الطبعة العاشرة لدورة الرقي بمدبرة منزل مثالية

[sondse1]

المشاركة الأصلية كتبت بواسطة minnnaaa

مبروك علينا الدورة الجديدة وعلى بركة الله

مريومة باللاتي عينيا باللاتي انا راه يبانلي يلاكان تمشيت على البرنامج الاسبوع الاول ما نقدرش نكمل الاسبوع التاني هاهاها
اسمحيلي مريومتي مانيش نحط من عزيمة لبنات بصح مع العيد اللي فات والضياف و,و,و,وراه يبانلي كلشي راه خاصه تنظيف عميق بصح في اسبوع؟ما نيش عارفة ربي يقدرنا برك ان شاء الله مع التحديات يفوت الاسبوع الاول بردا وسلاما
ومع دلك رانا معاك الى الامام سر

اهلا وسهلا بحبيبني مينوشة لعزيزة
والله حنونتي واش رح نقولك
شوفي حنونة ماكانش وحدة راهي تعبانة كيما راني تعبانة انا
لعيد ما تعبنيش قد ما تعبتني المومة نتاع الحج و بالزيادة وحدي اتخيلي انك تقومي بكل شي وحدة تطيبي و تغسلي و تحطي و تهزي و جيبي هذي و رجعي هذيك .......الخ من الاشغال + شغل الدار اليومي +السهر
صدقيني حبيبتي مع كل هذا ورح نلتزم بالبرنامج كيفي كيفكم
و بصراحة و بدون فخر و لا فوخ وزوخ انا قبل ما ندخل للدورة كنت نخدم الدورة تاع شهر في اسبوع بالكثير و دارنا 3 طوابق و كبيرة و مليانة بالغرف و الحوايج و هكذاك و نكون سعيدة وانا نخدم فيها

[sondse1]

لي عودة باذن الله و رح نجاوبكم كامل

بالتوفيق للجميع

[وفاء سعاد]

شكرا اختي سندوسة البرنامج صح لازمو ارادة باش نتبعوه مي والله انا عجبني بزاف علا خاطر الانسان كي يحب يطبق حاجة والله غير يديرها او كلش في العقل البشرى انتاعنا راني حندورها تنمية بشرية وندي بلاصة المرحوم ابراهيم الفقهى ربي يدكرو بالخير راهي كيما قالت اريج هات الجسم انتاعنا مايفاشيناش برك وهكداك العضلات اتوالف على الخدمة ونوليو مانغلبوش كي نتعودو على برنامج معين وماتزعفيش منا راكي القائدة انتاعنا ولازم نتتاقدوك ولا انت كيما الحكام العرب بعيد الشر عليك راني نضحك معاك

[oummalak]

مساء الخير حبيباتي كيف الحال
حبيبتي سندوسة والله مين رديت عليك هاكداك حسيت روحي غلطت وندمت والان نقولك اسفة وربي يوفقني ونكون مشاركة بكل الجوانب
ارفع التحدى واملي في النجاح كبير
معا اخواتي لنرتقي الى اعلى القمم

[Minnnaaa]

مريومتي حسيتك فهمتي كلامي خطا عملت للمشاركة نتاعي اقتباس باش نوضح بعض الامور

المشاركة الأصلية كتبت بواسطة minnnaaa

مبروك علينا الدورة الجديدة وعلى بركة الله

مريومة باللاتي عينيا باللاتي انا راه يبانلي يلاكان تمشيت على البرنامج الاسبوع الاول ما نقدرش نكمل الاسبوع التاني هاهاها
راني نتكلم عن نفسي
اسمحيلي مريومتي مانيش نحط من عزيمة لبنات بصح مع العيد اللي فات والضياف و,و,و,وراه يبانلي كلشي راه خاصه تنظيف عميق
مشي العيا نتاع العيد بالعكس قصدت مور العيد والضياف الدار تتوسخ وتحتاج تنظيف عميق مشي كيما ساير ليام يعني كان فيه شواء كتير والصالون استخدم بكثرة ولي سارفيس و.و....وكنت نقوم بتنظيف سطحي
بصح في اسبوع؟ما نيش عارفة
راني نتكلم على داري
ربي يقدرنا برك ان شاء الله مع التحديات يفوت الاسبوع الاول بردا وسلاما
راني دكرت كلمة التحديات اللي نحبس عندها في كامل الدورات لاني نموت على التحدي واكيد قريته مليح باش ما تفوتني حتى حاجة
ومع دلك رانا معاك الى الامام سر
وهدا يعني اني قبلت التحدي مع نفسي واكيد نلتزم لابعد نقطة بالبرنامج

تقبلي تحياتي حبيبتي مريومة

[نبض الفؤاد]

