تخليت عن الجميع لـأجلها .. وهي تخلت عني لـأجل غيري

[طيبة نفس]

ذنوب واحد ما يبقاو في الاخر انت نويت الخير قل حسبي الله ونعم الوكيل انت ربي يعوضك خير منها ان شاء الله

وكما نقولو لي بدلك بالفول بدله بقشوره صح صعيبة في الاول لكن كاين نعمة النسيان الايام كفيلة ربي يعوضك ببنت الحلال لي تصون عرضك لبنات ماشي كامل كيف كيف

[انفال_28]

والله غير وانا نقرا في قصتك بكيت حقا بنت ................ استغفر الله المهم اخي انت من الاول من المفروض تتباعها من بعيد فليس الحب وحده مفتاحا لكل عشة زوجية اخي انت لما شفتها تقبل الدراهم والكادوات والله والله والله يا اخي انو بنت الفاميليا ماتقبل واحد يصرف عليها حتى لو انو مفاتح اهلها بموضوعها كي يقوللها نفليكسيلك تقولوا لالا هاذي راهي شابعة على ظهرك ووالت تعيش في الناس شوف خويا اعانك الله بنات الفاميليا رانا بزااااااااااااااااااااااااااااااااف ماناش كامل البنات كيف كيف كيما ماشي كامل الرجال خاينين كاين اللي نيتهم صافية كيما انت يطيحهم ربي في المراة خداعة وكاين طفلة نيتها صافية تطيح فيه خداع انت لازمك تناساها وتنحيها من بالك وذلك عن طريق الزواااااااااااااااااج ادي اللي تسواها خلقا واخلاقا ودير في بالك مليحة انو الخديعة اللي خدعتهالك ربي مايخليهالهاش هكذاك يقول الله سبحانه وتعالى "ويمكرون ويمكر الله والله خير الماكرين" يعني راح تخرج فيها وماشي بالساهلة ثاني ربي يعينك .
نشاء الله يااااااااااااااااااااربي يطيحني في انسان كيما انت يبيع الغالي والرخيص على جالي ويكون معايا بالنية سيريوووووووووووووووووو. مايلعبش بيا .

[انفال_28]

لي بدلك بالفول بدله بقشوره صح صعيبة في الاول لكن كاين نعمة النسيان الايام كفيلة ربي يعوضك ببنت الحلال لي تصون عرضك لبنات ماشي كامل كيف كيف. الايام كفيلة بان تنسيك حتى اسمها

[ام احمد الغالي]

اسال الله العظيم ان يعوضك خيرا منها وربما هي وجهة نظر شخصية لكنني اؤيد الزواج التقليدي اكثر فالانسان يسال على الاصل والسيرة والتربية قبل كل شي وربي يعوض عليك كل دينار صرفته عليها
انا متاكدة انها في فترة طيش وحين يكتمل عقلها وتزن الامور بميزان الحكمة ستعض اصابعها ندما لان الاخلاص في زمننا هذا امر نادر ومن يجده لا يجب ان يفرط فيه
فسبحان الله كيف يجد الانسان من يصونه ويحافظ عليه ويوده ثم يخونه سبحان الله لكن اعلم ان الله شرع تشريعا سماويا لا تغيير له ان الطيبيين سيكونون للطيبات فهذا امر الله ولا مبدل له

[جزائري-حر]

يا اخي وااش نقولك

ربما غلطتك هي انك دخلت في هكذا علاقة و تصرفت كأنك زوجها و انت لم تكن كذلك حتى لو ان نيتك كانت الزواج منذ البداية

و اثبتت ذلك بان فعلت كلشيء حتى تقدمت اليها فعلا

لكن لما تقدمت و خطبتها كان مفروض قبل تسأل مليح عليها و على اخلاقها ماشي روح و اصدم برك

و اما هي فحالها حال كثير من بعض فتيات هذا الزمان يستغلون االرجل ان احبهم و لا يستحقون شيء

لكن تمنيت لو انك اثلجت صدري و ذكرت انك صفعتها و اعرفتها قيمتها الحقيقية هي و ذلك الاحمق الذي كان معها

يا اخي الرجل لا يبكي لاجل امرأة لا تستحق

والله البارح كنت نقرا في قصة مروعة في الشروق و اليوم في قصتك

حتى اكاد اقسم ان لا اتزوج ابدا

يا له من زمن يبدو ان المسلسلات الفاسدة مسخت عقولهن

الله يعوضك خير و انسى الهم ينساك و من كرم الله بك ان كشفها لك الآن قبل ان تتورط و تتزوج بها

[himanlogine]

