يشبع
سلامي للجمييييييع