السلام عليكم ......واش حوالكم ...توحشتكم .
اعجبني البرنامج و ان شاء الله نكون معاكم بصح ضحكتني مشاركاتكم و الله حتى سالولي الدموع
بصح حسيتو شاق شوية مام ما نجيو نكملو اعمال التنظيف في اليوم ما نقدرو نديرو والو في المساء
أنا من رأيي نخليو يومين لكل غرفة مثلا غرفة النوم نهار غير للخزانة ونهار الثاني نكملو فيه التنظيف لانه اليوم راح يكون فيه عدة نشاطات من فطور وعشا و اذا كنا حابين كاشما نخدموا كاش حلوى وكاش أشغال يعني مانقدروش نستنزفوا كل طاقتنا في نشاط واحد على حساب لخرين وباش يكون عملنا متقون هي صح كيما قلتي واحد ماراح يشوف لاخر بصح يا بنتي الصحة ثاني شوية
ايه حقا اليوم بديتو البرنامج ؟؟؟ خاطش انا اليوم كنت برا وعقلي معاكم
وثاني غسيل لحوايج ويقتاش راني ما لقيتوش في البرنامج هذاك ثان يليقلو نهار

يعطيك الصحة يا سندس وما تزعفيش منا ماناش نثبطوا في بعضنا البعض وشنو حسستينا صح بللي جهاد وربي يوفقك ويوفقنا كامل ان شاء الله وما تنساوش ندعيو لبعضانا ربي يعاونا ان شاء الله

[oummalak]

لا يوجد شىء اسمه الفشل الا اذا توقفت المحاولة
بالفعل حبيبتي درس تعلمته ولن انساه

[~ حراير ~]

بسم الله الرحمن الرحيم و الصلاة و السلام عليك يا رسول الله يا حبيبي يا محمد
أعود بالله من الشيطان الرجيم " الله لا إله إلا هو الحي القيوم لا تأخذه سنةو لا نوم له ما في السموات و ما في الأرض من ذا الذي يشفع عنده إلا بإدنه يعلم مابين أيديهم و ما بين خلفهم و لايحيطون بشيئ من علمه إلا بما شاء وسع كرسيه السموات و الأرض و لا يؤوده حفظهما و هو العلي العظيم
اللهم إني اسألك العافية في الدنيا والآخرة اللهم إني أسألك العفو والعافية في ديني ودنياي وأهلي ومالي اللهم استر عوراتي وآمن روعاتي اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي
اللهم رب السماوات ورب الأرض ورب العرش العظيم ربنا ورب كل شئ فالق الحب والنوى ومنزل التوراة والإنجيل والفرقان أعوذ بك من شر كل ذي شر أنت آخذ بناصيته اللهم أنت الأول فليس قبلك شئ وأنت الآخر فليس بعدك شئ وأنت الظاهر فليس فوقك شئ وأنت الباطن فليس دونك شئ إقض عنا الدين وأغننا من الفقر برحمتك يا أرحم الراحمين
اللهم أنت خلقت نفسي وأنت تتوفاها لك مماتها ومحياها إن أحييتها فاحفظها وإن أمتها فاغر لها اللهم إني أسألك العافية
اللهم أسلمت نفسي إليك ووجهت وجهي إليك وفوضت أمري إليك وألجأت ظهري إليك رغبة ورهبة إليك لا ملجأ ولا منجا منك إلا إليك آمنت بكتابك الذي أنزلت وبنبيك الذي أرسلت
بإسمك اللهم أموت وأحيا
بإسمك اللهم وضعت جنبي وبك أرفعه إن أمسكت روحي فارحمها وإن أرسلتها فاحفظها بما تحفظ به عبادك الصالحين
يا رب يا حنين يا كريم احفظلي وليداتي و وليدات المسلمين بما تحفظ به عبادك الصالحين الطاهرين و أجعلهم هادين مهتدين و انفع بيهم أمة محمد صلى الله عليه و سلم و يا رب برحمتك يا رب تبعد عليهم الظلام و ولاد الحرام اللهم آمين لينا و لكل أمة محمد صلى الله عليه و سلم

برنامج السبت
الجانب الديني : ختمنا نهارنا بالأذكار و الحمد لله على كل حال

الجانب الجمالي : ترطيب اليدين و الرجلين
تفريش الاسنان الكحل للعنين """بكحل عربي الله الله """""" الزيت للشعر وتمشيطه

جانب الاعتناء بالاولادحفظ المحفوظات، مراجعة الدروس تاع مواد يوم الاحد، مراجعة الرياضيات
من ناحية التربية حكيتلهم من السيرة عن وفاة الرسول صلى الله عليه و سلم و تأثرو بيها كثيرا