يا خويا وشبيك منوي هاك بنات الاقاااااااااامة واااااااااااااااااااااعرين خصوصا تاع جامعة الجلفة انا راني طفلة و الله مانخلط فيهم خاطر صعاااااااااااااااااب ياسر.....يدخلوك للبحر و يخرجوك منو ناشف حاشا البعض منهم.........نتا وش تقول ذرك اللهم اجرني في مصيبتني و عوضني خيرا منها......ربي يرزقك ببنت الحلال لي تستاهلك و تستاهل حبك و نيتك.............و الله الموفق......رانا كامل هنا خاوتك و خواتاتك و ندعولك ان شاء الله ربي يعوضك باحسن منها

[staifia]

ربي شاف الصلاح ,,, وضكر خير من خطرة اخرى
كاين بنات بزاف هكدا
ربي يعوضك بالخير

[djeriou]

أخي حقا مشكلتك جد مؤثرة، لكني أناشدك الله، هل هناك من يحب بهذا القدر في هذا الزمن، إن لم يكن حبا لله و لرسوله و لوالديك الذان ربيانك حتى أصبحت رجلا، و علماك و في الأخير تقول أحببت ...، الله يهديك، خلي حبك للصح، والديك، الظاهر أنها مراهقة و أنها تلهث وراء الدنيا، فإذا كانت محرومة ووجدت قدرا من الحرية فلك أن ترى العواقب

أخي الله يعافينا و في هذا الوقت ما تحب إلا الصح، الصح برك، ربي و النبي و والديك و الناس اللي يحبوك

ربي كريم

[symsem22]

والله ياخويا مايغيضك الحال من هذا النوع بالعكس افرح لانك كشفتها قبل ما تتزوج بيها لانو هذا النوع ممكن ايخون ليباعك بالفول بيعو بالقشور اوالقشور بزاف عليه ربي يرزقك بالزوجة الصالحة .نصيحة من عندي ماتزيدش تفرط في والديك لانك ماتلقاش لي يحبك او يبغيلك الخير كيما هما .ىوجد دائما من هو اشقي منك فابتسم .راك شفت ليقتل خطيبتو فالشروق والله مايستاهل

[صالح القسنطيني]

السلام عليكم

ما اصعب ان يخونك من كنت واثقا به

لست أدري و لكن أحسست نوعا من الصدق في كلامك و هو مؤثر و إن كنت اعتقد أن علاقتك بها محرمة شرعا

و لكن لا عليك تب الى ربك و ادعه ان يستبدلك خيرا منها و قل انا لله و انا اليه راجعون اللهم اجرني في مصيبتي و اخلف لي خيرا منها

و قد قالتها ام سلمة لما توفي لها ابو سلمة استبدلها الله به رسول الله صلى الله عليه و على آله و سلم

[أم محمد و آيه]

ربي يجيبلك أحسن منها ان شاء الله ....

انا نقولك أقلب المثل وقول اللي يبدلك بالقشور بدلو بالفول.....

متنساش الدنيا دوارة ويجي نهار اللي أطيح في بنت ناس تبغيك وتكون تاج راسها ...

الله يسترك وربيي يهنيك

صح عيدك

[amokrane_malik]

يا خويا راك نية بزاف وربي بعتلك هاذ البلية حتى تستفيق وبالاك تنتقم من وحدة أخرى فالبنات ماشي الكل كيف كيف
وبنات الفاميليا راهم بلا حساب واشن برك لازم تعرف كيفاه ووين تحوس
ونصيحتي ليك روح اتعلم دينك وصلي في المسجد وفي الوقت قدر المستطاع

[هدى البوزيدية]

ربي يكون في عونك أخي الكريم
أكيد ربي شافلك الخير كي بعدك عليها
ربي يرزقك الزوجة الصالحة ان شاء الله اللي تنسيك

[samir20102011]

تستاهل، ذلك حصاد أيديكم

[samiralger16]

المشاركة الأصلية كتبت بواسطة amokrane_malik

يا خويا راك نية بزاف وربي بعتلك هاذ البلية حتى تستفيق وبالاك تنتقم من وحدة أخرى فالبنات ماشي الكل كيف كيف
وبنات الفاميليا راهم بلا حساب واشن برك لازم تعرف كيفاه ووين تحوس
ونصيحتي ليك روح اتعلم دينك وصلي في المسجد وفي الوقت قدر المستطاع

لو جيت ما نعرفش ديني وما نصليش كنت نديرلها كيما قاع الشباب راهم يديرو واخذت منها ما اريد وتركتها وكنت قادر عاى ذلك لكن لم يحذث ان اختليت بها او لمس يديها
حسبي الله ونعم الوكيل فيك فهو اعلم بنيتي وما في قلبي اكثر منك