ابني جاب الباك والحمد لله لاكن ما عرفت نفرح ولا نزعف عليه

[ام حمزة22]

السلام عليكم ورحمة الله تعالى وبركاته
رمضان مبارك وتقبل الله منا ومنكم الصيام والقيام وصالح الاعمال

رواد منتدى الجلفة ما عرفتش منين نبدا حكايتي
من عامين وليدي جوز الباك ومن زهرو صرات البلبلة نتاع الغش لي اقصت كل تلاميد مادة الفلسفة ومن بينهم ابني رغم ان كان عندو المعدل باه ينتقل وتعب ليل ونهار وهو يراجع
و كان وليدي بسلامتو جوز باك ufc وجابو والحمد الله لاكن ما حبش يكم يدرس بيه وقرر يدخل معهد التكوين ودار تكوين انفوقرافي وصاب روحو فيها والحمد الله وراه قريب يسوتني
وقبل ما تبدا امتحنات شهادة الباك بالصدفة لقيت ورقة استدعاء لابني باه يجوز الباك
و تجاهلت الموصوع وما حبيتش نواجه بالسر لي راه مخبيه عليا خليت الامور تمشي على حالها و قمت بواجبي كاي ام تنتضر امتحان اولادها طبختلو كل ما طاب والد وقلت لباباه يزيدلو فالمصروف
وليدي بسلامتو كي شاف باباه زادلو فالمصروف قالي واش بيه بابا فاضو عليه دراهم سكت عليه وخليتو
المهم انا يوم ما قريت استدعاء ابني سارعت في اخد رقم التسجيل واليوم كي سمعت زغاريد سارعت لمركز النتائج فالنت وتمتم خرجلي اسم ابني الناجح والحمد لله
وفي هداك الوقت رحت لابني وهو راقد وما قدرت نهدر حتى كلمة قلتلو شوف نتيجتك طار بالفرحة وقعد يسوطي من الجيه لجيه وقالي زغرتي
لاكن انا ما قدرتش نزغرد السبب الاول بنت عمو ما جابتش الباك والسبب التاني ما زلت سوية زعفانة عليه لي ما قاليش راح يجوز الباك
بصح ما نكدبش عليكم فرحتي ما تتصورش
تحياتي للجميع تمنياتي للجميع باانجاح
صح فطوركم