الجانب التنظيفي :
الترتيب اليومي

مسح الادوات الموجودة في الحمام و حضرت قائمة بالناقص باه نشريوه

مسح علبة الاسعافات و الادوية اللي فيها و كلشي جاهز للحرب ضد الأمراض لا قدر الله

اعادة ترتيب الكل مسح الجدران

السقف +ثرية الحمام والله ما قدرت نوصللهم ما عنديش سكابو
مسح لاميشا لافي والله ما فهمت وش تقصدي كون وضعتي صورة أو ترجمي نلحقها غدوة
الباب و التاقة

نقع البينوار و لافابو و الارض بالنظاف الي خدمتو وحدي و هو خل أبيض و كربونات و هو مطهر رائع

مسح المراية طلعت تشعل مسحتها بمعجون الأسنان

التسياق و التعطير ما بقاليش المعطر و لكني وضعت الكافور في المجيرية "حاشة من قبالي" ترك ريحة لابأس بها

و زدت على هذا نظفت آلة الغسيل ماشين ألافي تنظيف عميق و درتلها حتى هي الكربونات لقتل الميكروبات و طرد الروائح منها

و درك راني رايحة ندوزن البرمة انتاع غدوة و نرقد تصبحو بخير

كلمة أخيرة حسيت الحمام يقول لسندس درتي فيا ربي ربي يجازيك و يعطيك على قد نيتك

[cherilety]

مساء الخير عليكم،
الجانب التنظيفي :الحمام عندي الزهر الاسبوع اللي فات درتو صافي اليوم مسحت برك انا نستعمل مواد طبيعية يعني نخدمها فالدار و هي الخلطة السحرية (ماء +خل+بيكاربونات+معطرالملابس) نوضعهم في بخاخ ، بالنسبة للتسياق درت الخلطة السحرية(خل+إزيس) نحطهم في قرعة تع إزيس .
الجانب التربوي: للاسف هذا الاسبوع ولادي عندهم فروض ، سافي رايحة نركز على هذه المواد
اه نسيت الجانب الجمالي: كل يوم قبل النوم ندير ترطيب الايدي و الجلين دون نسيان الوجه هذو كل يوم
اليوم درتماسك لشعري بالغسول

مع ان البرنامج شوية قاسي و مع الفروض تع ولادي ، بصح بعون الله راني معاكم و رايحة نطبقوبحذافره

[~ حراير ~]

السلام عليكم و رحمة الله تعالى و بركاته
بالخير صبحتك و بماء لوريد رشيتك و السلام أهديتك و لو خدك قريب كن حبيتك

أصبحنا وأصبح الملك للهوحده لا شريك له له الملك وله الحمد وهو على كل شيء قدير. أعوذ بالله السميعالعليم من الشيطان الرجيم من همزه ونفخه ونفثه بسم الله ذي الشأن عظيم السلطان شديد البرهان قوي الأركان ما شاء الله كان أعوذ بالله من كل شيطان أنس وجان اللهم أني أسألك خير هذا اليوم فتحه ونصره ونوره وبركته وهداه وأعوذ بك من شر ما بعده اللهم لا تدع لنا ذنبا إلا غفرته ولا عيبا إلا سترته ولا هما إلا فرجته ولا ديناإلا قضيته ولا حاجه من حوائج الدنيا و الآخرة هي لك رضا ولنا صلاحا إلا قضيتها ياأرحم الراحمين وصلي اللهم على محمد وعلى آله وصحبه أجمعين

اللهم ارزقناالجنة وحسن الخاتمه وأعذنا من النار وعذاب القبر

اللهم اني اصبحت اشهدك و اشهد حملت عرشك وملائكتك و جميع خلقك انك انت الله لا اله الا انت وحدك لا شريك لك وان محمدا عبدك ورسولك

اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره

وإن كان قليلا فكثره وإن كان كثيرا فبارك لي فيه


اللهم إني أعوذ بك من الهم والحزن، والعجز والكسل، والجبن والبخل، وقهر الدين وغلبة الرجال

اللهم اكفنا بحَلالِك عن حرامك وبطاعتك عن معصيتك و اغننا بفضلك عمن سواك

اللهم بك أصبحنا و بك نمسي و بك نحيا و بك نموت و إليك النشور
حسبي الله و نعم الوكيل و لا حول ولا قوة إلا بالله


حبابتي يصبجكم بالخير و الهناء و ربي يكون في عونكم امبعد إن شاء الله نتلقاو علىخير

[oummalak]

يصبحكم بالخير حباباتي واش راكم نتمنى تكونو بخير
من بعد ندخل نكتب تطبيقاتى
في امان الله وربي يعاونكم
شكرا اريج على الادكار
سندوستى ان شاء الله ما راكيش زعفانة قاع ما طليتي
ايا ربي يعاونكم

[وفاء سعاد]

صباح الخير عليكم كيفاه صبحتو معليكمش يارب تكونو بخير راني اليوم صايمة عندى 6 ايام دين واحنا زيدو يومين دايما يعني 8 ايام ان شاء الله نخلصهم النهار عاد قصير دقيقة ويعدى راني صبحت نقرى في الادكار تاع اريج وروح للدوش ندوش من اجل الصلاة والكوزينة ماتتدخلش البارح لميت الطابلة وقفلت الباب قلت الصباح ونوض نغسل الماعن والمقالي عمبالي الوقت كامل يروح فيها ودرك نشوف البرنامج ونشوف واش نطبق منو ونكتب تطبيقاتي وشكرا

[نبض الفؤاد]

صباحكم فل وعنبر،مارقدتش البارح حتى كملت الورد وطليت يديا بالفازلين وادعيت بادعية النوم .....وهذا الصباح الحمدلله صلينا وراح الاولاد بديت بالفطور والان الى غرفة النوم
ممبعد نتلاقاو ان شاء الله.

[Minnnaaa]

تطبيقي لصباح اليوم كالتالي
الجانب الديني ,صلاة الفجر في وقتها وقريت الحزب الاول من سورة البقرة وادكار الصباح
الجانب الجمالي, غسلت وجهي بصابونتيclean end cleer وبروسيت اسناني وحطيت كريمة صباحية من نفس نوع الصابون وكحل خفيف وتوغبيون
الجانب التربوي,حتى للمساء مين يجي ولدي
الجانب التنظيفي ,اليوم بديت بالسالدوبان مادرتهاش لبارح بديت بالحيطان ولافابو والتوالات (حاشا السامين والقاريين )رشيتهم كامل بالنظاف وبلعت الباب ورحت لغرفة النوم رتبت السرير والمخايد ومسحت التابل دونوي والكوافيز وكنست الارضية ورحت لغرفة ولدي نفس الشي ورحت للمطبخ وجدت الفطور(مرقة بالجلبان+سلاطة)ومبعد عاودت وليت للسال دو بان درت القفازات واستعنا عالشقا بالله حكيت كامل الحيطان والارضية ونحيت الريدو ودرته في ازيس وجافيل bref
ومبع ششللت كلش بالما وزدت دوزيام كوش مسحت بالما والخل ولا الفايونس يبريي ومبعد مسحت كامل اللوازم نتاع الاستحمام والكريمات وو.,وومبعد مسحت المراة بالمنظف وهنا كانت الساعقةلما انعكست صورتي على المراة قلت "شكون هاد المونستخ اللي راه قدامي"؟
مبعد تفكرت دعاء النظر للمراة وقلت "اللهم كما حسنت خلقي حسن خلقي"
ومبعد رحت للماشين الافي درتلها تحميمة هاديك هي ورديتها لبلاصتها ونشفت الارضية ,وبين الفينة والاخرى نضرب طلة على بنتي ونلون معاها ثم نهربلها للسالدوبان
وكي كملت كلش ومسحت الارضية سمعت العياط والبكا شكون في ميزكم؟ الا مشي بنتي
خرجت مالسالدوبان نجري لقيت لا شومغ اكوشي تبكي وتعيط قاتلي "ما حقش عليك اليوم نوبتي وما نقيتينيش "ولا"الزرقة تحمم والبيضة تشد الرزم؟"( السالدوبان نتاعي لونها وكلش فيها ازرق)ايا قعدت نسكت فيها قلتلها "انتي راني ناوية انقيك غدوة ان شاء الله وغرفة المعيشة نخليها نهار تنظيف الصالون puisqueعندي غير وحدة منها صالة منها بيت القعاد وقلت لشومبرتي جبتلك ربي ما تخبريش راهم لوكان يفيقو بيا لبنات ياليمينوني مالدورة ويقولو هادي راها مخلطة كلشي بصح الله غالب والله غير نموت على النظافة ونفرط في عينيا ومانفرطش فيهم" ايا كي شافتني نبكي قاتلي "سايي ماعليش المهم نكونو نقيين وسايي كي ليوم كي غدوة"
واش عجبكم الحال ؟انا ريحة النضاف دوختني فيبالي....
مبعد رحت حطيت الفطور فطرنا وغسلت الماعين وصليت الظهر وقلت نجي نكتب التطبيق نتاعي ونطل على حبابي وحباب قلبي

[Minnnaaa]

حبيبتي اتس مي وصلتني رسالتك ورديت عليك وجاوبتك على سؤالك بصح قالولي مانقدرش نردحتى نقفل1000مشاركة وانا راني عادا في 300 امالي زيدي قارعي حتى نقفل1000
هاهاها هوهوهوهيهيهي قلبي غادي يحبس مالضحك